Meki boen gebroiki foe den tijdschrift
1 Te joe e go na wan boekoewenkri, joe e si wan heri ipi tijdschrift di e taki foe ala sani, joe abi tijdschrift nanga soso lafoetori èn tijdschrift nanga sabidensi tèknik tori. Noiti joe kan leisi den alamala. Ala di son tijdschrift lai nanga bodoi di joe kan gebroiki, moro foeroe foe den no abi foeroe warti. Foeroe foe den abi lagi doti tori èn wi moesoe tan farawe foe den.
2 Fa den e difrenti, te joe e teki den gersi nanga A Waktitoren nanga Ontwaakt! Den tijdschrift disi meki spesroetoe foe ondrosoekoe sani èn foe meki a waarheid bekènti, di sma kan gebroiki gi na froeloesoe foe ala sma di e doe wan sani tapoe a lobi foe Gado.
3 Ontwaakt! kan doro ala sortoe sma nanga boen bakapisi, foe di a abi foeroe èn difrenti artikel. So leki fa den ben froeklari na bladzijde 4 foe ibri uitgave, a „de foe meki na heri famiri kon sabi moro”. A abi artikel di e taki foe wan lo difrenti tori, di e go foe sma, relisi nanga sabidensi. A e ondrosoekoe sani finifini èn e poti prakseri tapoe san den sani di e feni presi now wani taki troetroe. Moro foeroe, a „e bow froetrow ini a pramisi foe na Mekiman, foe wan vrede njoen grontapoe di de sondro kefar.”
4 Na uitgave foe Ontwaakt! foe 8 oktober e taki foe na tori: „Joe kan wini negatief firi”. Foeroe libi ben panja foe den sortoe firi disi ede. Te joe e pristeri a tijdschrift disi foe di joe e poti prakseri tapoe a troe bijbel rai di e trowstoe sma, kande dati kan naki a sma ati. Gi na uitgave foe 22 oktober, wi moesoe man foe feni wan sma di e arki foe di wi e poti a sma prakseri tapoe penti ini den artikel di kan trowstoe den èn di e taki foe: „Wan njoen grontapoe di e gi ala sma satisfaksi”.
5 A Waktitoren kon de bekènti na heri grontapoe leki wan takiman èn foe a boen njoensoe foe Gado Kownoekondre èn den paradijs blesi di a sa tjari kon. A uitgave foe 1 oktober sa gi piki tapoe na prenspari aksi: „Libisma famiri abi troetroe wan Mesias fanowdoe?” Disi sa gi wi wan moi okasi foe taki foe na Kownoekondre howpoe foe wi. Den bodoi foe „Na osofamiri libi ini a ten disi — Kakafoetoe gi a tjalensi”, foe san a uitgave foe 15 oktober e taki, sa jepi wi foe bigin takimakandra nanga memre foe wi famiri di e angri foe feni froeloesoe foe den foeroe kwinsi foe a libi.
6 Neleki wisrefi, wi toe kan jepi sma ini a kontren, di abi wan abonnement, foe feni foeroe winimarki foe kisi den warti tijdschrift disi doronomo nanga postbode. Proberi foe libi wan toe tijdschrift na baka efoe den sma no wani teki wan abonnement, dan kande den sma sa kisi moro belangstelling en joe kan doe na adres dati leki joe tijdschriftenroute. Pe den sma no e teki tijdschrift joe kande kan libi wan traktaat. Foeroe opregti sma kon ini waarheid nanga jepi foe na sjatoe boskopoe disi.
7 Wi kan rikomanderi den tijdschrift foe wi na ala sma, foe di wi sabi den warti foe den. Wi abi wan boen sani, èn a de a fasi foe Krestes foe prati en nanga trawan. — Odo 3:27; Heb. 13:16.