Jepi njoenwan foe go na fesi
1 Tapoe 17 april 1992 pikinmoro 11,5 miljoen sma na heri grontapoe ben kon na wan, foe memre a dede foe Krestes. Disi ben pasa toe nanga wan afoe tron a totaal nomroe foe preikiman di kon tai nanga a gemeente foe Jehovah Kotoigi. Fa a e doe wi boen foe si den ipi sma e kon na wan „na a bergi foe Jehovah”! (Mika 4:2) Nojaso wan seibi miljoen sma so de di e sori pikinso belangstelling gi a troe anbegi èn di no de sma ete di e prèise Jehovah na poebliki. Foe troe, den wortoe foe Jesus taki „a kotiwroko bigi”, noiti ete ben wani taki so foeroe!—Mat. 9:37, 38.
2 Ini a moen april wi sa doe spesroetoe moeiti foe jepi ala sma di ben feni boen foe abi prati na a velddienst. A gemeente boekoestudieleider, di sa kisi jepi foe tra bekwaam preikiman nanga pionier ini en groepoe, sa abi wan prenspari rol ini disi. A marki foe wi abi dri pisi (1) seti sani gi wan oso-bijbelstudie nanga njoenwan di ben fisiti a spesroetoe poebliki taki nanga a Memrefesa a jari disi; (2) gi deki-ati na den sma di kisi studie foe doro na marki foe de wan preikiman di no dopoe; èn (3) foe meki oen eigi prati ini na velddienst kon moro bradi.
3 Ala sma moesoe doe spesroetoe moeiti foe bari wan switi kon gi den njoen sma di e fisiti iniwan foe den konmakandra, èn foe leri sabi den. San wi kan doe foe gi moro foe den sma disi deki-ati foe abi wan doronomo oso-bijbelstudie?
4 Ini Sranan ini a dienstjari 1992 gemiddeld 2325 bijbelstudie ben hori. Preikiman kan kari den boekoestudie leider foe go nanga den na den bijbelstudie, so dati den kan leri sabi den bijbelstudie. (km 5/81 blz. 4) Kande sonwan foe den bijbelstudie disi e fisiti den konmakandra now èn doro na marki foe abi wan prati na a oso-foe-oso wroko. Den njoen sma e gi doronomo okasi preiki? Den doro a marki foe de wan preikiman di no dopoe ete so leki fa tanapoe ini a Diniwroko-boekoe, bladzijde 99-102? Efoe dati de so, sori den fa foe bigin ini na oso-foe-oso wroko baka te den ben feni den boen foe de wan preikiman di no dopoe.
5 Wi no moesoe frigiti foe gi makandra deki-ati ini wi kresten demakandra (Hebr. 10:24, 25). Efoe sonwan e doe moro safrisafri ini den diniwroko, dan den boekoestudieleider moesoe seti fasti sani foe gi jepi èn deki-ati. Sontron wan waran kari foe kon nanga wi ini a velddienst na ala san de fanowdoe.
6 Foe man meki april leki wan spesroetoe moen foe velddienstaktiviteit, a wrokomakandra foe ala sma de fanowdoe. A faja tiri foe a boekoestudieleider wani taki foeroe, ala di a e jepi ibri memre foe en groepoe foe abi wan doronomo prati na a diniwroko. Ekstra velddienst konmakandra kan seti. Spesroetoe prakseri kan poti tapoe den owroewan èn jongoesma kan kisi jepi na praktis fasi. Papa nanga mama moesoe sorgoe taki a heri osofamiri abi prati na a diniwroko ini april. Efoe ini a kotiten disi wi ala gi den moro boen sani di wi abi na Jehovah, dan wi sa kisi foeroe blesi.