Tan gi leri sondro fu stóp
1 A beibri no e meki wi no sabi a sortu fu gebied di den apostru nanga den fositen kresten disipri ben abi. Syatu baka na dede fu Yeises, den tirimakti ben warskow den fu no „taki ofu gi leri fu wan sani” di abi fu du nanga Yeises (Tori. 4:18). Fu san-ede? Wán reide fu disi ben de na abi di den ben abi bun bakapisi di ben gi fruwondru. Dusundusun sma ben tron bribiman, so leki fa Tori fu den Apostru 4:4 e taki: „Furu . . . fu den di ben arki na taki, ben bribi, èn a nomru fu den man ben kren kon doro sowan feifi dusun.”
2 Fu di wi tu e tan gi leri sondro fu stóp, meki hondrohondro dusun, iya milyunmilyun sma e tron bribiman na ini a ten disi. Na ini a heri mun november wi abi na grani fu pristeri wan abonnement tapu Na Waktitoren èn Ontwaakt! Degedege no de taki Ontwaakt! du furu fu meki sma kon sabi den yeye nowtu. Disi meki furu sma kon koloku, fu di den leri fu du na wani fu Yehovah. — Teki gersi Mateyus 5:3.
MITI ALA SMA
3 Ala di wi abi kande gebied di e wroko furu, toku wi kan taki kande nanga wan sma di ben abi pikinso okasi fu yere na bun nyunsu. Fa so dan? Fu san-ede wi no kan sa meki kobroiki fu den rai di ben gi na a distriktkongres èn na ini Wi Kownukondredienst fu augustus 1990 fu abi wan prati na a gi fu kotoigi nanga telefon na ini gebied di muilek fu doro nanga na oso fu oso diniwroko? Ofu du spesrutu muiti fu taki nanga na masra fu na oso te yu e preiki na mofoneti ofu na a kba fu na wiki. Fu di yu e skrifi ala sani bun a tapu na oso fu oso raportu, meki yu kan miti kande tra memre fu na osofamiri, so leki wan granmama, wan bradapikin di de na skoro ete ofu wan swagri di e wroko mindri wiki. Den ekstra muiti di e du fu taki nanga ibri memre fu na osofamiri, kan kisi furu blesi.
4 Furu tumusi bun fasi de fa wan sma kan sroto abonnement na ini a mun. Fu eksenpre, wi kan tyari kon na a prakseri fu den beibristudi fu wi nanga trawan di abi belangstelling fu teki wan abonnement. Kande wan fu den beibristudi fu wi abi wan abonnement kba tapu wán fu den tijdschrift. Fu san-ede yu no e gi en a rai fu teki na abonnement tapu alatu tijdschrift? Osofamiri kan kisi a deki-ati fu teki wan Waktitoren abonnement gi ibri memre fu na osofamiri, so taki den kan sreka den srefi gi a Waktitoren stuka. Ete wan rai ben sa de fu opo tijdschriftenroute èn baka dati fu pristeri abonnement na den wan di e sori moro belangstelling leki san trawan gwenti fu sori. Wi musu pristeri so srefi wan beibristudi na den wan di e sori wan opregti belangstelling.
BRADI YU DINIWROKO
5 Te nanga now a no lati ete fu aksi fu dini leki yepi pionier na ini a mun november. Unu e meki plan leki osofamiri, fu abi wan prati na a pionier wroko na den grontapu feisitidei na ini december? Now a de a ten fu prakseri na sortu fasi yu kan du disi nanga bun bakapisi. Efu a heri osofamiri no man de na ini a yepi pionier wroko, dan unu kan wroko makandra so taki wan ofu moro memre fu a osofamiri kan du disi? Èn efu dati no kan, dan awasi fa a no fa a ben sa kan taki yu kobroiki moro ten na ini a dienst èn pristeri Na Waktitoren nanga Ontwaakt!?
6 Wi e warderi den winimarki nanga blesi na yeye fasi di wi kisi nanga yepi fu den bladzijde fu Na Waktitoren nanga Ontwaakt! Wi sabi taki reti-ati sma na ini wi gebied so srefi sa nyanbun furu fu a leisi di den e leisi den tijdschrift fu wi geregeld. Meki wi tan gi leri na ini a mun november nanga den tumusi bun wrokosani di Yehovah gi wi fu kobroiki. Dati sa meki wi koti na blesi fu Yehovah èn sori taki wi srefi de wan blesi gi trawan. — Gal. 6:9.