Waka na tapoe wan progressieffasi na pasi foe Jehovah
Na thema disi sa kisi krakti na a njoen kringkomakandraprogramma di e bigin na ini december. Jehovah organisaatsi e hari go a fesi. Na préki foe na boen njoensoe èn tan kon moro bigi. Ibri jari doesoendoesoen njoen wan e go na fesi èn e moksi densrefi sma nanga wi. Ma a sortoe fasi wi leki aparti sma e go a fesi? Na komakandraprogramma sa gi tranga foe go ondrosoekoe wisrefi foe di dekati nanga fermane sa gi na a reti ten, di abi leki gron Paulus wortoe na ini Filipi 3:16: „Meki ini ibri geval wi go doro foe waka ordelek na ini nasrefi routine na ini n marki na ini san wi ben go a fesi.”
Kringkomakandra de toemsi prenspari gi wi foe di wi e kisi jepi foe waka na wan ordefasi ini a waarheid. Wi abi tiri fanowdoe nanga san wi sa kisi jepi foe handri nanga wan faste bosroiti te ai kon so fara foe drai baka gi den grontapoe pasi di e tjari dede kon. Wi abi praktis nanga eerlek rai fanowdoe di e sori fa wi kan go na fesi te wi e waka den pasi foe Jehovah. Wi abi ooktoe lobi dekati fanowdoe di sa tranga wi èn gi wi boen boewégi foe ati. A njoen programma sa doe foeroe foe sorgoe foe den fanowdoe disi.
Go ondrosoekoe dati sodra den datum foe joe kringkomakandra meki bekenti, foe meki definitief plan foe de drape gi na heri programma. Gi dekati na trawan, spesroetoe den sma di kisi belangstelling pas, foe de drape, makandra nanga joe èn foe njan boen dorodoro foe na seti disi di e kowroe ati.