Yepi sma di de opregti fu ati fu lon komoto fu Babylon a Bigiwan
TE WI e luku a ten pe wi e libi na ini dan a krakti warskow di skrifi na ini Openbaring 18:4, kon tron bisondru tranga fanowdu. Ibri degedege di tan abra ini a tori fu a kon sabi trutru suma a Babylon a Bigiwan dribi puru. En bere puru kon na doro krinkrin leki a grontapu makti fu falsi anbegi di Satan e kobroyki fu feti teyge a siri fu Gado „uma”.
2 Tan na ini en e meki wan sma e teki prati na ini en sondu. Ma moro de fanowdu ete leki soso fu libi a falsi fasi fu anbegi. No wan sma kan tan nanga wan mi-no-ke-fasi ini a tori fu tru anbegi èn toku e fruwakti fu kisi Yehovah blesi. Den sma di e lon komoto fu Babylon musu stuka Gado Wortu, teki prati na a meki bekenti fu a bun nyunsu èn tron dienstknegti fu Yehovah di gi den srefi abra èn teki dopu.
3 A de so taki ala den sma di ben fisiti a Memrefesa tapu 22 maart, de sabisabi o tranga fanowdu a de fu komoto fu Babylon èn tron dienstknegti fu Yehovah di gi den srefi abra krinkrin. Wi musu jepi ibri sma di e degedege fu teki en bosroyti na a sey fu Yehovah (Yak. 1:8; 4:8). Du spesrutu muyti fu sorgu taki den kisi den krakti uitgave fu Na Wachttoren fu april nanga mei ini den anu. Yepi den fu frustan taki, fu di a ten di tan abra kon syatu, dati a de tranga fanowdu dati now den teki den bosroyti. — Mattéus 12:30.
YEPI NYUN SMA
4 Nanga a Memrefesa nyun na ini wi memre, dan april de wan logis ten fu yepi nyun sma fu frustan taki teki prati na a velddienst de wan tumsi bun fasi fu sori taki a wan opregti fasi den e si Yeyses ofrandi leki wan warti sani. Iya, a de fanowdu fu sori na a fasi dati, omeni wi e warderi sani di Yehovah nanga en Manpikin, Yeyses, du gi wi!
5 Yu e ley beybristuka nanga na ini prakseri fu sreka a sma di e kisi leri tapu a velddienst? Den abi progressief yepi nanga deki-ati fanowdu fu kweki a kristen frantwortu disi. Fruklari a prenspari fu a velddienst gi nyun stukaman èn demonsteer fa a e du. Yu sa si taki a Den tyari kon na wan na a heri grontapu-brochure kan yepi na ini a tori disi.
DORO DEN MARKI DI DEN E AKSI
6 Te wan beybri stukaman go a fesi trutru èn e sori a lostu fu yepi meki Mattéus 24:14 kontru, a ben sa de bun fu luku nanga en makandra san den e taki tapu bladzijde 100 nanga 101 fu a Diniwrokobuku. Sma musu kan si taki a de wan sma di e „hanteri a wortu fu a waarheid yoysti” (2 Timóteus 2:15). No gi en wan kari fu go nanga yu fu a fosi tron ini a veldddienst te leki den owruman bepaal taki a fiti fu a teki prati. Efu a gersi gi wi taki a e doro den marki di den buku nanga na organisâsi e aksi, piki dan a fesiman owruman fu a go a fesi fu en. Efu den owruman e kon makandra ini mei nanga wan beybristukaman luku efu a fiti fu a teki prati na a velddienst, gi en leri baka dati fa kan kan pristeri Na Wachttoren-abonnement èn meki wan bigin fu kweki en ini na oso-fu-oso diniwroko. — Luku Na Wachttoren fu 15 november 1988 blz. 16, 17, par. 7-10.
7 Babylon a Bigiwan e go miti en krinkrin pori! Bifo disi psa, wi musu yepi sma di de opregti fu ati fu komoto na ini en anu èn kon ini Yehovah organisâsi. Milyunmilyun sma kisi yepi kaba fu du disi. Efu a de Yehovah wani, dan furu sma moro kan kon kisi yepi fu lon komoto fu a mindri fu Babylon, aladi en e blesi wi fayafaya muyti fu feni sma nanga wan opregti ati ini wi gebied èn fu e sorgu gi den. — Yer. 50:8.