Te wi e gebroiki na sabi foe Gado dan wi de srekasreka foe tak-go-tak-kon
1 Na apostel Paulus ben de srekasreka di a ben gebroiki na sabi foe Gado foe tak-go-tak-kon. Leki fa Tori foe den Apostel 17:17 e taki „A ben go ini na djoe kerki foe tak-go-tak-kon nanga den djoe èn ibri dé tapoe na wowojo nanga den di ben de toevallig drape”. A ben skrifi gi den Korintesma dati a jeje wapen foe den „ben de krakti nanga jepi foe Gado” èn e meki kristensma ’trowe redenering na gron èn ibri hé di e opo tege na sabi foe Gado’. — 2 Kor. 10:4, 5.
2 Ooktoe wi de srekasreka nanga krakti bodoi, sodati nanga soema ooktoe di wi ben sa miti ini wi diniwroko wi kan redeneer nanga den. Neleki Paulus wi e miti sma nanga difrenti kerki overtoigi, filosofie, ideologie nanga libisma theorie. Paulus e kari den foe redeneer, èn wi kan doe asrefi.
TE WI E MEKI GEBROIKI FOE NA TAK-GO-TAK-KON-BOEKOE
3 Na Tak-go-tak-kon-boekoe foe wi e jepi wi foe taki nanga fertrow nanga sma. A abi den troe tori di de fanowdoe foe jepi sma foe kon na den joisti bosroiti èn foe teki boen bosroiti. Foe dat’ede nanga dek’ati wi kan taki nanga sma, awinsi sortoe opleiding ofoe kweki den abi. Efoe foe eksempre wan strépunt ben tjari kon na fesi, soleki — helfaja, neutraliteit, dan wi kan taki eenvoudig: „No so langa ete mi ben lési sani foe na tori dati èn mi ben sa wani meki joe si en nanga ala prisiri.” Moro fara wi kan teki na Tak-go-tak-kon-boekoe èn tapoe a gron foe den bodoi di de na ini go doro nanga wi takmakandra. Nanga jepi foe na Tak-go-tak-kon-boekoe nanga wan korostoe ati pikinmoro wi man taki foe ibri tori di wan ososma ben sa tjari kon a fesi. Efoe wi e sorgoe dati wi abi na Tak-go-tak-kon-boekoe na wi ini na velddienst, dan wi sa kisi jepi ’foe de srekasreka foe doe ibri boen wroko’. — 2 Tim. 3:17.
NA PRENSPARIFASI FOE TAKMAKANDRA
4 Wi moe doe moro leki foe préki nomo gi sma; wi moe redeneer nanga den sodati den kan ferstan foe san-ede a boskopoe foe wi de prenspari, foe san-ede a abi foe doe nanga den èn fa a abi krakti persoonlek tapoe den. Efoe oen wani doe disi boen, dan wi moe meki den sma firi densrefi switi sodati den sa arki na a Kownoekondreboskopoe. Na bekwaamheid foe wi foe abi wan takmakandra tapoe natuurlekfasi, makandra na opregti winsi foe jepi trawan foe leri na waarheid, kan meki a go boen gi wi ini wi diniwroko. Te wi kon sabi na Tak-go-tak-kon-boekoe dan wi kan kisi na jepi foe doro den marki disi.
5 Jezus ben ferstan na ini sortoe kefarlek jeje nowtoe na pipel ben de èn a ben proeberi foe safoe dati. Net so wi moe abi na krakti disi di o poesoe wi. Foe di sma e poti den srefi krinkrin na ini a feti na baka sani na skinfasi èn e poti jeje afersi na baka, meki den abi wan denki di e tjari wan brokosaka kon na ferstan, emotioneel èn skinfasi (1 Tim. 6:9). Wi kan gi na fanowdoe jepi foe di wi e meki gebroiki foe wi Tak-go-tak-kon-boekoe di e jepi wi foe taki foe foeroe aksi foe a libi, soleki trow nanga osofamiri problema, poeroebere, drugs nanga tra moeilekheid di sma kande e abi foe doe nanga den. Wán sisa ben gebroiki foe eksempre na Tak-go-tak-kon-boekoe tapoe wan gobaka foe taki foe na tori foe. trow, foe di na jongoe paar di a ben go fisiti ben e libi sondro foe ben trow. Na tra fisiti foe en wan bijbelstudie ben opo èn a jongoe paar ben ferteri dati leki wan bakapisi foe a fosi takmakandra den meki plan foe trow.
6 Wi abi belangstelling foe doro na ati foe sma. Na waran èn opregti fasi fa wi e waka go miti sma kan jepi wi foe doe disi. Odo 16:24 e taki: „Switi wortoe de wan onigodo, switi gi na sili èn dresi gi den bonjo.” Na Tak-go-tak-kon-boekoe foe wi kan jepi wi foe pristeri na Kownoekondreboskopoe tapoe wan bekwaam èn moi fasi di e hari sma èn hari reti-ati sma kon na a waarheid.