Pristeri na boen njoensoe — Nanga den tijdschrift
1 „Leki gowtoe apra na ini solfroe tembre na so wan wortoe de, di taki na tapoe wan joisti ten” (Odo 25:11). Den wortoe disi foe na koniman Salomo e memre wi na na waarde foe bodoi di de foe a ten now. Toemsi warti na ini na disiten de ben diri èn disiten bodoi di e kon alaten na ini na Wachttoren nanga Ontwaakt! Boiti den aparti tijdschrift disi joe no abi no wan trawan di e gi den sortoe redelek bijbel bodoi disi ofoe e préki na Kownoekondre howpoe, èn wi abi na grani foe pristeri den tijdschrift disi na tra sma.
2 Foe kan prati moro foe den tijdschrift disi, dan foeroe brada e feni en wan boen sani foe gebroiki sjatoe pristeri. Den wéniki wortoe di wi e gebroiki, moe de eenvoudig, ma den moe wiki na gridi èn hari na prakseri foe na sma.
SAN WI KAN TAKI
3 Gi den sma di ben sa wani hori wan eenvoudig nanga sjatoe pristeri, san e kon now ben kan de heri boen: „Dag (mevrouw ofoe meneer). Mi nen na . . . Foeroe sma e aksi densrefi efoe oiti wan kaba sa kon na a kefarlek pratifasi di de na mindri libisma. Mi ben wani gi joe sote wan sani foe lési di e gi wan piki na tapoe na aksi disi. A de na tori ’Libisma tjari kon na wan — san dati ben sa wani taki’ na ini na 15 juni Wachttoren. Na Wachttoren nanga Ontwaakt! de foe joe tége wan bijdrage foe wan banknotoe.”
4 Tra prékiman ben sa kan taki: „Mi bréti foe miti joe na oso. Kande joe e agri taki na kon moro foeroe foe pratifasi a mindri libisma de wan réde foe wi broko wi ede. Jezus ben taki taki so wan ten ben sa doro. Foeroe opregti sma e taki taki na pratifasi disi sa tjari wan feti kon pe no wan sma sa tan na libi. Ma mi ben feni wan toemsi moi sani foe na tori disi na ini a tori ’Pe wi kan feni wánfasi na ini na grontapoe disi di stré priti na pisipisi?’ Mi e bribi dati joe toe sa feni en wan moi sani foe lési disi. Mi mag libi Na Wachttoren disi nanga na Ontwaakt! na joe foe wan pikin moni foe 50 cent.”
5 Te wi e taki nanga jongoe sma dan san e kon now kande sa fiti foe taki: „Hallo. Mi e feni en wan switi sani toe taki nanga jongoe sma. Foeroe jongoesma foeroetron e taki taki na skoro den de den sma di trawan e poti prakseri foe trobi foe di den e spotoe nanga na fasi fa den weri den krosi efoe e libi èn waka. Foeroe jongoewan e aksi densrefi fa den moesoe doe nanga na sani disi. Na ini na Ontwaakt! foe 22 juni joe e feni wan toe moi ondrofeni tori foe jongoesma èn boen rai na ini na artikel: ’Jongoesma e aksi: San mi e doe nanga treiter dati?’ Mi de séker dati joe sa feni en wan switi sani foe lési na artikel disi. Na Ontwaakt! disi makandra nanga na moro njoen Wachttoren e kostoe joe soso wan banknotoe.”
6 Wanwantron wi e miti sma di abi belangstelling gi wan spesroetoe tori. Efoe wi sabi san tanapoe na ini den tijdschrift di wi e pristeri, dan kande wi sa man foe poti den prakseri na tapoe wan artikel di abi na spesroetoe belangstelling foe den. Na Ontwaakt! foe 22 juni abi wantoe aparti artikel di e go foe medetatie-techniek foe meki wan sma gesontoe kon moro boen. Wi ben sa kan tjari na tori foe gesontoe kon na krin te wi sa taki: „Mi abi wan sani na mi djaso gi sma di abi belangstelling foe libi gesontoe. Na ini na libi wan lo foe wi foeroe sma de ondro stress nanga spanning, èn foe dat’ede meki den e soekoe ferlekti na ini techniek foe ontspan den. Ma wan sma kan aksi ensrefi ofoe bepaalde techniek de troetroe sondro kefar. Sabi foe na tori disi de foe feni na ini na Ontwaakt! disi. Mi denki dati joe sa wani lési na nummer disi nanga foeroe prisiri. Makandra nanga na Wachttoren mi wani libi en gi joe foe wan pikin moni foe wan banknotoe.”
PUNT FOE HORI NA PRAKSERI
7 Pristeri tijdschrift moe de eenvoudig èn sjatoe. Te joe sabi a tijdschrift boen, dan joe kan de opregti nanga faja. Aladi ala toe tijdschrift wi e pristeri, tokoe a de gewoonlek moro boen foe poti krakti na tapoe wan thema èn foe tjari dati kon fiti nanga a artikel di joe e pristeri. Te joe prati wantoe tijdschrift, doe moeiti dan foe kon sabi na nen foe na sma èn meki wan mofo foe gobaka nanga na prakseri foe bigin wan tijdschriftroute. Efoe den wégri na pristeri foe den tijdschrift, dan sori switifasi èn libi na sma na baka na ini wan boen jejefasi.
8 Hori na ini prakseri dati den tijdschrift di wi e pristeri, „abi wortoe foe tégo libi” (Joh. 6:68). Na ini na pristeri foe wi wi no moe hori wisrefi foe doe disi na baka. Pristeri den nanga faja.