Yu e poti marki di e yepi yu fu hori wan tranga bribi?
1 Wan tranga bribi ini Yehovah nanga ini en kownukondre-tiri ini anu fu Kristus de fanowdu efu wi wani plisi Gado (Hebr. 11:6). Nanga disi wi kan kon ini wan bun matifasi nanga en èn dati e hori na howpu tapu tego libi na libi. Ma soleki na apostel Paulus ben tyari kon na krin, dan ’a no alasma abi bribi’. Fudi wi sabi dati sondro bribi a no kan fu plisi Gado èn dati sma libi de fu lasi, fu dat’ede wi abi bun reide fu hori wi bribi tranga, aladi wi e hori na „bosroiti fu a seti fu sani” na prakseri. — 2 Thess. 3:2; Matt. 24:3, 36.
2 San kan yepi wi fu hori ini na nyun dienstyari wan tranga bribi? Theocratis marki kan yepi wi ini disi. Te wi poti redelijk marki gi wisrefi ini a tori fu na velddienst nanga tapu tra kontren fu a libi, dan furu kan du leki wan blesi gi wisrefi èn leki wan grani gi wi hemel Tata.
INI NA DINIWROKO ÈN INI PERSOONLIJK STUDIE
3 San wi persoonlijk e du ini na diniwroko, kan kenki bigi fu makandra. Toku a gi di wi e gi wisrefi ini a dini fu Gado de wan sani di e plisi Yehovah, awinsi disi skotu nomo nanga omstandigheden di wi no abi ini anu. Disi e kon a krin ini na eksempre fu na bijdrage fu tu pikin moni di wan seiker weduwe ben gi nanga en heri ati (Luk. 21:1-4). Ma ete a de so dati alasma kan go na fesi tapu wan ofu tra fasi ini na nyun dienstyari. Sonwan kande man fu gi ibri mun moro ten na a diniwroko. Yu ben kan seti wan schema sodati na wan bepaalde ten ini na yari yu kan de wán ofu moro mun ini na yepipionierwroko? Ofu kande yu kan feti a baka fu tron wan gewone pionier? Efu yu e meki now definitief plan, dan disi kan yepi yu fu doro so wan marki.
4 Ete wan prenspari marki de, fu nyan moro bun fu persoonlijk studie. Fu doro disi, dan yu mu seti sani fu leisi na heri bijbel ini wan bepaalde pisten. Ibri wiki yu mu poti wan apartiten gi persoonlijk studie a wan sei èn dan hori yu na yu schema. Fu yepi yu foe teki na stof krinkrin ini yu èn meki a de fu yu eigi, dan a de bun fu gebroiki en ini na velddienst, fu taki en nanga tra sma ofu tapu tra fasi poti en ini yu eigi libi.
YUNGU SMA NANGA PAPA ÈN MAMA
5 Wan marki di yungu sma mu poti a den fesi ini na skoroyari di e kon de dati den mu gi onderwijzer nanga skoromati wan bun kotoigi. Fu na Skoro-brochure wan yungu Kotoigi ben taki: „Den meki en moro makriki gi wi fu taki nanga onderwijzer èn skoromati fu a bribi fu wi.” Yu ben pruberi na srefi fasi dati kaba? Kande yu mu kari ala dek’ati kon makandra, ma yu kan abi na overtoigi dati Yehovah sa blesi den muiti fu yu.
6 Un yunguwan, un poti leki marki na un fesi fu no gi pasi dati krakti di no de gosontu soleki takru demakandra, drug nanga hurudu no du unu ogri ini den mun di e kon! Luku na materiaal ini Wi kownukondredienst fu september di e go fu na gebroiki fu na Skoro-brochure èn meki dati yepi yu psa tesi tapu yu soifri-reti-fasi, na san yu mu kakafutu gi en kande.
7 Kande difrenti pisi fu yu libi nanga diniwroko de na ini san yu ben sa wani go na fesi nanga ala prisiri. Yu sa mu wani fu offer yusrefi ini wan bepaalde pisi, efu yu wani doro den marki di yu poti fu na bun foe yusrefi èn yu osofamiri. Ma efu yu prakseri dati den sani fu na grontapu disi e ’pasa gowe’, dan yu ben sa wani du ala sani fu kisi na bun-ati fu Gado (1 Yoh. 2:17). Efu yu e go denki fu na dienstyari di pasa èn e luku na fesi na a nyun wan di e bigin, teki dan na faste bosroiti fu hori yu eigi bribi èn di fu yu osofamiri tranga. Poti marki na yu fesi èn feti na den baka fu doro den.