Lei wi pikin op foe Jehovah dienst
1 Te joe e loekoe lontoe joe na ini na Kownoekondrekomakandrapresi, loekoe spesroetoe na den jongoe brada nanga sisa di e sorgoe toe foe den sé taki wan heri switi geest de na ini na gemeente. Wi no de tangi taki den e prakseri den Bigi Mekiman na ini den jongoe jari? (Prék. 12:1) Soleki fa ala sani e sori dan den sortoe jonkoeman nanga oema di e gi wan boen eksempre de na bakapisi foe wan heri boen opleiding èn boen foeroe moeiti èn wi abi nomo foe aksi den papa nanga mama foe kan kisi na sékerheid disi. San de ini a tori foe lei wan boi noso wan oemapikin op na ini na joisti pasi? — Odo 22:6.
2 A no kan tra fasi dati ibri ede foe wan osofamiri moesoe sreka sani foe wan geregelde osofamiri bijbelstudie na san den pikin e teki prati toe. Disi de wan pisi foe na jeje sorgoe di wan sma e gi „den sma foe en” (1 Tim. 5:8). Den moesoe doe moeiti foe meki den moro jongoewan srefi teki prati na ini a studie toe foe di wawantron so joe kan aksi den wan aksi di no de moeilek foe wan sani di den kan ferstan. Wan papa noso mama kan rapporteer ibri wiki wan joeroe velddienst efoe a e studeer nanga pikin di no gi densrefi abra ete. (Loekoe om blz. 106, par. 1.) A de krin dati foe lei wi pikin op moro de fanowdoe leki soso wan tron wan wiki foe studeri na bijbel nanga den. Prakseri pikinso na a ibridé srapoe foe bijbel gronprakseri na ini den ati èn na bow foe warderi gi Jehovah nanga en Manpikin. Disi e aksi boen foeroe ten nanga moeiti foe na sé foe den ala toe papa nanga mama di e frede Gado. Nanga aladi a ten disi no e teri leki velddienstten, a séker e teri toe na ini na kisi foe Gado boen wani èn tégo libi. — Deut. 6:6, 7; Ef. 6:4.
GI SPESROETOE JEPI
3 Nanga aladi a de fanowdoe foe leri wi pikin na ini den „fundamentileri”, sontron pikinnengre abi spesroetoe jepi fanowdoe foe di omstandigheid e de na ini den libi di e meki dati fanowdoe. (Teki gersi Hebrewsma 6:1, 2.) Efoe pikinnengre e kon tanapoe na fesi foe moeilek situwasi, tesi nanga problema na skoro, ini a birti noso srefi ini na gemeente, dan papa nanga mama moesoe gi den ooktoe, boiti na osofamiri bijbelstudie di den abi nanga den moro jeje tiri nanga leri. Wawantron so a studie kan fiti foe behandel wan spesroetoe problema di e feni presi. Foe eksempre san joe moe doe efoe wan jongoe pikin e poti na ondro kwinsi na skoro foe teki prati na doe di abi foe doe nanga politiek pikinso? Kapitel 34 foe na boekoe Naar de Grote Onderwijzer luisteren èn ooktoe tori 77 foe Mi Boekoe nanga bijbeltori abi heri moi materiaal di papa nanga mama kan gebroiki. Gi jongoe pikin a kan de ooktoe wan sani di kan kori den foe teki prati na ini skoro frijari-oso noso grontapoe fesa. Foe san-ede joe no sa taki foe kapitel 30 foe na Grote-Onderwijzer-boekoe? — Odo 20:5; w82 1/2, blz. 15; g81 8/8, blz. 10.
4 Moro owroe pikin nanga tini foeroetron den e firi foe go teki prati na skorosport nanga tra activiteit di de na dorosé foe den normaal skoroprogramma. Efoe disi e tron wan problema, dan kande joe ben sa kan gebroiki na materiaal na ini kapitel 16 foe Maak je jeugd tot een succes. Na lektifasi foe prakseri foe moraal na ini a ten disi kan de wan tesi toe gi wi pikin na a sé foe sopi, marihuana èn immorele seks. Oenoe leki papa nanga mama oen ben meki wan bigin kaba foe oen takmakandra foe den kapitel 14, 15 nanga 18 foe na Jeugd-boekoe nanga oen pikin?
5 Wi alamala wani taki oen pikin moe dini Jehovah. Foe dat’ede papa nanga mama sa wani foe jepi den pikin foe troe foe tron geregelde prékiman. Oen gi oen pikin ooktoe na a sé disi wan opleiding pe ’srefi te den kon owroe den no sa drai komoto libi en’. — Odo 22:6.