Joe kan doe en?
1 „Doe san?” joe e aksi. Odo 3:27 e piki: „No hori san boen na baka gi den sma di moesoe kisi en, te a de ini a makti foe joe anoe foe doe en”. A de „ini a makti foe joe anoe” foe meki joe aktiviteit kon moro foeroe èn teki prati na a jepipionier noso a gewone pionierwroko? Joe kan doe dati?
2 Fa a ben e gi deki-ati foe leisi ini a Jariboekoe foe 1993 taki ini Sranan wan gemiddelde foe 225 gewone nanga jepipionier ben de, èn taki ini verhouding wán pionier tapoe 7 preikiman. Ija, foeroe di ben ondrosoekoe den situwâsi èn ben kon si taki den kan doe moro ini a diniwroko, bigin nanga a pionierdienst.
3 Jepipionierdienst na wan fasi foe doe boen gi trawan. A jari di pasa wan heimarki foe 461 jepipionier ben de. Dati de toemoesi moi. Foeroe preikiman e soekoe fasi foe go moro foeroetron ini wan jari ini a jepipionier wroko.
4 Foe sabi efoe joe kan „doe en” efoe no, na a fosi presi joe moesoe go loekoe a winsi foe joe ati (Mat. 22:37-39). Tori foe den Apostel 20:35 e taki: „A moro kolokoe foe gi sani leki foe kisi sani.” Den di lobi foe gi sma foeroe jepi na jeje fasi, sondro misi abi a joisti winsi. Foe de wan preikiman noso pionier di abi boen bakapisi, a winsi dati na wan prenspari sani.
5 Na a di foe toe presi, go loekoe joe situwâsi foe now. Joe kan tjari kenki kon ini den ala dei afersi foe joe foe kan go ini a foeroeten dienst? No ala sma kan doe dati. Ma baka den ondrosoekoe densrefi ondro begi, doesoendoesoen sma ala jari e feni wan fasi foe „doe en” (Kol. 4:5; w78 blz. 28, Bakratongo). Son osofamiri foe eksempre, e teki bepaalde moen pe son wan noso ala memre foe na oso-famiri e go ini a jepipionierwroko. Tra oso-famiri e horibaka gi wan foe den memre leki gewone pionier. Oenoe leki oso-famiri ben go loekoe efoe dati kan? Loekoe Odo 11:25.
6 Jepi trawan foe kon sabi a waarheid na san e gi troetroe satisfaksi, awinsi joe e dini leki preikiman noso leki wan pionier. Wi sabi taki troetroe prisiri wi e kisi foe di wi e doe boen gi trawan, spesroetoe efoe a de so taki a de ’ini a makti foe wi anoe foe doe en’.