Yepi trawan fu dini Yehovah nanga den heri sili
1 Yehovah e angri nanga reti dati ibriwan fu wi dini en nanga en heri sili (Mark. 12:30; Kol. 3:23). Aladi wi bekwaamfasi e kenki fu makandra ibriwan fu wi aparti wani du ala san wi man fu dini en. — Matt. 13:23.
2 Wi kan gi wi pikin yepi moro-fara na ini a tori disi? Fasi de tapu san wi kan gi moro dek’ati na den wan na suma wi e lei bijbelstudi? Sonwan na ini a gemeente de di kan meki na kwaliteit ofu na kwantiteit fu na diniwroko fu den ben sa kan kon moro bigi, efu wi ben gi den wan pikinso prakstis yepi?
FA FU GI YEPI
3 Wantu sma de di doro nomo e fisiti ala gemeente komakandra. Wantu fu den de srefi so fara dati den fiti fu kan bigin nanga na velddienst. Disi warti fu prijse. Ma no alamala teki a bosroiti fu gi densrefi abra èn teki dopu. Wi kan yepi den na ini a tori disi? Wi ben abi persoonlek wan opregti taki makandra nanga den? Kande wan takmakandra fu na artikel „San e tapu mi fu teki dopu?” pe wi no e kibri wan sani, èn tapu wan switi fasi, tapu na bladzijde 21-26 fu Na Wachttoren fu 1 maart 1982, sa de wan yepi.
4 Dan den wan de tu di dopu wel ma di e degedege fu gi densrefi fu sma gebroiki den gi grani di den man fu du en di fiti den omstandigheden fu den. Wantu fu den kande de geregelde preikiman di ten na ten e de na ini na yepipionierwroko. Den ben kan tyari kande den kenki kon di de fanowdu fu de faste yepipionier? A sa de so taki sonwan di de ini na faste yepipionierwroko kan tron gewoon pionier? Sontron wortu di e gi dek’ati makandra nanga wantu praktis bodoi fu na sei fu wan papa ofu mama, wan owruman ofu wan sma di e dini leki gewoon pionier, sa beweigi den sortu sma disi fu dini so krinkrin soleki den koni èn den omstandigheden fu den e gi pasi. — 2 Timoteus 4:2.
GI DEK’ATI
5 Trawan kande fiti fu den poti den a wroko leki dinari na ini a diniwroko ofu owruman bakadi den ben du bun na tapu den fanowdu dek’ati èn ’ben proberi’ fu kisi den sortu grani disi (1 Tim. 3:1). Fu di wi e nyanbun fu den praktis yepi di e gi nanga yepi fu na theokratis bedieningskoro, dan bepaalde brada kan tron bun takiman na publiki. Son owruman nanga dinari na ini a diniwroko di no trow ben kisi yepi fu tyari den fanowdu kenki kon fu kon fiti fu go na a bedinari opleidingskoro. Yu kan prakseri ete tra grani san wantu sma ini yu osofamiri ofu gemeente ben kan fiti fu kisi, efu den ben kisi wan pikinso yepi? Na sortu fasi yu ben kan yepi den?
6 Wi mu dini Yehovah so bun leki wi man (Openb. 4:11). Wi wani du en wani nanga wi heri sili èn yepi trawan fu du disi ooktu (Ef. 6:6). Den wan di e du bun tapu yepi èn dek’ati fu dini Yehovah nanga den heri sili, kan de seiker dati Yehovah sa gi na „paiman di reti”. — Kol. 3:24.