Meki a boen njoensoe bekènti nanga jepi foe Na Waktitoren
1 Na Waktitoren no abi en speri srefisrefi, bika a de wan tjariman foe boen njoensoe. Tra fasi leki dati, moro foeroe grontapoe tijdschrift abi takroe njoensoe di e broko sma ati. Fa wi kan sori tra sma dati Na Waktitoren de trafasi, foe di a abi wan boskopoe di e kowroe ati troetroe?
2 Wi kan poti sma prakseri tapoe „Na marki foe Na Waktitoren” tapoe bladzijde 2 foe a tijdschrift. Sori dati na marki foe en na foe hei Jehovah leki a Soeverein Tiriman, foe poti prakseri tapoe den sani di e feni presi na grontapoe èn di e meki bijbel profeititori kon troe, foe gi wan boskopoe foe trowstoe na den wan di den e hori na ondro nanga tranga, èn foe tranga na bribi foe sma ini den sani di Gado sreka gi na froeloesoe foe wi.
3 Den sani di wi e taki foe Na Waktitoren, e tjari den sortoe prakseri disi go abra na wan overtoigi fasi? San wi e taki, no moesoe de wan toe wortoe di e wiki sma belangstelling foe wan toe miniti nomo; a moesoe taki wan sani, e meki sma go bribi so dati den e angri foe wani leri moro.
4 Sreka na fesi de fanowdoe: Wi moesoe leisi ibri tijdschrift finifini, èn studeri difrenti pristeri nanga wi gebied ini prakseri. Te wi e soekoe den bijbel tekst di den ben skrifi, dan dati e meki taki wisrefi e kon froestan sani moro boen. Disi kan meki a warderi di wi abi gi na waarheid kon moro dipi èn kan poesoe wi foe prati en nanga trawan. Efoe a waarheid no de ini wi ati, dan foeroe no sa de di sa poesoe wi foe taki foe en sondro frede.
5 Na belangstelling di wan sma e sori, e bepaal san wi sa pristeri. Te a piki de negatief noso e sori dati a sma feni taki fa en de a boen so kaba, dan den sani di wi taki kande kan de nofo. Efoe a sma e sori pikinso belangstelling nomo, kande a ben sa boen foe pristeri soso den lasti tijdschrift noso wan brochure. Efoe den sma e sori warderi na wan opregti fasi èn wan angri foe leri moro, a ben sa kan fiti foe pristeri wan abonnement.
6 Te joe e leisi den artikel ini den lasti uitgave foe Na Waktitoren, proeberi foe memre takimakandra di joe ben abi kaba nanga ososma, pe den tori disi ben wiki den belangstelling. Meki en wan afersi foe go baka nanga na uitgave dati foe taki moro fara foe a tori dati.
7 Wi no sabi o langa èn te na sortoe marki a boen njoensoe sa meki bekènti ete. Ma, wi kan de seiker taki Na Waktitoren sa teki wan prenspari presi ini a wroko di o doe. Te wi e meki gebroiki foe na seti disi, dan wi moesoe doe soifri leki den apostel di na wan fajafasi „ben gi leri èn ben meki na boen njoensoe foe na wortoe foe Jehovah bekènti.” — Tori foe den Apostel 15:35.