’Sma di e kibri den soifri-reti-fasi’-kongres 1985
Di na disiten satanis seti foe sani e kon dé foe dé moro takroe, na soifri-reti-fasi foe den bakaman foe Kristus sa tan ondrofeni tesi. Foeroetron èn ooktoe tapoe kibrifasi pikinsopikinso noso wantronwantron so Satan e meki moeiti foe broko na soifri-reti-fasi foe Jehovah dienstknegti. Man leki Job, David ben hori na den soifri-reti-fasi èn Jehovah ben loekoe taki foe gi wi dek’ati den ben skrifi wan verslag foe den getrow fasi èn taki a ben tan kibri (1 Kown. 9:4, Job 27:5; Rom. 15:4). Net-leki fa Jehovah ben gi den getrow man disi foe owroeten wan foeroe porsi foe en jeje, a e gi disi toe na den sma di ini a ten disi e kibri den soifri-reti-fasi.
Na „Sma di e kibri den soifri-reti-fasi’-kongres foe 1985” sa gi wi boen bodoi foe den sani di wi moesoe doe foe tan stanfaste. Soifri-reti-fasi e aksi foe wi taki a no soso te den omstandigheden de boen, ma alaten wi moesoe tan loyaal na Jehovah regtvaardiki wet nanga gronprakseri sondro foe degedege. Wan krakti bribi ini Jehovah de fanowdoe èn fertrow ini na howpoe di a e gi nanga jepi foe en santa jeje. Nanga bigi froewakti wi e loekoe na a kongres, pe wi sa kisi dek’ati nanga rai di sa jepi wi foe tan gro ini soifri-reti-fasi. — Ps. 26:1, 11.
DE DRAPE ALA FO DÉ: Joe ben meki plan foe de drape ala fo dé? Foe bigin foe na bigin tapoe fodewroko mamanten te leki na kriboi begi tapoe sondeneti bodoi sa gi di de troetroe prenspari foe wi jeje gesontoe. No misi no wan pisi foe na programma, nanga aladi kande disi e aksi spesroetoe ofrandi foe joe sé. Efoe joe e doe opregti moeiti èn e teki ala sreka di de fanowdoe foe kan de tapoe na kongres, Jehovah sa blesi joe troetroe.
Wi e gi joe dek’ati foe de ibri dé biten drape èn foe sidon tapoe joe presi bifo na programma e bigin. Nanga disi joe sa abi na okasi foe njan boen foe kristen demakandra nanga joe brada nanga sisa ini tra presi. Ooktoe joe abi na okasi makandra nanga tra sma foe singi wan prijse singi gi Jehovah èn foe de na a biginbegi. Den sma di e sidon na joe birti, sa warderi en troetroe dati joe no e poeroe den prakseri foe na programma foe di joe e kon lati. Boiti kristen lobi nanga firi gi trawan respeki gi Jehovah èn den jeje sani di a e gi, moesoe de den sani di e gi wi dek’ati foe doe moeiti foe kon biten.
Soleki wi ben taki a fesi kaba, wi sa abi a jari disi ini wi kondre dri kongres, na Bakratongo nanga Ingrisitongo kongres foe 22-25 augustus na a 2e Rijweg, Latour nanga na Sranantongo kongres foe 29 augustus-1 september. Na kongresbureau ben seni heri ipi bodoi go na den gemeente. Ooktoe heri ipi sani ben sreka a fesi foe sorgoe taki gi iniwan sma wan sidonpresi de èn dati nofo boekoe, njanjan, nanga so moro fara de. Foe troe wi alamala angri troetroe foe gi wi brada nanga sisa wan switikon na tapoe den kongres èn foe miti den. Na kongres boiti dati a sa hori na ini Bakratongo a sa hori toe volledig ini Ingrisitongo nanga Sranantongo.
ARKI ÈN LERI: „Jezus ben gi en bakaman na rai: ’Poti prakseri . . . tapoe a fasi fa joe e arki’” (Luk. 8:18). A ben si taki wi kan meki na kwaliteit foe wi dienst gi Jehovah kon moro boen foe di wi e poti san wi leri ini wi libi. Ibri jari na kongresprogramma seti spesroetoe tapoe den fanowdoe foe Gado pipel. Efoe wi e arki boen na na rai di wi e kisi na ini na kongresprogramma, wi no sa kisi nomo dek’ati èn kon bow op na jejesé, ma wi sa kisi direkt rai, di Jehovah e gi nanga jepi foe en „getrow nanga koni srafoe” (Matt. 24:45-47). Disi de fanowdoe efoe wi wani gro makandra nanga na theocratie.
San joe ben sa kan doe foe poti prakseri troetroe tapoe na programma? A de prenspari dati ibri neti wi sorgoe foe wan boen sribi sodati a tra mamanten joe opo switi èn na heri dé joe kan tan arki boen. Efoe wi e hori na ini prakseri taki na moro prenspari réde foe san-ede wi e tan ini na kongresfoto, de foe fisiti na kongres èn kisi winimarki foe na programma, disi sa jepi wi foe hori balans ini na fasi fa wi o pasa wi neti.
A meki foe sjatoe aantekening de wan fasi foe tan e poti prakseri èn foe kisi ala winimarki foe na programma. A sori en warti kaba, foe kan jepi wi foe teki san e taki tapoe na podium ini wi. Efoe te joe e arki den lezing e proberi foe kon si san de den edeprakseri èn e skrifi den, dan disi sa jepi joe foe poti na prakseri ini joe geest èn foe tan memre den. Son sma ben feni en boen foe skrifi den aantekening ini na vorm foe wan schema nanga di den e skrifi den edeprakseri èn na ondro den edeprakseri dati den ben e skrifi ondro makandra den argument di e ondersteun den. Hori na prakseri taki baka na kongres tapoe na dienstkomakandra ini joe gemeente den sa gi wan loekoe baka tapoe na programma. Skrifi te joe e meki aantekening den punt dati foe san te den e hori na loekoe baka joe sa wani taki wan sani.
Ete wan jepi foe hori na ini prakseri moro foe den bodoi di wi e kisi, de foe na a kaba foe a dé joe teki ete wantron na programma doro. Takmakandra foe ibriwan foe den programmapisi nanga joe osofamiri noso nanga tra sma. Nanga disi den moro prenspari prakseri sa kon de moro tranga ini joe geest. (Den bodoi ini Ontwaakt! foe 22 december 1984, bladzijde 12, kan wroko boen foe jepi joe foe tan hori na joe memre den bodoi foe na kongres.)
Gi pikinnengre na meki foe aantekening kan de pikinso moro hebi, ma den kan kisi dek’ati foe soekoe ibri wan tekst di den brada kari ini de bijbel èn srefi ibri wan tekst di kari den kan skrifi. Bifo a programma bigin papa nanga mama ben sa loekoe na programma nanga den pikin, sodati den sabi sortoe onderwerp e behandel. Efoe pikinnengre sabi taki den o teki den toe na ini na overzicht foe na programma èn dati sma sa aksi den san den leri foe a dé dati, nofotron den sa arki nanga moro foeroe prakseri na san den e taki ini na programma.
KRISTEN FASI FOE TJARI WISREFI: Ini na heri grontapoe Jehovah pipel sma sabi den foe den heri boen fasi foe tjari densrefi. Baka di wi distriktkongres ini 1984 ben kon doro den kaba wi ben kisi wantoe heri moi kommentaar foe na fasi fa wi brada nanga sisa ben tjari densrefi. Hoteléginari ben taki sani leki: „Wi feni en wan prisiri sani foe ontvang oenoe sma. Den pikin e tjari densrefi heri moi.” „Den de kefarlek boen sma.” „Ibri jari agen a de heri moi. Noiti problema de.” Den sortoe kommentaar dati no e ferwondroe wi, foe di ’lobi mindri makandra’ èn ’lobi den birti leki densrefi’ de marki di e poti troe kristen aparti foe trawan. — Joh. 13:35; Matt. 22:39.
Wi wani gafa oenoe foe den go na fesi tapoe na kontren disi di ben meki. Tokoe so wawantron foe wantoe kommentaar a e kon na fesi taki a boen foe tan memre makandra foe tan tjari oensrefi boen tapoe den adres pe wi e tan. Foe di wantoe foe oenoe a jari disi ooktoe o gebroiki na gastvrijheid foe trawan wi wani foe tan sori bijbel gronprakseri drape toe, sodati ala sma sa kan taki foe wi soso na wan fasi foe gafa. Foe na sé foe wi disi sa sori taki ’wi de klarklari foe gi jesi’. — Jak. 3:17.
Na fasi fa jongoewan e tjari densrefi soboen tapoe na kongresdjari leki a dorosé, de wan sani toe foe san wi moesoe broko wi ede. Na ondrofeni e tjari kon a krin taki eventuele problema nofotron ben de na bakapisi foe na mankeri foe papa nanga mama noso bigisma di e loekoe den. Jehovah Kotoigi e tjari den pikinnengre foe den go na kongres sodati den „kan kisi leri foe Jehovah” èn ’foe bigin foe pikinnengre ten den kan sabi den santa Boekoe’ (Jes. 54:13; 2 Tim. 3:15). A marki disi kan doro nomo efoe den jongoewan e tan sidon tapoe den presi èn e arki na a programma. Osofamiri moesoe sidon makandra te na programma e hori, presi foe gi jongoewan na okasi foe go sidon ini bosoe foe tra jongoewan. Efoe jongoewan moesoe doe fri-wani-wroko tapoe na kongres, dan papa nanga mama moesoe sreka sani a fesi taki den pikin foe den no e wroko te na programma e hori, sodati den kan arki èn leri.
Ooktoe njoensoe e kon taki te now ete sma, nanga aladi den e sidon mindri na publiki e taki nanga makandra noso tapoe tra fasi den e sorgoe foe stoornis, presi foe den arki boen na na programma. Lespeki foe na tafra foe Jehovah nanga firi gi wi brada nanga sisa moesoe meki taki ini den afersi disi wi gebroiki wi gesontoe froestan. Te na programma e hori no wan sma moesoe waka noso go fisiti trawan. — Ps. 34:11; Prék. 3:1, 7b.
Wan tra kontren na san sma moesoe poti prakseri, de dati foe krosi nanga na fasi fa joe e sorgoe foe joe skin. Efoe wi e fisiti kongres, dan wi e kon makandra foe gi Jehovah glori na ini en „oso” èn so wi moesoe weri wi krosi foe fiti na okasi disi. Wi krosi èn dorosé sorgoe foe wisrefi moesoe doro den hé markitiki di fiti dinari foe Gado èn a no moesoe ondrofeni na wroko foe a kongresdjari taki ai gebroiki foe tra sani. Loekoe foe moro bodoi foe krosi nanga dorosé sorgoe foe wi skin tangitangi na paragraaf 1 èn 2 tapoe bladzijde 132 foe Georganiseerd om onze bediening te volbrengen èn lési toe den bijbeltekst di skrifi drape toe.
NA HORI FOE SIDONPRESI: Nanga aladi na ini a ten di pasa foeroetron wi taki foe na hori foe sidonpresi èn den ben reageer boen a tapoe disi, na tori disi e tan abi wi prakseri. Tokoe te now ete foeroe sma de di e kon froekoe foe nanga jepi foe singiboekoe, bijbel, nanga so moro fara hori den sidon presi di den lobi sote foe abi den, no wawan foe den osofamiri, ma ooktoe gi den mati nanga kompe di sontron no e kon srefsrefi. Na a fasi disi foeroe foe den moro betre sidonpresi sma e hori den opo sondro dati oiti den ben gebroiki den.
Fa joe ben prakseri foe na rai di ben gi ini uitgave foe Wi Kownoekondredienst na na sé foe hori foe sidonpresi gi trawan? (Hebr. 3:17) Joe de wan sma di ben waka baka den bodoi di ben gi èn joe ben wroko makandra nanga den dienstverlener di ben meki moeiti foe tjari na afersi disi ini boen lin? Hori na prakseri tak moro leki nofo sidonpresi de gi ala sma di de drape.
Foe disi èn tra sani a sori boen na wi foe tjari wan kenki kon na ini disi. Ini a ten di de na wi fesi dan na a sé foe hori sidonpresi gi trawan wi sa waka na baka na richtlijn disi dati SIDONPRESI MAG HORI NOMO GI SMA FOE WI ÉGI OSOFAMIRI ÈN SMA DI E REIS NANGA WI INI NA SREFI OTO. Efoe te na kongres e hori joe wani sidon nanga trawan, joe kan miti den tapoe na kongresterrein, èn soekoe wan presi makandra nanga den. Tangitangi no libi noti didon tapoe den stoeroe na joe sé; den sma di e soekoe wan presi sa prakseri taki wan sma e sidon tapoe na presi drape. Foe di den dienstverlener o kisi bodoi na a sé dati kroederi den seti disi, wi e aksi oenoe nanga switifasi foe wroko makandra nanga den brada disi efoe na wan lobifasi den e meki moeiti foe jepi ala sma di de drape foe ala sani waka boen. Efoe wi e saka wisrefi na wan sakafasi na den theocratis seti disi, dan ini den moro foeroe geval disi sa wani taki dati nofo sidonpresi de di morofara de koemakriki foe feni. Na sowan fasi joe sa sori na „prenspari regel” èn sori taki joe de troetroe ’getrow ini den moro pikinsani’. (Matt. 7:12; Luk. 16:10; teki gersi 1 Korinte 13:5.) Nanga disi ini prakseri a de wan sani di wi kan rikomanderi oenoe foe makandra nanga joe osofamiri nanga joe mati oenoe poti prakseri na a heri moi materiaal foe na hori foe sidonpresi, èn ooktoe na den tra rai foe na fasi fa wi e tjari wisrefi tapoe kongres, di ben kon na ini den inlegvel foe Wi Kownoekondredienst foe 1981 te leki 1984.
VELDDIENSTREGELING: Wan troetroe prenspari pisi foe wi anbegi de na teki prati na a velddienst. No meki na okasi pasa foe meki joe kongresprisiri kon moro bigi foe di joe e meki a boen njoensoe bekenti na trawan. Tapoe frédamamanten moro velddienst sa de agen. Sorgoe dati foe na ten dati joe sreka sani foe gebied. A ben sa de boen efoe na sma di abi na leiding foe wan groepoe, wantronwantron baka di a kisi na gebied ofoe kontren a bigin broko en ede nanga a pasi f’go na a gebied, sodati frédamamanten foeroe ten no e lasi gwe foe soso. Tangitangi teki foe joe égi gemeente nofo tijdschrift foe a moen dati foe kan gebroiki te na kongres de ini na velddienst.
FRI-WANIDIENST: Kongres e tjari wroko kon, èn heri ipi fri-waniwrokoman de fanowdoe. Na congrescoördinator ini oenoe gemeente sa kisi bodoi foe den afdeling di abi fri-waniwrokoman fanowdoe èn a sa meki a gemeente kon sabi dati. Efoe joe wani doe fri-wanidienst, a sa de mindriman na ini disi. Pikinnengre di moro jongoe leki 16 jari moesoe wroko alaten nanga wan papa noso mama noso nanga wan bigisma. Wi e gi papa nanga mama nanga den pikin foe den dek’ati foe, efoe a kan, doe fri-wani-wroko makandra.
A kan taki tapoe na congres wan fanowdoe de foe ekstra fri-waniwrokoman. Efoe joe wani jepi go dan te joe doro drape tapoe na kongresdjari na a afdeling Fri-wanidienstman. Den brada drape sa ferteri joe pe jepi de fanowdoe drape ete. Joe dienst di joe wani doe sote den sa warderi foe troe èn a sa jepi meki na kongres waka boen. — Tori. 20:35.
NJANJAN FANOWDOE SANI: Spesroetoe regeling e teki foe sorgoe foe wi skinfanowdoe. Den sani di sreka a fesi foe njan èn dringi e kroederi nanga den di ben seti na tapoe den districtkongres foe den jari di waka a fesi. Wi e gi wan bigi tangi foe na tranga wroko foe den brada nanga sisa di ben jepi oenoe na so wan fasi.
Kongresbon sa de foe kisi foe Sf 4,00 wan vel foe 40 bon. Wi wani gi oenoe dek’ati foe a fesi nanga jepi foe den gemeente foe bai nofo bon foe den fosi toe dé noso dri dé foe doro den fanowdoe foe joe osofamiri.
Fa disi sa de wan grani foe fisiti na „Sma di e kibri joisti-retifasi”-kongres foe 1985! Na programma sa gi wi dek’ati foe dini wi Gado na wan getrowfasi, nanga aladi Satan e val oenoe aan alaten. Poti ala san joe kan doe foe de wan foe den doesoendoesoen sma di sa fisiti na programma ibridé. Meki a de so dati neleki David wi e ferklari: „Tjari mi, o Jehovah, bikasi mi foe mi sé ben waka na ini mi égi joisti-retifasi”, èn „Foe mi se, mi sa waka ini mi joisti-retifasi.” — Ps. 26:1, 11.
[Faki]
Sani foe jepi wi foe memre foe na kongres
TANPE: Na kongresmindriman ini na gemeente sa sorgoe taki na formulier foe aksi foe tanpe go wantewante na na kongresbureau. Efoe joe e feni en fanowdoe foe no teki na tanpe di na congresbureau seti gi joe dan a no na sma di abi na oso pe joe bo tan joe moesoe seni boskopoe gi en, ma ooktoe na afdeling Tanpe foe na kongres, sodati na kamra dati kan gebroiki gi wan tra sma.
DOPOE: Na dopoelezing sa hori tapoe satramamanten. Den sma di wani sori den gi densrefi abra nanga na watradopoe, moesoe aksi bifo na kongres na den owroeman foe den gemeente, foe loekoe den aksi nanga den. Ibriwan sma di wan dopoe moesoe tjari heri boen badkrosi èn wan wasdoekoe nanga den.
PROGRAMMATEN: A e sori foe koni nanga warderi efoe te na programma e bigin wi de tapoe wi sidonpresi. Disi sa de tapoe:
Fodewroko mamanten: 8.50 te 11.40
Fodewroko bakadina: 5.30 te 8.15
Fréda bakadina: 5.30 te 7.45
Satra mamanten: 8.50 te 11.20
Satra bakadina: 5.00 te 8.25
Sonde mamanten: 9.30 te 11.55
Sonde bakadina: 5.45 te 8.00
Wi e sori taki wi abi densrefi heri boen égifasi efoe wi no e meki moeiti foe gwe bifo a programma kaba. Na fréda mamanten sa poti na wan sé foe wan spesroetoe moeiti foe go na ini na velddienst baka di wi begi.
PIONIERSIDENTIFICATIE: Ala gewone nanga spesroetoe pionier, ooktoe den reisende opziener nanga memre foe na Bethelfamiri, moesoe tjari den Wachttoren identificatie- nanga toewijzingkarta (S-202-O) go na a kongres. Den sma di na a ten foe siksi moen ofoe moro langa ben de ini na pionierdienst, kan kisi tapoe na kongres te den sori den Wachttoren Identificatiekarta kongresbon foe na waarde foe Sf 25,==. Sorgoe foe a karta disi net so boen leki foe moni; tapoe na kongres joe no kan kisi trawan. Pionier sa kan kisi efoe den de, fri uitgave noso tra boekoe tegen pionierprijs na na afdeling Lectuur te den e sori den Wachttoren ID-karta. A srefi de gi den memre foe a Bethelfamiri.
LAPELKARTA: Den karta disi de leki wan fasi foe barwroko gi na kongres, èn ooktoe foe kan si moro koemakriki soema na wi brada nanga sisa. Tangitangi foe dat’ede weri na lapelkarta tapoe na kongres èn ooktoe te joe e reis go èn kon foe na kongres. Na karta no de wawan wan heri boen fasi foe sma si joe leki Kotoigi, ma nofotron a de aanleiding foe kisi wan heri moi gi foe kotoigi te joe e reis. Joe moesoe teki den karta disi ini joe gemeente foe di den no de foe kisi tapoe na kongres. Den lapelkarta e kostoe 3 sensi èn den plastiek 25 sensi foe wan. (Karta nanga plastiek kande bestel kaba tapoe a momenti disi èn den ben seni go na den gemeente.)
WAN WORTOE FOE WARSKOW: Awasi pe joe e poti joe oto, alaten sroto joe oto èn noiti joe moe libi wan sani foe ai kan si na ini. Kibri efoe a kan joe sani ini na kofroe èn sroto en. Loekoe boen toe nanga foefoeroeman nanga langafingaman (zakkenroller), di na bigi groepoe sma e hari kon. Disi wani taki toe dati joe no moe libi noti di abi warti sondro foe wan sma e iti ai na en tapoe tapoe joe sidonpresi tapoe na kongres.