Pristeri na boen njoensoe — Nanga na pristeri foe na abonnement
1 Onsékerfasi nanga pina e tapoe skreki now gi na libi foe sma ini na heri grontapoe. Bigi feti, angri, siki, nanga ongolokoe e kon moro foeroe. Tiri foe kondre no de stabiel èn e frede èn e degedege tapoe na fundamenti foe den. Den moro bigi moeiti foe libisma no e tjari kenki kon na ini na situwasi. Vréde no de moro (Openb. 6:4). Den sma wani sabi foe san-ede someni pina de.
2 Fa wi kan de grantangi taki Jehovah ben gi wi na ini a ten disi foe span, vréde foe ferstan (Fil. 4:7). Fa wi bréti dati wi e ferstan foe san-ede na ini a ten disi someni broeja de. Na vréde foe wi de na bakapisi foe di wi ben leri sabi na prakseri foe Jehovah èn ben saka wisrefi na ondro den seti di a ben orga. Na diri goedoe foe vréde disi e tranga ini wi na lostoe foe prati en nanga trawan foe di wi o jepi den foe si fa den sani di e psa na grontapoe e meki bijbel profétitori kon troe. — Rom. 10:14.
3 Na Wachttoren de wan moi fasi foe tjari na boskopoe disi go na tra sma. A tijdschrift disi e pristeri ala sma na boen njoensoe dati Gado kownoekondre djonsro sa pori ala den sma di e kwinsi den sma di de na den sé. Na kownoekondre sa kenki na grontapoe kon na ini wan paradijs foe vréde. Den Uitgave foe mei e fiti boen na a Tori foe takmakandra di nen: „Howpoe awinsi benawtoe de sensi 1914”. Sondro degedege joe sa feni en moi foe gebroiki na tori disi èn pristeri den uitgave disi di de foe a ten disi, so dati aparti sma e kisi jepi foe si foe san-ede den toestand ini a grontapoe de so wan skreki sani. Joe abi na ini prakseri wan fasi foe pristeri en?
PRISTERI FOE ABONNEMENT
4 Disi na wán fasi foe bigin nanga wan pristeri: „Wi e feni en wan switi sani foe miti joe tide na oso. Wi e kon foe taki foe wan afersi di foeroe sma e broko ede nanga en foe na onsékerheid ede pe foeroe sma de na den fesi ete. Foeroe sma e aksi densrefi efoe libisma nownow no e wroko foe pori densrefi nanga na grontapoe na ini wan di foe dri grontapoefeti di kande kan kon pe a o meki gebroiki foe kernfetisani. Na ini Prékiman 1:4 (bladzijde 6 ini a tijdschrift foe 15 mei) tanapoe taki grontapoe sa tan foe tégo. So toe joe e lési na ini na artikel taki na aardbol srefi no meki Gado no abi no wan réde foe pori en; ma dati a de en prakseri foe meki libisma libi foe tégo na ini grontapoe na ini kolokoe. Na uitgave foe 15 mei foe Na Wachttoren e taki foe na thema: ’Libi na grontapoe de wan pasi di e tjari joe go na hemel?’ Wi e pristeri wan jari abonnement tapoe na tijdschrift disi foe Sf 6,00. Joe e kisi dan, ala toe wiki wan uitgave.”
5 Efoe na ososma abi en druk, dan joe ben kan taki eenvoudig: „Na Wachttoren e jepi wi foe ferstan den sani di e psa na grontapoe e meki den bijbelprofétitori kon troe. Na tijdschrift abi na trowstoe boskopoe taki Gado kownoekondre heri hesi sa kenki na grontapoe disi kon ini wan paradijs. Wan heri jari langa joe kan kisi toe uitgave foe na tijdschrift disi ala moen foe soso Sf 6,00.”
6 Efoe na ososma foe na momenti no abi moni foe na abonnement dan kande joe kan seti sani foe kon baka na wan tra ten ofoe a ben sa kan de praktis foe pristeri wan abonnement foe wan hafoe jari foe Sf 3,00. Meki den sma kisi dek’ati di no wan teki wan abonnement na tapoe den tijdschrift, foe teki den uitgave foe Na Wachttoren nanga Ontwaakt! di wi e pristeri na moen disi foe 50 cent.
DE POSITIEF
7 Son sma ben poti wan persoonlek marki na den fesi na ini na sroto foe abonnement di den e proeberi foe doro. Wroko nanga fertrow nanga faja foe doro na marki foe joe. Tan hori wan positief fasi. Denki na ala sani di Jehovah ben doe gi wi nanga jepi foe en Manpikin Jezus Kristus èn na a seti foe jeje njanjan nanga jepi foe na „getrow nanga koni srafoe”. Efoe wi e wroko na a fasi dati èn begi foe na blesi foe Jehovah tapoe wi moeiti, wi sa si toemsi moi bakapisi nanga na pristeri foe den abonnement. Na prisiri foe wi sa meki tra sma si na aparti waarde foe den tijdschrift (Joh. 5:11). No draidrai foe pristeri na ibri boen okasi ini na velddienst wan abonnement.