Oenoe leki osofamiri e feti baka jeje marki?
1 Leki wan pipel di gi wisrefi abra wi ben poti na marki na wi fesi foe dini Jehovah getrow. Morofara wi e loekoe nanga prisiri a fesi foe kisi libi foe tégo. A no kan tra fasi dati wi no de geïnteresseerd wawan na ini wi égi getrowfasi nanga ferloesoe. Wi wani jepi trawan foe kisi den marki disi toe, èn spesroetoe wi wani jepi memre foe wi égi osofamiri. — Joh. 1:40, 41; 1 Tim. 5:8.
2 Net soleki fa wan bergi na wan-froe-wan den e kren en, wi toe kan go na fesi wan-froe-wan ini wi kristen libipasi. Nanga disi ini prakseri wi e poti jeje marki na wi fesi. Soleki fa a de dan disi no skotoe gi aparti sma nomo. Ooktoe osofamiri kan abi marki na na sé foe komakandra, velddienst nanga osofamiristudi. Presi de foe meki sani kon moro boen? Son memre foe na osofamiri kan kisi jepi foe den poti na foeroetendienst leki marki ini den libi? Wan osofamiritakmakandra kan jepi foe meki den marki di wi poti na wi fesi de sani di wi kan doro. Efoe wi doro den disi dan wi kan poti tra theocratis marki na wi fesi. Na a fasi disi wi kan meki jeje go-na-fesi, wan-froe-wan.
KOMAKANDRA
3 Gi son osofamiri kande a de fanowdoe foe poti leki marki na den fesi foe doro biten tapoe den komakandra. Disi kan de wan troetroe tjalansi gi bigi osofamiri, gi den di abi moeilek wrokojoeroe noso gi osofamiri pe na waka nanga bus e de wan problema. Wroko makandra nanga wan boen orga de fanowdoe foe doro na marki disi.
4 Ete wan praktis marki di wan osofamiri ben sa kan prakseri-go-prakseri-kon foe en de, na gi foe kommentaar (piki) tapoe den komakandra. Son memre foe na osofamiri kande e wani moro foeroe foe lési wan sjatoe piki. Ma sjatoe èn spesroetoe piki ini égi wortoe e sori taki jeje go na fesi e feni presi èn den e gi satisfaksi. Osofamiri kan jepi makandra na a sreka na fesi foe piki. Ooktoe den kan jepi makandra foe go na fesi tapoe na theokratis diniwrokoskoro. Disi sa wani taki dati wi moesoe arki na jongoewan ini na osofamiri te den e oefen den toewijzing, sori den fa den moesoe gebroiki na schema, meki den fasi foe taki kon moro betre, nanga so moro faja. Na marki foe tron wan boen leriman noso foe kan lési heri boen na publiki, warti wan faja moeiti. — 1 Tim. 4:13.
VELDDIENST
5 Gi son osofamiri na fanowdoe de foe den kon de geregeld ini na velddienst. Joe heri osofamiri e teki prati na a velddienst na tapoe na di foe fosi sonde foe a moen? Dati de gi na osofamiri wan heri boen bigin foe a moen. San wi kan taki foe na marki foe jepi memre foe wi osofamiri foe leri na Tori foe takmakandra noso wan njoen tijdschrift pristeri? Dan wi abi ete na marki foe opo wan bijbelstudi èn foe lei en. Èn gi trawan a marki ben kan de foe lei wan bijbelstudi di den abi kaba nanga wan moro bigi regelmaat (doronomo).
OSOFAMIRISTUDI
6 Gi son osofamiri a ben sa kan de wan troetroe tjalansi foe tan hori densrefi getrow na a schema foe osofamiristudi. Wawantron a kan de fanowdoe foe skoifi na studi. Ma disi moesoe de wan sani di no e pasa foeroe. Wan geregelde osofamiristudi de wan marki di warti ala moeiti. Wan tra heri boen marki de na geregeld lési foe na ibri wiki bijbellésiprogramma; kande oen kan teki en na ini na osofamiri-studi. Na eigenleke lési foe na materiaal foe wan spesroetoe wiki gi moro foeroe foe wi no sa teki moro leki 20 te 25 minuut. A e jepi wi foe kon sabi den Boekoe èn a e meki den ibri wiki overzicht foe den hémarki ini na bijbel kon moro interessant.
7 Foeroe tra marki de ete di ibriwan sma aparti ben sa kan poti na en fesi. San joe e prakseri leki eksempre foe proeberi foe go a jari disi ini na jepi pionierdienst nanga na osofamiri? Na osofamiri morofara, nanga jepi foe wan boen wroko makandra nanga orga, no ben sa kan foe jepi awasi na wán memre foe na osofamiri leki gewone pionier? Ete wan marki ben kan de foe feti foe kisi na wroko foe wan dinari ini na diniwroko noso owroeman. Jongoe brada nanga sisa kande kan meki na pionierdienst de wan marki gi den. Wi kan doro den marki disi, ma den e aksi faja nanga tranga wroko. Efoe wi e meki moeiti foe doro wi persoonlek nanga osofamiri marki, dan na kwaliteit foe wi dienst èn foe den jeje gi di wi e pristeri Jehovah, sa gro, ala disi foe en grani nanga glori. — Ps. 96:7, 8.