Nyan bun fu na gi yesi na a leri fu Gado
1 O moro wi e si na lawfasi fu na trangayesi fu a libismafamiri, omoro betre wi kan ferstan o bun a de fu gi yesi na a leri di komoto fu Gado. Na „du san yu firi fu du”-filosofie fu na grontapu ben tyari gi den sma di e anga na en pina fu soso. Ma Yesus Kristus ben gi kristensma na eksempre. Na bijbel e meki wi si dati alaten a ben gi yesi na en Tata, na tapu wan gran fasi ben kisi pai fu na getrow waka nanga libi disi. — Yoh. 8:29; Hebr. 5:8; Fil. 2:7-11.
2 „Nyan bun na gi yesi na leri di komoto fu Gado” de na thema fu na programma fu na spesrutu dei komakandra di sa bigin ini september. Praktis rai sa gi èn rai na a reti ten sa gi fu yepi wi na difrenti sei fu na kristen libifasi. Fu eksempre: Fa papa nanga mama kan, yepi den pikin fu den fu grabu na waarheid hori steifi èn fu meki a de wan pisi fu den? Fa ibri oso-famiriman kan meki na prisiri fu en na ini a dini fu Yehovah gro? San ibri memre fu na gemeente kan du di sa tyari bun gi ensrefi èn na heri organisatie? Disi na wantu fu den sani di den sa taki fu den na ini na nyun programma fu na spesrutu deikomakandra.
3 Spesrutu prakseri sa poti na a prenspari fasi fu na waka na baka leri di komoto fu Gado te wi kon tanapu fesi tesi tapu a kristen giyesi ini a tori fu basi èn na ini wi kontakti nanga den rigeri makti. Fudi wan kruktudu gemeenschap lontu wi, meki kristensma mu sorgu fu hori densrefi na a bijbelstandpunt di abi fu du nanga makti èn fu tan farawe fu fowtu fasi di ini a ten disi de furu na ini na grontapu.
4 Wan bepaalde kenki tyari kon na ini na programma. Na ini na dienstyari 1989 na luku syatu fu Na Wachttoren sa de tapu a programma, ofu na komakandra e hori now tapu satra ofu tapu sonde. Disi wani taki dati gemeente di abi den spesrutu deikomakandra tapu satra, no sa seti sani a tra dei fu abi wan wachttorenstudie ofu publikitaki. Na presi fu dati dan den owruman sa man fu orga na wan bigi fasi kotoigi-wroko ini grupu.
5 Wi kisi kommentaar fu yere di e sori warderi èn di e meki kon bun a fesi o bun na fosi spesrutu deikomakandra sori dati a de. Furu sma ben kisi dekati èn ben kon tranga nanga na bun yeye leri di ben go fu persoonlek bijbelstudie èn nanga den bodoi di ben go fu a go na fesi fu na organisatie.
6 A no de fu taki dati ooktu na programma fu na spesrutu deikomakandra fu na dienstyari 1989 sa de leki wan bigi bun gi wi, aladi wi e feti a baka fu waka na baka na eksempre fu wi, Yesus Kristus. No misi no wan enkri pisi fu en. Meki wi alamala tan nyan bun fu a gi yesi na leri di komoto fu Gado. — Hebr. 10:23-25.