Pristeri na boen njoensoe — Tapoe toemsi boen èn ordelekfasi
1 Jezus ben gi den discipel foe en na komando: „Na ini sortoe foto ofoe sortoe pikin-foto joe e go ooktoe, ondrosoekoe drape soema warti foe en” (Mattéus 10:11). Na ini a ten disi na sowan fasi wi e wroko foedi wi e meki moeiti èn e gi miljoenmiljoen joeroe foe ondrosoekoe soema wani arki. Na sortoe fasi wi kan meki na Kownoekondreboskopoe na heri grontapoe bekenti na wan ordelekfasi?
2 Gemeente e kisi foe na Bijkantori wan pisi gebied pe den moe wroko, na ini na foto ofoe pranasi-gebied (1 Korinte 14:40). Disi e akroederi nanga a eksempre di ben de na ini a kristen foe na fosi jarhondro (2 Korinte 10:13; Galacia 2:9). Efoe a Kownoekondrewroko wani doe na wan toemsi boen èn ordelekfasi, dan a de prenspari srefsrefi foe abi toewijzing foe gebied di e sori den grens krinkrin.
WROKO EN NA WAN BALANSIFASI
3 Ala sani di abi foe doe nanga na wroko foe na gemeente gebied, e fadon na ondro a frantwortoe foe na dienstopziener. Ma a dinari na ini a diniwroko èn troetroe kan gi den gebied na trawan. Foe ten na ten a moe loekoe den bericht foe si sortoe gebied no wroko wan heri pisten. Den wan di e aksi gebied, a kan meki den sabi sortoe gebied den moe wroko èn a sa skrifi wan bericht foe na wroko di e doe. Wi marki de, foe wroko ala den gebied no moro pikinso leki wan lési ini a jari. Ibri lési dati a gebied wroko, dan a sma di abi a gebied na en moe piki, a brada di abi na frantwortoe foe a gebied sistema.
4 San de moro na ini a tori, efoe oen wani wroko a gemeente gebied a tapoe wan toemsi boen èn ordelekfasi? Wi wani miti sma someni leki wi kan. Joe kan meki a boen njoensoe bekenti, na a sma na ini ibri oso foe na gebied pe joe e wroko? Wi moesoe skrifi finifini wan oso-foe-oso rapport sodati moeiti kan doe moro fara foe taki nanga njoenwan di na a fosi fisiti no ben de na oso ofoe ben abi en druk. A kan taki sonwan na ini joe gebied den moe miti den nanga brifi telefon ofoe nanga tra sani, soleki stratiwroko (Loekoe km 12 — 85 blz. 5, 6; km 4 — 84 blz. 5; km 5 — 84 blz. 3.) Na dienstopziener nanga den gemeente-boekstudieleider kan gi idéa di fiti akroederi bepaalde situwasi nanga omstandigheid foe aparti sma.
5 Foedi wi abi belangstelling na wan opregtifasi foe jepi ala den sma na ini wi gebied foe jere na Kownoekondreboskopoe, joe moe abi a faste bosroiti foe go ibri joeroe baka foe fisiti den èn gebroiki difrenti inleiding, èn sosrefi toe den pristeri foe den boekoe nanga tijdschrift di den ben taigi wi. Efoe wi miti belangstelling, wi wani doe ala moeiti foe gi den moro faja.
6 Opregti lobi gi Jehovah èn wi kompe libisma moe boewégi wi foe wroko krosbé makandra nanga na dienstopziener èn den gemeente boekstudieleider foe di na wan joisti fasi wi o sorgoe gi na gebied dati den fertrow na a sorgoe foe wi, Jehovah seker sa blesi den opregti moeiti foe meki a boen njoensoe bekenti na wan toemsi boen èn ordelekfasi.