Meki a faya kon nyun baka fu di wi e kobroyki den bodoy fu Na Wachttoren
Krestes Yeyses de a volmaakti eksenpre fu wan fayafaya preykiman fu na bun nyunsu. En opregti lobi fu du en papa wani èn en tranga belangstelling gi libisma ben buweygi en fu sori persoonlek broko-ede gi trawan. En diniwroko ben de nanga libi èn a ben abi bun bakapisi. A diniwroko ben gi en prisiri. A ben si en leki „nyanyan” di ben gi en krakti (Yohannes 4:34). A ben prati wortu fu frulusu nanga trawan aladi a ben du a wroko di en Papa ben komanderi en. Disi ben meki en libi wani taki wan sani èn abi wan marki.
2 Den apostel nanga tra fosi yarhondro bakaman fu Krestes Yeyses ben waka na baka en faya na ini a diniwroko. Srefi aladi den ben frufolgu den seryusu, sma no ben kan brokokowru na faya fu den (Tori fu den Apostel 5:28-32; 8:1, 4). A srefi de tru ini a ten disi. Na bun nyunsu e preyki pikinso moro ini ala uku fu a grontapu nanga yepi fu sma di e waka a baka na eksenpre fu Yeyses Krestes. Leki Yehovah Kotoygi ala ten den de „fayafaya gi tumsi bun wroko”. — Tit. 2:14.
3 Efu wi mankeri faya, wi e du wi wroko ’fu di a musu’ èn a persoonlek de fu wi na ini a wroko e tron frafra. Leki bakapisi fu dati wi no e nyan prisiri na ini wi dienst. Efu a de so nanga wi, wi musu suku fasi fu meki wi faya kon nyun baka èn teki a tyalansi di a velddienst e tyari nanga en. Na artikel ini Na Wachttoren fu 15 yuli 1988, di abi leki nen „Poti doronomo prakseri na a gi leri fu yu”, ben tyari praktis bodoy kon a fesi fu yepi wi fu tranga ofu meki kon nyun baka a faya fu wi ini a Kownukondredienst.
TYALANSI A FESI FU SAN WI E SI TAKI WI TANAPU
4 Ini furu pisi fu grontapu, gebied de di pikinmoro no e wroko srefisrefi ofu wanwantron so. Ini bigi foto a de a gwenti taki gemeente e wroko den gebied wan leysi wan mun ofu srefi wan leysi wan wiki. Disi kan tyari wan tyalansi nanga en, fu di furu ososma sabi kaba suma na wi èn furu leysi e pruberi fu tapu na takmakandra bifo wi kan hori wan lezing. Kande den e kragi taki a wiki di psa ooktu wan kotoygi ben de dyaso kaba. Furu sma ini wi birti no de na oso ofu wi e si taki sma na ini wi gebied abi wan mi-no-ke-fasi. Ala den sani disi kan de wan broko skin. Ma yu kobroyki den bodoy kaba di ben gi ini paragraaf 4-7 fu a Wachttoren-artikel di wi kari dya a tapusey.
5 Milyunmilyun sma tyari komakandra kaba fu de wan „bigi ipi” fu „tra skapu”, èn milyunmilyun trawan e tan gi yesi na a bun nyunsu fu a kownukondre (Openb. 7:9; Yoh. 10:16). Ma den fasi fu bigin wan taki nanga sma di ini a ten di psa ben abi bun bakapisi, kande no e wiki a belangstelling moro langa na ini wi gebied Wi musu de na ay na ini a tori fu a sortu, a kwaliteit nanga a tumsi bun fasi fu wi lezing èn de klariklari fu fiti wi srefi pe a de fanowdu.
6 Aladi a e taki na tori disi, NA WACHTTOREN ben gi wantu tumsi moy rikomanderi fu a fasi fu meki wi diniwroko go moro betre. Den ben gi bodoy fu fasi fu kan gi wan finifini kotoygi te wi abi fu du nanga mi no ke fasi, a sma ini gebied di wroko furu tron èn na ososma, di e kragi. Wi e kobroyki na ray disi èn wi e meki wi lezing kon fiti na fanowdu fu na gebied? Wi e nyan bun na ini disi fu den wrokosani di wi abi? A waka na baka den ray di gi sa yepi wi fu abi fu du persoonlek moro nanga na diniwroko. Efu nanga frustan wi e meki den sani disi di ben tyari kon na krin wi eygi, wi e kisi yeye deki-ati èn wi e go krinkrin na ini a diniwroko. Na a fasi disi wi faya e meki kon nyun baka èn moro krakti.
7 Te yu e luku den grontapu toestand fu noya dan a de krinkrin dati a bigipina e kon krosibey. Disi e poti wan strepi ondro na tranga fanowdu fu wi boskopu èn na fanowdu fu skèyn leki wan ’leti gi grontapu’ (Matt. 5:14, 16). Meki wi gi wi srefi na ini na kobroyki fu den bodoy disi èn na so wan fasi meki wi faya fu na diniwroko kon moro bigi.