Na jepipionierdienst — Wan doro di e go na moro bigi activiteit
1 Jehovah pipel nanga foeroe ferwakti e loekoe na a ten na ini san wi sa de soso ondro a Kownoekondre foe Gado, fri foe den druk nanga lai foe na seti foe sani disi. Fa a sa gi wi wan switi prisiri foe wiki ibri mamanten èn prakseri foe na vooruitzicht foe kan gi ala wi ten, energie nanga krakti wantewante ini Jehovah dienst foedi wi e kenki a grontapoe kon ini wan paradijs, foedi wi o leri den wan di opobaka foe dede ini Jehovah pasi ofoe nanga tra theocratis activiteit di wani taki wan sani!
2 Srefi now kaba wan groepoe sma di e kon moro bigi na mindri Jehovah pipel e kisi afesi wan tesi foe prisiri di a sa tjari nanga en foe dini Jehovah leki wan foeroeten prékiman. Ini den jari di psa san sma ben si dati den omstandigheden foe den ben gi pasi foe teki na pionierdienst na den tapoe. Den ben tak-go-tak-kon dati Jehovah tapoe a fasi dati den ben kan de bezig nanga Jehovah dienst moro boen. Den ben pristeri densrefi nanga den heri ati èn den doe moeiti foe abi wan moro bigi prati na a kownoekondredienst na a ten disi foe tjari sani kon makandra. — Ps. 110:3.
BRADI NA DINIWROKO FOE JOE NA WAN PROGRESSIEFFASI
3 Aladi den e wakti na moro bigi activiteit na san wi e howpoe foe teki prati, dan foeroe sma e meki wan boen gebroiki foe den djompoplanga di na wan progressieffasi e gi den okasi foe bradi na kownoekondre dienstgrani. Wan foe den djompoplanga de na jepipionierdienst. Foeroe sma di ben teki na activiteiti na tapoe den, kisi foeroe blesi, foedi den ben si „dati Jehovah boen” (Ps. 34:8). Den go so fara foe aksi foe a di foe toe tron foe de ini a jepipionierdienst na tapoe papira nanga wan kroisi na ini na vaki sodati den ben sori dati den wani tan dini leki jepipionier teleki den ben sa ferteri dati dati no sa de so moro. Foedi den kisi ondrofeni tapoe a kontren disi foe a activiteit, meki foeroe, ben kisi a jepi foe sréka densrefi tapoe na gewone pionierdienst. Den ben si taki na abra go foe jepipionierwroko go na gewone pionierwroko ben de koemakriki. Joe ben sa kan go na ini juli nanga augustus ini na jepipionierdienst èn kan gebroiki na activiteit disi leki wan djompoplanga foe bigin ini september nanga na gewone pionierdienst? — Teki gersi nanga Maleachi 3:10.
4 Den moen di e kon e gi moi okasi na dopoe jongoewan foe bradi na diniwroko foe den. Sortoe activiteit ben sa tjari moro blesi kon gi oenoe jongoewan ini a ten di e kon leki foe de wan ofoe toe moen ini na jepipionierdienst. Fa disi ben sa de wan ondrofeni di o meki joe kan goedoe! Joe kan ondrofeni foeroe prisiri te joe o meki tra sma kon teki prati na den diri waarheid di joe ben leri. Joe kan meki tra sma di joe kan teki gersi nanga skapoe teki prati na asrefi glori howpoe foe a ten di e kon leki san joe abi. Den jongoe mati foe joe ini na gemeente di no gi densrefi abra ete, sa kisi tranga nanga joe eksempre èn kande sonwan foe den sa kon sofara ’foe drai den wroko foe den go tapoe Jehovah’ èn sorgoe dati den plan foe den ini a ten di e kon „poti stéfi”. — Odo 16:3.
5 Jongoewan di no dopoe ete e kisi nanga ala switifasi wan kari foe go prakseri fa den kan bradi na kristen diniwroko foe den. Aladi den kande e wroko moro foeroe nanga den papa ofoe mama foe den, tokoe wawantron den kan wroko nanga serjoesoe jongoewan di de nanga faja ofoe owroewan. Go prakseri dati a de kande wan fonten foe kowroe-ati èn dek’ati te jongoe nanga owroewan makandra e go ini na diniwroko! — Romeini 1:12; Jesaja 40:30, 31.
6 A blesi foe Jehovah e meki wi goedoe na jejefasi èn e boewégi wi foe doe moeiti ini en dienst. Meki den moeiti di wi e doe ini akruderi nanga wi bekwaamheid èn ini wi omstandigheid, prisiri Jehovah aladi wi e sreka wisrefi a tapoe foe dini en foe tego.