Go doro foe taki a wortoe foe Gado sondro frede
1 Di den sma di ben e libi na ini Jeruzalem ben e si fa Jezus ben e taki sondro frede, den bari tranga: „A no a man disi di den e soekoe foe kiri? Èn loekoe now! a e tanapoe e taki djaso na publiki” (Joh. 7:25, 26). Jezus ben gi na eksempre leki wan man di no ben frede foe préki a Wortoe foe Gado. Jehovah ben gi en wroko foe doe èn a no ben abi na prakseri foe meki frede foe libisma tapoe en mofo. Na srefi no-fredefasi a ben poti na ini na ede foe en discipel di ben de getrow. Di den ben abi den kriboi komakandra pe den alamala ben de makandra a ben gi en discipel na komando foe préki èn leri a kownoekondreboskopoe na alasé lontoelontoe èn den ben doe disi toe sondro foe frede. — Matt. 28:19, 20; Tori. 1:8.
WI E TAKI SONDRO FREDE?
2 Ini a ten disi èn ini a kondre disi den no e ferfolgoe wi so leki den fosi jarhondro kristensma. Tokoe, a kan taki joe kan kisi tesi nanga moro fini èn srapoe fasi foe frede. Na bigin foe taki nanga wan freemde sma leki eksempre de wan sani di e gi joe frede? Noso joe e frede foe meki gobaka, foe di joe kande no o sabi san joe moesoe taki? Sonwan frede foe wroko ini kontren pe sma di abi foeroe moni e libi. Jongoewan nofotron e frede foe taki nanga tra jongoewan foe na kownoekondreboskopoe. So toe son sma frede foe taki nanga den wrokobasi noso kompe-wrokoman. San de na loesoe foe disi? Den apostel ben begi foe a jepi foe Gado (Tori 4:29). Satan e meki moeiti foe frede oenoe èn foe meki na no-gridifasi foe wi foe jepi trawan na ini wi kon kowroe. Ma wi kan de séker taki Jehovah sa gi wi krakti efoe wi e tjari a boen njoensoe go na trawan. — 2 Kronieken 20:15; Tori. 4:31.
3 Ini a moen november wi kan teki prati na a wroko disi nanga wan abonnement tapoe na Wachttoren noso Ontwaakt! di wi kan pristeri foe Sf 7,00 noso Sf 14,00 gi ala toe tijdschrift. Efoe sma abonneer kaba meki den kon foe si dan fa den kan kisi winimarki foe wan osobijbelstudie.
4 Efoe joe no abi ete foeroe ondrofeni ini na gebroiki foe na Tori foe takmakandra, foe san-ede joe no ben sa tak-go-tak-kon nanga trawan bifo joe go na ini na veld-dienst? A sa meki joe fertrow na ini joesrefi kon moro bigi te joe e naki tapoe den doro èn a sa tranga joe foe taki a Wortoe sondro frede.
5 Na fosi sonde èn na di foe 2 èn 4 satra foe ibri moen de spesroetoe velddienstdé. Wi e gi oenoe foe go prakseri foe poti spesroetoe den dé disi gi na velddienst a wan sé. Loekoe dati den dé disi poti na na kalender foe na Genootschap foe memre wi na den spesroetoe okasi disi.
6 Na marki foe wi prékiwroko de moro leki libi boekoe na baka na sma di e sori belangstelling. Foe meki discipel wi sa moesoe foe meki gobaka. Bigin joe takmakandra baka foe di joe e sori tapoe joe fosi fisiti èn bigin foe taki baka foe wantoe foe den punt di joe ben taki nanga en kaba. Sorgoe taki joe abi wan spesroetoe punt na ini prakseri ini na boekoe di joe wani foe tjari kon na en prakseri. Disi sa meki na sma disi en ai kon opo foe si na waarde foe den boekoe èn kande a sa gi joe na okasi foe demonstreer wan bijbelstudie gi en.
7 Fa disi e gi wan prisiri firi foe si taki someni sma e teki na waarheid! Foe di wi e préki Gado Wortoe sondro frede, wi e sori wi lobi gi Jehovah nanga en Manpikin. Faja gi na préki komando disi sa jepi wi foe kakafoetoe gi den aanval foe Satan èn foe sori taki wi ’abi joisti moro foeroe dek’ati foe préki a Wortoe foe Gado sondro frede’. — Fil. 1:14.