Nyan bun dorodoro fu den dienstkomakandra
DEN wortu fu dipi firi fu ibri dienstknekti fu Gado musu de: „Gi mi leri, o Yehovah, fu den pasi fu yu. Mi sa waka ini yu waarheid. Tyari mi ati kon na wan fu frede yu nen” (Ps. 86:11). Na dienstkomakandra e sorgu gi aparti bodoi fu yepi wi fu du a wroko di Yehovah komanderi wi, na preiki fu na bun nyunsu fu en Kownukondre. Yu e nyan trutru bun fu na dienstkomakandra fudi yu e teki ini yu na rai di den e gi?
WINIMARKI FU BUN SREKA
2 Fu nyan bun sofuru leki a kan fu na leri di e gi tapu na dienstkomkandra sreka de fanowdu. Fu sanede? Dorodoro sreka e meki na yeye èn na ati klari fu teki moro leri. Te sma e studeri a materiaal a fesi, e mediteer (prakseri dipi) fu en èn e analyseer den tekst di ben gebroiki, dan yu sa man teki moro betre na ini yu èn hori na ede tu, na yeye nyanyan di den e pristeri. Yu eigi prati fudi yu e gi kommentaar, na teki prati na demonstratie ofu a hori fu lezing sa wani taki moro furu. Yu ati sa kon furu nanga satisfaksi fudi yu du san yu man. — Ex. 23:19a; Odo 16:23.
3 Na a sreka, a de bun dati ibri Memre fu na osofamiri abi wan eksemplaar fu na publikatie di den e gebroiki. Sreka de spesrutu prenspari gi denwan di den e gi prati na a dienstkomakandra. Den prati musu gi wan bun ten afesi, sodati den sma di abi wan prati na ini sa abi nofo ten fu sreka densrefi.
WINIMARKI FU A TEKI PRATI ÈN A GEBROIKI FU DEN SANI DI WI LERI
4 Yu kon si dati teki prati na den komakandra e yepi furufuru fu nyan bun, fu en? Na Wachttoren fu 1 oktober 1972 ben ferklari tapu bladzijde 602: „Trutru prisiri e kon te wan sma e tyari en eigi bribi kon a fesi nanga wortu a mindri fu en kristen brada. A no de wan afersi fu firi wisrefi ferplekti fu gi kommentaar èn baka dati go sidon ari wi baka makriki èn libi na tra pisi fu na komakandra abra na trawan. Wi furu èn e lon abra fu lobi gi Yehovah, sodati wi wani blesi Yehovah èn wani taki fu wi lobi gi en.”
5 Yehovah gi wi na wroko fu preiki na bun nyunsu. Na wan furu nanga lobi fasi a e sorgu ini leri nanga yepi fu a dienstkomakandra, sodati ibriwan fu wi man gi a moro bun Kownukondrekotoigi. Leki na moro bigi leriman, Yehovah, e fruwakti bun bakapisi fu a leri di en e gi en disipel. (Luku Deuteronomium 17:10.) A poti fu den sani ini aladei libi èn a gebroiki fu san yu e leri, sa abi winimarki gi yu èn yu sa man fu taki: „Mi du yoisti soleki fa yu komanderi mi.” — Ezech. 9:11.
6 Yu sa abi na prisiri ooktu fu ferlusu yusrefi nanga den di e arki yu (1 Tim. 4:16). Degedege no de fu dati: den yeye winimarki fu na dienstkomakandra de furu. Meki a de so taki yu nanga yu osofamiri abi na fasti bosroiti fu nyan bun doro doro fu en!