Préki jepi nanga tijdschrift di no de foe feni no wan tra presi
1 Na Wachttoren nanga Ontwaakt! — fa den de wan makti tijdschrift, di no de foe feni na wan tra presi, di Jehovah ben gi oenoe ini wi anoe! Den heri moi uitgave foe oktober de prenspari troetroe foe di den spesroetoe artikel foe na tori vréde nanga sékerfasi de sani foe san sma e taki now foeroe. Den de spesroetoe moi gi wi foe di wi o gebroiki den tijdschrift disi na ini na abonnementveldtocht foe oktober a wan krakti fasi ini a velddienst.
2 Den titel foe na fes’sébladzijde di e gi djomp’ati sa wroko foe ari den sma prakseri na wan kraktifasi èn den moesoe gi oenoe dek’ati foe pristeri den tijdschrift disi nanga faja. Den toe titel foe den fes’sébladzijde foe Na Wachttoren de „Vréde nanga sékerfasi — foe na fonten disi?” èn „Vréde nanga kibrifasi — nanga jepi foe Gado Kownoekondre”. Na titel foe na fes’sébladzijde foe na Ontwaakt!-uitgave foe 8 oktober de „Vréde — na libisma abi na loesoe?” èn gi 22 oktober na titel foe na fes’sébladzijde de „Na VN — Gado pasi foe kisi vréde?” Ini ibriwan foe den tijdschrift artikel di de sani foe san e pasa nownow skrifi di e taki foe tra sortoe onderwerp.
KON FERSTAN A WAARDE FOE DEN
3 Na waarde foe wan tijdschrift kan kon marki na a sani san a e doe gi en lésiman. Wan bigi difrenti ipi-ipi tijdschrift e druk na ini Bakratongo, èn foeroe foe den abi eri bigi nomroe na ini san den e kon a doro. Na ini na groepoe disi de toe foe feni tijdschrift di foeroe nanga sososkinprenki nanga doti-libi-afersi. Son wan foe den e gi grani na den laatste modo èn fa foe sorgoe joe skin na dorosé. Trawan e gi kefarlek foeroe grani na bigiman foe sportsé noso sma foe tv-nanga film. Son wan abi bodoi di no de volledig noso sma e twéfri foe den. Sonwan de wan wantronwantron tjalansi foe joe jeje prakseri. — Prék. 12:12; 1 Tim. 6:20, 21.
4 Ma Jehovah ben gi ini Na Wachttoren nanga Ontwaakt! wan maksin foe bodoi di abi foeroe waarde, wan maksin jeje waarheid di de koemakriki foe kisi foe gi den sma di kon na ini na lin foe sroedati foe Kristus Jezus (2 Tim. 2:4). Na aparti feti di wi e feti „tége den godlowsoe jejekrakti ini den hemel kontren” abi wan aparti sortoe fetisani fanowdoe. — Ef. 6:12.
5 No wan foe den grontapoe tijdschrift kan doro na waarde foe Na Wachttoren nanga Ontwaakt! den bakafoetoe. Te wi e taki nanga sma di kande o abonneer densrefi, wi kan meki na kontrari kon boen na fesi foe di wi e sori na tapoe Foe san-ede den e tjari Ontwaakt! kon a doro na fesi-sé tapoe na inisé foe na kafti bladzijde. Den tijdschrift disi de den wan enkri wan di e préki jepi tapoe grontapoe! Wi, di abi na grani foe tjari den boskopoe di gron na ini na bijbel go na ondro libisma, de wan groepoe sma aparti - wan aparti pipel. Loekoe toe san den e taki na ini Jesaja 52:7 foe prékiman foe jepi.
Teki prati na ini na préki foe jepi
6 Den bodoi ini Na Wachttoren di kan meki sma wini den libi abi wan waarde di no de foe marki gi opregti libisma. Wantoe jari pasa kaba di disi ben kon heri moi a fesi ini wan ondrofenitori foe wan dorpoe ini West-Afrika. Wan brada foe wi ben libi wan tijdschrift a baka na ini wan oso, pe na osobasi ben feni en, di bakaten ben ferteri den sma foe na dorpoe: ’Wan engel foe Gado ben tjari wan boskopoe kon na a dorpoe.’ A ben kon kisi na prakseri foe seri loesoe bladzijde foe na tijdschrift. Wan owroe man ben bai wan bladzijde èn san a ben lési ben wiki en belangstelling gi na bijbel boskopoe. Eri esi bakadati a ben bigin studeri nanga Jehovah Kotoigi.
7 Vréde nanga sékerfasi na grontapoe lontoe de wan tori di e hori na prakseri foe miljoen-miljoen sma ini a ten disi. Den artikel di e meki sma prakseri dipi di de ini ibriwan foe den oktober uitgave foe Na Wachttoren nanga Ontwaakt! sa jepi wi foe bigin switi takmakandra nanga na marki foe gi kotoigi. Te na ini oktober wi e pristeri abonnement tapoe den aparti sortoe tijdschrift disi, den sma na ini wi gebied sa abi wan aparti okasi agen foe kon jere na boskopoe foe jepi èn kande nanga dati den sa kon leri sabi na wan enkri Fonten foe vréde nanga sékerfasi na grontapoe lontoe.