Velddienstkomakandra di e doro a marki
1 Faja gi na velddienst de den laatste jari wan marki sani di e kon a fesi. Na wan pisi wi kan taki dati disi e kon foe na moro boen leri di a pipel foe Gado e kisi foe na fasi fa a boen njoensoe kan pristeri na wan boenfasi na tra sma. Velddienstkomakandra pe joe e leri wan sani e pré wan prenspari rol na ini na leri programma.
2 Den komakandra disi moe sreka na jeje èn na ati foe den brada nanga sisa gi na wroko di den e go doe. Prékiman di wani go na ini na velddienst, abi warderi gi komakandra pe krakti e poti na tapoe boen èn praktis punt èn rai di sa jepi den foe de boen na ini a prékiwroko foe den.
3 Efoe den sma di de drape wani njan boen foe na komakandra disi, dan a sma di e hori na komakandra disi moe go denki a fesi foe san a sa doe foe meki a de moi èn pe tra sma kan leri wan sani foe en. Den kan taki foe na détekst, spesroetoe efoe dati e fiti na velddienst. Punt na ini na rubriek velddienstkomakandra moe behandel. Ten na ten a ben sa kan fiti foe loekoe pisi foe na „Tak-go-tak-kon nanga jepi foe den Boekoe”. Te wi e taki foe den sortoe punt disi dan den sma di de drape moe kisi a firi dati den de srekasreka moro boen foe doe a diniwroko foe den. Na velddienstkomakandra moe de sjatoe èn no moro langa leki 15 minuut.
4 San joe kan doe foe meki velddienstkomakandra kan de moro boen? Te joe e loekoe a stof na fesi èn go denki foe den punt foe di trawan sa kan njan boen foe den. Te den rai na tapoe wan boenfasi joe ben gebroiki den ini joe prékiwroko, dan joe kan gi kande boen kommentaar.
5 Bifosi joe tapoe nanga begi dan a sma di e hori na komakandra kan loekoe gewoonlek efoe ala sma sabi soema de nanga en na ini a srefi groepoe èn pe den sa go wroko. Nofo gebied moe gi sodati ala na ten di den de a ini na velddienst den kan tan wroko. Baka na begi dan ala sma kan go na a gebied, sodati a ten kan gebroiki moro boen.
6 Velddienstkomakandra di sreka boen a fesi kan de wan boen jepi gi wi foe orga wi boen èn foe pristeri na boskopoe moro boen. Foeroe sma e ferteri dati den ben kisi moro faja na ini na diniwroko èn e tan moro langa na ini na velddienst foe di den kisi boen dek’ati tapoe den velddienstkomakandra.