Wroko joe gebied finifini
1 Na ini gebied pe sma e libi, wanwan leisi wi e miti pikin bisnis presi, soleki wan wenkri, restaurant, noso wan pikin wenkri. Efoe den gebow disi moesoe wroko makandra nanga a tra pisi foe a gebied disi, dan joe moesoe go na den neleki fa joe e go na den oso.
2 Joe kan gebroiki wan makriki èn sjatoe pristeri, kande foe di joe e taki: „Mi abi wan sani di mi ben sa wani sori joe.” Efoe a gersi taki na eiginari abi en druk na a momenti dati, joe ben sa kan pristeri wan traktaat èn taki: „Mi sa kon baka te joe no abi en druk. Mi ben sa wani sabi san joe e prakseri foe a traktaat disi.”
3 A no de fanowdoe foe frede foe preiki gi sma di abi wenkri. Wan preikiman ben froeteri: „Mi ben froewakti taki den sma no ben sa handri boen. Ma mi ben froewondroe taki den ben handri heri tra fasi na tapoe a Kownoekondre boskopoe. Den ben abi troetroe boen maniri èn ben abi switifasi èn pikinmoro ala ten den ben teki den tijdschrift.”
4 Wan oema di e wroko na wan bedrijf di e seri oso, gebow nanga gron ben kari wan den Kotoigi kon na ini en kantoro. A ben teki den tijdschrift èn ben sori taki a abi belangstelling gi wan bijbelstudie. Den ben sori en a Sabi-boekoe, èn wan studie ben bigin wantewante, leti na ini en kantoro!
5 A toewijzing foe wroko a gebied di joe kisi finifini, wani taki toe taki joe moesoe fisiti sma di abi bisnis ini a birti (Tori. 10:42). Meki plan foe go na den doro disi toe neleki joe e go na den oso pe sma e tan. No wawan disi sa meki joe wroko joe gebied moro finifini, ma joe kan kisi pai toe foe wan toe prisiri ondrofenitori!