Wroko tranga ini a doe foe Gado wani
1 Tranga wroko di wani taki wan sani èn di e tjari bakapisi leki fa joe ben winsi, e gi foeroe satisfaksi (Preik. 3:13). Sortoe wroko di sma e doe ini a ten disi e gi den moro boen froewakti gi kolokoe, so srefi now èn ini a tamara sondro skotoe? Wan piki nomo de—a doe foe Gado wani. Den sa go loekoe den reide foe disi finifini nanga jepi foe lezing, demonstrâsi nanga ondrofenitori na wi spesroetoe-deikonmakandra gi a dienstjari 1992. A thema foe na programa sa de: „Wroko tranga ini a doe foe Gado wani”.—Ef. 6:6; 1 Tim. 4:10.
2 Foeroe sma ini a ten disi no e firi satisfaksi kwetikweti èn broeja srefisrefi foe na froewakti foe san o pasa nanga a libi foe den; den e libi wan libi di moro foeroe lai nanga wroko di den no lobi. Kontrari foe disi, a doe foe a wani foe Jehovah, so leki fa Krestes ben doe dati, e gi wi wan marki ini a libi èn srefi e meki taki wi kan doe wi grontapoe wroko nanga wan positief fasi foe si sani. San de ini a tori foe wroko tranga foe doe a wani foe Gado? San na wan toe sani gi san wi moesoe loekoe boen efoe wi wani go doro foe libi gi a wani foe Gado? O prenspari a de foe waka baka den markitiki nanga bodoi foe na organisâsi foe Jehovah ini a tori foe a preikiwroko nanga a wroko foe gi leri? Sortoe aparti okasi de gi jongoewan di e doe moeiti foe doe a wani foe Gado?
3 Tapoe wan fasi di e gi alasma satisfaksi, den aksi disi sa kisi piki ini a programa, foe san den toe moro prenspari lezing de: „A wani foe Gado e tiri joe libi?” nanga „Na marki foe wi ini a libi — a doe foe a wani foe Gado.” Meki plan now foe de drape èn foe no misi noti foe a spesroetoe programa disi.