Aksi boksoe

◼ Oten den Gemeente boekoestudie moesoe hori?

Nofotron a sa de moro praktis èn moro boen foe meki difrenti boekoestudie groepoe kon makandra na difrenti presi ini a gebied foe a gemeente, na presi foe meki ala sma kon makandra na a Kownoekondrezaal. Den studie disi moesoe hori na a ten di moro boen gi moro foeroe foe den sma di kisi a toewijzing foe fisiti wan spesroetoe boekoestudie. Leki fa a gwenti de, dan disi de na wan neti mindriwiki, te tra sani no seti gi konmakandra noso gi velddienstkonmakandra. Tokoe a kan abi winimarki foe seti sani gi wan boekoestudie na deiten foe sorgoe gi den owroewan di e tweifri foe go na doro te neti èn gi den wan di e wroko na neti. Ini wan toe kefal a sa de praktis foe abi wan boekoestudie na deiten na a kaba foe a wiki.

Den owroeman kan ondrosoekoe na wan fasi di fiti, foe kon sabi sortoe ten foe kon makandra sa „boen gi moro foeroe foe den preikiman”, so srefi gi den sma di abi belangstelling (om blz. 64). A ten di den teki, moesoe de na wan dei nanga joeroe di no sa kon na mindri den sani di seti gi velddienst noso sa skotoe den plan disi tapoe wan fasi di no fiti.