Meki a boen njoensoe bekenti nanga faja
1 Fa wi abi boen ede dati wi ben teki a boen njoensoe foe na Kownoekondre! Wi no e poti wi fertrow moro langa na ini libisma di no kan doe san den pramisi. Wi e fertrow na tapoe Jehovah èn tapoe na séker howpoe foe tégo libi ondro en Kownoekondretiri (Psalm 146:3; Tit. 1:2). Ala libisma moe jere a boen njoensoe foe Jehovah Kownoekondre di opo èn wi e angri foe meki disi bekenti na den!
2 Jezus ben komanderi en bakaman foe de kotoigi „te na den moro farawe kontren foe grontapoe” (Tori. 1:8). Wi e jere na gebod dati now net so krin leki en discipel na ini a ten dati. Wi e gi en jesi nanga ala prisiri, bika a de a kownoe foe a kownoekondre èn wi e saka wisrefi nanga prisiri ondro en. — Matteus 28:19.
ACTIVITEIT NA INI A TEN FOE FAKANSI
3 Den fakansimoen e opo gi foeroe foe oen èn spesroetoe gi den jongoewan foe wi moro okasi foe meki a boen njoensoe bekenti na tra sma. Aladi wi e de nanga fakansi ofoe te wi e reis go na kongres, dan kande wi kan feni boen foeroe okasi foe gi kotoigi. Wi e stop foe tank, e go njan na ini wan restaurant, e reis nanga publiki vervoer ofoe e sribi na wan presi, dan wi sa miti sma di wi ben kan bigin wan takmakandra nanga den. Wi kan ferteri den wan sani foe na kongres foe wi ofoe foe na vrede di a Kownoekondre foe Gado sa tjari kon èn wi kan libi kande traktaat ofoe tijdschrift na den.
4 Na a ten foe wan kongres wan sisa ben taki nanga wan owroe vrouw na Strati èn na vrouw ben kari en kon na ini oso foe gi kotoigi moro fara. A ben libi wan boekoe gi na vrouw èn ben opo wan-studie. A vrouw ben kon ooktoe toe dé na a kongres. Na ini wan tra foto wan sisa ben si toe oemasma na tapoe na kongres di no ben opo a bijbel foe den. A ben taki nanga den èn a ben si taki den no ben sabi fa den ben moe gebroiki a bijbel. Den ben kon foe di den ben wani sabi pikinso ofoe a ben de troe san wan priester ben taki di ben de wan fejanti foe wi. Den ben lobi den sani di den ben jere tapoe na kongres sote dati den ben tan na heri dé. Te joe e graboe na okasi foe taki nanga trawan dan kande joe toe kan kisi den sortoe ondrofeni disi toe.
5 Te joe e meki plan gi joe fakansi activiteit dan kande joe e feni en boen foe poti marki gi joesrefi nanga joe osofamiri. Wan prenspari marki ben sa de foe fisiti na „Vréde foe Gado”-distriktskongres ala fo dé èn njan boen dorodoro foe na boen jeje programma. A de wan prisiri grani foe prisiri wisrefi tapoe a fasi disi makandra nanga wi brada nanga sisa ini wanfasi anbegi (Ps. 95:6; 100:2). Na jepi-pionierdienst de ete wan moi marki gi den moen di e kon. Foe san-ede joe no ben sa gebroiki na skorofakansi foe de na ini augustus nanga september na ini na jepi-pionierdienst. Kari trawan foe doe asrefi èn wroko makandra nanga den foe meki na boen njoensoe bekenti.
6 Kande joe gemeente ben poti leki marki foe wroko na gebied moro finifini èn ooktoe den plan dati, joe kan hori baka gi den. Kande a de mogelek foe jepi wan krosbé gemeente nanga wroko foe gebied pe wan pisten kaba sma no ben préki na ini. Fa a de nanga den adres di no ben de na oso na ini joe égi gemeente gebied? Bepaalde adres pe noiti joe e miti wan sma na oso no de leki gebied di no wroko? Proberi foe di moro okasi de foe fisiti den adres disi lati bakadina ofoe froekoe na neti. Den sma di no de sonde na oso, joe kan miti den kande na mindri wiki ofoe satra. Wi wani feni ala sma di abi belangstelling èn prati na kownoekondre howpoe nanga den, a no so?
7 Efoe wi wani doro na ati foe den sma te wi e meki na boen njoensoe bekenti na den, dan wi sa wani foe meki na doeltreffenheid foe wi diniwroko kon moro boen. Na pristeri foe na Tégo libi-boekoe na ini augustus no de njoen gi wi, ma wi kan pristeri en na den sma tapoe wan moro konifasi? Sorgoe dati joe abi na Tak-go-tak-kon-boekoe èn proeberi foe gebroiki difrenti pristeri foe dati. Efoe sma e tjari genstaki kon a fesi, gebroiki en dan foe feni wan piki. Ofoe go loekoe baka te joe go foe a wan oso go na a trawan san joe ben sa kan doe te joe e go foe a wan doro go na a trawan.
8 Foe di wi kisi na boen ede foe na boen njoensoe foe a Kownoekondre dan wi kisi na grani foe meki en bekenti gi tra sma. Meki a de so dati wi alamala kan fertrow a tapoe dati Jehovah sa blesi oenoe èn wi sa de moro kolokoe te wi doe ala wi moeiti na ini na moen augustus foe jepi tra sma foe leri sabi a waarheid. — Tori. 20:35.