Wi rol foe gi jepi ini a gemeente
1 A de a wani foe Jehovah „dati ala sortoe sma e kisi ferloesoe” (1 Tim. 2:3, 4). Èn a kristen gemeente abi troetroe difrenti sortoe foe aparti sma, ibriwan nanga den égi talenti nanga den égi persoonlekheid. San ibriwan foe oenoe kan doe foe jepi trawan foe gro na jejesé èn foe tan tranga na ini a bribi?
2 Ibriwan foe oenoe kan, a no trobi sortoe omstandigheden a abi, de wan fonten foe dekati gi trawan. Akroederi Efesesma 4:16 wi leki aparti sma kan doe wi pisi foe sorgoe foe san „de fanowdoe”.
GI SAN DE FANOWDOE
3 Ini a vers disi den e sori tranga na tapoe toe prenspari sani di de foe bow a gemeente. Den de wrokomakandra nanga lobi. Foe kan gi wisrefi foe a boen foe trawan, dan moeiti di wi prakseri boen a fesi de fanowdoe. Ini ibri gemeente wantoe sma de kande di abi jepi fanowdoe foe go ibri moen na ini na dienst. Joe kan gi jepi? Sontron papa nanga mama kan jepi makandra foe di ibritron wan foe den e loekoe den pikin efoe foeroe pikinnengre de di den no man tjari alamala nanga den ini na velddienst. Papa nanga mama moesoe meki moeiti foe leri den pikin pristeri di fiti, di den kan gebroiki ini na oso na oso-wroko. Joe ben leri joe pikin foe doe wan eenvoudig tijdschrift pristeri? Efoe den kan lési joe ben leri den wan bijbeltakmakandra di den kan hori? Den sortoe moeiti dati e sori joe lobi èn na jepi di joe e gi na gemeente.
4 San kan doe moro fara foe gi nasani di de fanowdoe? Joe kan pristeri joesrefi foe wroko nanga wan pionier di no abi wan patna ete? Na velddienstkomakandra joe kan jepi den pionier foe di joe e de biten èn moro fara e go es’esi na a gebied. Ibriwan kan poti na marki foe prati ondrofeni foe a velddienst nanga trawan ini a gemeente.
TJARI GEÏNTERESSEERDE GO NA A ORGANISAATSI
5 A de wan prenspari sani dati wi alamala meki boen foeroe moeiti foe tjari geïnteresseerde sma kon na a organisaatsi! Leg joe bijbelstudie na regeling uit foe joe gemeente boekoestudie èn gi den wan kari foe kon nanga joe na a studie dati. Kande joe kan meki wan mofo foe go teki den. Jepi den foe kon leri sabi den trawan bifo èn baka na studie. Ferteri pikinso foe na publiki, taki nanga na Wachttoren-studie èn meki mofo foe teki den foe go nanga joe na den komakandra disi sodati den sa firi densrefi na oso. Te joe e sidon na den sé, singi makandra nanga den ini joe singiboekoe èn te joe abi wan extra exemplaar foe Na Wachttoren na joe, joe sa jepi den toe foe den firi densrefi na oso. O moro gaw njoen sma e fisiti den komakandra, o moro gaw den sa go na fesi na ini na waarheid.
6 Kande joe sabi son sma di ben fisiti na Avondmaal, ma di no de prékiman ete. Wi wani jepi den sote foe tron Kotoigi di gi densrefi abra èn dopoe, di e waka fajafaja ini den foetoe stap foe Jezus Kristus (1 Petr. 2:21). Foe kan doro a marki disi, den moesoe kisi ten èn heri boen prakseri.
7 Speciaal den owroeman nanga dinari ini na diniwroko abi na grani foe jepi trawan ini a gemeente. Den e kisi na dekati foe loekoe heri boen sortoe fanowdoe na ipi abi èn moro fara foe doe moeiti foe gi ibriwan memre aparti na joisti fanowdoe jepi. Ooktoe den e kraka na gemeente foe di den e gi densrefi fajafaja ini a velddienst, foedi a boen eksempre foe den de wan dekati gi ala sma.
8 David ben taki: „O boen èn o switi a de te brada e libi makandra na ini wánfasi!” (Ps. 133:1) Ala na jepi foe na sé foe ibriwan foe wi foe di wi e gi na sani san de fanowdoe e meki wantronwantron na wánfasi nanga go na fesi foe na gemeente kon de troetroe.