Pristeri na bun nyunsu — Nanga bun lerimethode
1 Wan prenspari marki ini na preiki fu na bun nyunsu de a meki fu discipel. Fu dat’ede wi mu leri den sma di abi belangstelling fu hori den sani di Yesus ben gi komando (Matt. 28:19, 20). Den apostel ben gi ini disi wan tumsi moi eksempre fudi „den ben tan gi leri sondro fu stop ibri dei ini a tempel èn oso fu oso” (Tori. 5:42). Wi wani waka na baka na tumsi moi eksempre fu den getrow leriman disi fu na bun nyunsu. — 1 Kor. 11:1.
2 Tu tumsi moi leri methode fu san Yesus nanga den apostel ben meki bun gebroiki, ben de: (1) na gebroiki fu aksi èn (2) a poti krakti na tapu spesrutu punt te wi e leisi ofu e haal den tekst aan. Fa wi kan gebroiki den fasi disi ini wi oso fu oso wroko èn te wi e lei osobijbelstudi?
OSO FU OSO
3 Te wi kisi na okasi fu taki nanga na ososma, dan a bun fu kon sabi a fasi fa a e si a tori sodati wi kan fiti a pristeri fu wi na en spesrutu fanowdu. Standpuntaksi di fiti kan de heri bun ini disi. Den piki fu na ososma tapu aksi di abi fu du nanga den disi ten grontaputoestand, kan gi wi bun bodoi fu a taki makandra fu wi. Te yu luku en bun dan aksi di e kari na ososma fu taki wan sani ben tyari son ososma go sofara fu opo densrefi èn fu arki na san wi abi fu taki.
4 Ma fa wi kan kon sabi sortu aksi wi mu poti? Leki wan pisi fu wi velddienst sreka dan a de bun fu teki wan tu minuut fu go prakseri fu den sortu sma ini a gebied, na fasi fa den e si sani ini algemeen èn den afersi di e hori a prakseri fu den. Go denki moro fara fu standpunt-aksi di yu ben sa kan poti fu tyari den kon ini wan takmakandra. — Luku Handleiding-buku blz. 51, 52.
5 Na oso fu oso diniwroko fu wi e gi wi ooktu na okasi fu leisi tekst, di kan tyari den prakseri fu Gado di e go fu wan spesrutu tori kon abra. A de prenspari fa wi e leisi den tekst disi. Wi wani dati den arkiman sa hori den spesrutu sani di wi e leri den. Fu a waka bun, dan wi mu poti broiki, na yoisti krakti èn poti krakti tapu den spesrutu wortu. Disi wi kan du te wi e leisi sroto-wortu moro faya ofu moro krakti ofu te wi e poti a prakseri tapu san wi e go leisi moro fara. Ooktu baka na leisi fu na tekst wi wani taki den sroto-wortu ete wantron fu kan poti krakti moro fara tapu wan punt. — Luku Handleiding-buku, blz. 126, 127.
TAPU BIJBELSTUDI
6 Te wi e lei bijbelstudi, dan a de tumsi prenspari dati wi poti aksi. Aksi di formuleer bun kan meki a studenti go denki èn yepi en fu kisi wan moro krin ferstan fu na waarheid. Ekstra aksi di poti bun èn di no de ini na buku di wi e studeri, mag fu poti. Tapu bladzijde 51 fu na Handleiding-buku bun rai tanapu di yu kan luku kande ten na ten.
7 A de fanowdu fu meki wan bun gebroiki fu na bijbel. Awinsi son tekst kande skrifi, dan toku sontron a kan de bun fu meki a studenti leisi den tekst dati leti ini en bijbel. Luku a tapu dati den sroto-tekst kisi krakti tapu a yoisti fasi sodati a sa de krin gi na bijbelstudenti fu san-ede na tekst e poti drape èn a sa ferstan san a wani taki.
8 Meki a de so dati wi kisi yepi nanga na bun gebroiki fu aksi nanga a leisi fu tekst nanga na yoisti krakti fu tan meki discipel ini akruderi nanga na komando fu Yesus. — Matt. 28:19.