Meki wi leri bekwaamheid kon moro boen te joe e doro a ati foe na studenti
1 Jezus ben leri nanga na prakseri foe doro a ati foe den sma di a ben gi leri. Di a ben tjari na agersitori foe na saiman kon a fesi a ben sori taki na den sma di ’ben ferstan san a wortoe ben wani taki’, ben sa kisi tranga toe doe wan sani (Mat. 13:18, 22, 51, 52). Efoe wi e gi leri foe dat’ede wi moe hori na prakseri taki wi wani doro na ati foe na studenti. Wi wani sori warderi gi Jehovah, en Manpikin èn na kristen organisaatsi. Efoe wi wani de boen leriman, den wi moe waka na baka Jezus ini wi leri. Disi wani taki taki na ini na hori foe bijbelstudi wi moe teki na fanowdoe ten foe jepi na studenti foe prakseri foe den punt di behandel.
2 Na leri foe na apostel Petrus ben doro na ati foe den 3000 sma di baka dati ben kisi dopoe tapoe a dé foe a pinksterfesa. A ben jepi den foe go denki logis abra den bijbel profétitori di ben abi foe doe nanga Jezus en dede èn en opobaka sodati den ben sa kisi wan joisti warderi foe na rol di Jehovah nanga Jezus ben pré na ini san ben psa (Tori. 2:1-36). A bijbel e ferteri taki den sma di ben bribi, ben „seki dipi na ini den ati” „èn den ben teki nanga den heri ati den wortoe” (Tori. 2:37, 41). Fa ini a ten disi, wi kan leri a so wan fasi taki wi kan doro na ati foe sma èn jepi den foe bow sowan srefi sortoe lobi?
TEKI NA TEN FOE DORO NA ATI
3 Den sma pe wi e hori wan bijbelstudie no abi nofo sabi foe na bijbel èn den sani di e psa na ini na grontapoe. Den sani di den e leri moe wiki firi na ini den. Den moe tjari den go so fara taki den kan beredeneer den sani di den e leri (Tori. 17:2, 3). Den moe kisi jepi foe ferstan sortoe sma Jehovah nanga Jezus de, èn san den ben doe gi wi. Den moe si fa Jehovah ben sori na ini ala fasi fa a ben doe nanga libisma lobi, pasensi nanga sari-ati. Den moe ferstan en makti èn respeki dati, èn agri nanga en regtvaardiki wet. Den moesoe ferstan na bigi waarde foe na kefarlek ofrandi di Jezus ben tjari èn moe ferstan na koni foe en libifasi. Na a disi den sa kan kon na ini wan waran persoonlek matifasi nanga Jehovah èn nanga Jezus.
4 Na „Tégo libi-boekoe” nanga na „Bondroe kon na wan in na anbegi-boekoe” abi leki marki foe doro na ati foe wi studenti èn bow warderi di e komoto foe na ati na den. Loekoe pikinso paragraaf 9, 10 na bladzijde 10 e jepi na studenti foe beredeneer taki wan lobi Gado no ben sa meki libisma nanga, na lostoe foe libi foe tégo sondro foe gi den na okasi foe na lostoe dati kon troe. Na ini kapitel 4 foe na Tégo libi-boekoe eksempre de foe a fasi fa warderi kan bow na ini na ati. Loekoe spesroetoe den eksempre na ini den paragraaf 5, 12, 13.
5 Na ini na boekoe Bondroe kon na wan na ini na anbegi wi e feni na ini na heri boekoe aksi di e wroko na tapoe na ati foe na studenti. Toemsi moi eksempre foe disi wi e feni na bladzijde 32 nanga 33. Den aksi disi e meki na studenti go denki èn a e tjari en go so fara foe ondrosoekoe finifini den boewégi foe en ati. Den e jepi en foe denki foe en firi di a abi gi Jehovah, Jezus nanga na organisaatsi. Safrisafri a e kon ferstan moro nanga moro foe na libifasi di a moe waka na en baka foe prisiri Jehovah èn foe kisi en blesi.
SREKA JOESREFI BOEN NA FESI
6 Soboen meki wi sreka wisrefi na fesi gi den bijbelstudie di wi e hori èn teki moro fara nofo ten foe beredeneer na stof di poti drape gi na studenti. Na a fasi disi wi sa bow firi foe waran ini en ati gi Jehovah, Jezus nanga na organisaatsi. Efoe wi man doro na ati foe wi studenti dan den sa kisi na faja foe waka na baka na srefi libifasi leki den 3000 di ben teki dopoe na tapoe na foe na pinksterfesa ini 33 G.T. (Tori. 2:41-46). Den sa kisi jepi foe kakafoetoe gi na krakti foe Satan nanga en moeiti foe kori den. — Matt. 7:24-27.