Joe abi toemoesi foeroe foe doe?
1 Paulus ben froemane wi foe ’ala ten abi foeroe foe doe na ini a wroko foe Masra’ (1 Kor. 15:58). Wi e kisi tranga foe abi a gwenti foe ala dei doe persoonlijk studie, teki prati na a diniwroko dorodoro, tan fisiti konmakandra getrow, èn sorgoe gi den toewijzing ini a gemeente fajafaja. Boiti dati, wi moesoe jepi trawan di abi wi jepi fanowdoe. Nanga so foeroe sani di de foe doe, a kan, taki son ten wi e firi taki wi abi toemoesi foeroe foe doe èn e prakseri taki wi moesoe loekoe wan fasi foe doe moro mendri wroko.
2 Situwâsi kan de di kan meki en wan koni sani èn wan reidelek sani foe tapoe nanga wan toe sani di wi e doe noso foe meki den kon moro mendri. Son sma e denki taki den moesoe doe ala sani di tra sma e aksi den foe doe. Efoe wan sma no hori en balansi fasi boen ini a tori disi, dan dati kan meki en kisi stress èn a kan tron wan sani di e pori sani te foe kaba.
3 Abi wan balansi fasi: A moro prenspari sani di wan sma kan doe foe hori en balansi fasi de foe feni na ini den wortoe foe Paulus pe a e taki foe ’kon sabi seiker san na den moro prenspari sani’ (Fil. 1:10). Dati wani taki nomo dati wi e poti prakseri tapoe den sani di troetroe de fanowdoe èn e broko wi ede nanga wan toe sani di no de so prenspari leki den dati te ten nanga den omstandigheid e gi pasi foe disi. Den froeplekti na ini na osofamiri na wán sani di seiker de na a fosi presi na mindri den sani di de toemoesi prenspari. Wan toe frantiwortoe, di no abi foe doe nanga relisi, moesoe doe toe. Ma, Jesus ben leri taki den sani di e kon na a fosi presi na ini wi libi moesoe abi den gron na tapoe a soekoe di wi e soekoe a Kownoekondre fosi. Na a fosi presi, wi moesoe doe den sani di wi moesoe doe foe di wi gi wisrefi abra na Jehovah. — Matt. 5:3; 6:33.
4 Te wi e hori disi na prakseri, dan wi sa sorgoe taki wi e poeroe wan toe sani foe wi schema, soleki sani di no de fanowdoe èn baka san wi e feti, toemoesi foeroe ontspanning, èn a gi di wi e gi wi wortoe na trawan foe afersi di no de so prenspari. Te wi e loekoe den sani di wi o doe ibri wiki, dan wi sa poti ten na wan sei foe doe nofo persoonlijk studie, foe teki prati na a velddienst na wan reidelek fasi, foe fisiti konmakandra, èn foe ibri tra sani di abi foe doe nanga na anbegi foe wi. A ten di tan abra wi kan prati na mindri tra sani baka san wi e feti, èn dati e anga foe o foeroe den e jepi wi foe doro a fosi marki foe wi, namkoe foe de kresten di abi wan balansi fasi èn di e poti a Kownoekondre na a fosi presi.
5 Ala di wi e doe ala sani kaba soleki fa wi ben taki didjonsro, tokoe wi kan firi taki a lai foe wi hebi ete. Efoe dati de so, dan wi moesoe gi piki tapoe a kari foe Jesus: „Kon na mi, oen alamala di e wroko tranga èn di abi hebi lai, èn mi sa gi oenoe kowroe-ati” (Mat. 11:28). So srefi loekoe go na Jehovah, „di e tjari a lai gi wi ibri dei” èn di e gi krakti na a sma di weri. A e pramisi taki noiti a sa meki taki a regtfardikiwan e degedege (Ps. 55:22; 68:19; Jes. 40:29). Wi kan de seiker taki wi sa kisi piki na tapoe den begi foe wi, san o meki taki wi kan horidoro na ini wi libi di lai nanga theokrasia sani.
6 Ala di wi de seiker taki wi abi foeroe foe doe te wi e feti baka Kownoekondre afersi, wan sani di warti srefisrefi, tokoe wi kan prisiri foe di wi sabi taki wi wroko no de foe soso ini a tori foe Masra. — 1 Kor. 15:58.