Jepi tra sma foe feni trowstoe
1 Foeroe sma weri foe jere foe rampoe, feti, ogridoe, èn foe a pina di sma e pina. Ala di wi kan si krin taki den njoensoe di e gi na ini a ten disi no e gi trowstoe, tokoe trowstoe de wan sani di a libisma famiri abi fanowdoe troetroe. Foe gi trowstoe wani taki „foe gi tranga nanga howpoe foe” èn „foe froelekti a sari noso broko-ede foe” wan tra sma. Leki Kotoigi foe Jehovah, wi abi den sani di de fanowdoe foe jepi sma na a fasi disi (2 Kor. 1:3, 4). Den brochure foe wi di abi den gron tapoe bijbel èn di wi sa pristeri na ini juli nanga augustus, abi boskopoe foe waarheid na ini di e gi trowstoe (Rom. 15:4). Djaso joe abi wan toe rai foe pristeri den na difrenti situwâsi:
2 Wan sari njoensoe kan opo wan okasi foe gi kotoigi èn gi tra sma trowstoe, kande foe di joe e taki wan sani leki a sani disi:
◼ „Te den sortoe sani disi e pasa, dan son sma e aksi densrefi efoe Gado troetroe de èn, efoe a de, efoe a e broko en ede nanga wi. Fa joe e prakseri? [Gi pasi foe piki.] Wán fasi foe kon sabi efoe wan Gado de, na foe gebroiki wan gronprakseri di sma e lespeki.” Leisi Hebrewsma 3:4. Sori go na tra sani di de lontoe wi, di e sori krin taki den abi wan mekiman fanowdoe. Baka dati go doro: „Mi abi wan brochure di mi sabi taki joe sa feni dati a e gi trowstoe. A nen Bekommert God zich werkelijk om ons? (Troetroe Gado e broko en ede nanga wi?) [Leisi den aksi di de fesisei foe a brochure.] A abi boeweisi na ini di no e overtoigi sma wawan taki Gado de, ma taki heri esi a sa tjari wan kaba kon na ala den onregtfardiki situwâsi nanga san wi e kisi foe doe na ini a ten disi. Joe ben sa wani leisi en?” Seti sani foe go baka.
3 Te joe e go baka, dan joe ben sa kan taki:
◼ „Wi ben e taki foe a boeweisi taki Gado de di mi ben libi a brochure Bekommert God zich werkelijk om ons? Kande joe ben si a prenspari penti disi tapoe bladzijde 7. [Sori a prenki èn taki sjatoe foe paragraaf 15.] Disi na soso wán eksempre di e sori taki wan Gado di e broko en ede nanga libisma, moesoe de troetroe. [Leisi paragraaf 27 tapoe bladzijde 8, 9.] Wan persoonlijk studie foe bijbel jepi mi foe kakafoetoe gi den aladei problema na ini a libi, bika a e gi a fasi fa Gado e si afersi.” Aksi en foe demo wan studie.
4 Wi kan gi kotoigi nanga telefon èn gebroiki a brochure „Wat is het doel van het leven? Hoe kunt u het vinden?” (San na a marki foe a libi? Fa joe kan feni dati?) Joe ben kan kari joe nen èn taki:
◼ „Mi e bèl joe foe wan prenspari boskopoe bika mi no man kon foe si joe persoonlijk.” Leisi a fosi paragraaf tapoe bladzijde 4 foe a brochure, èn doe dati leki fa joe gwenti taki, neleki joe ben e taki nanga a sma srefi. Aksi en fa a e prakseri foe a tori, èn gi okasi foe gi wan piki. „Mi bijbel opo na Jesaja 45:18. A vers disi e sori taki Gado ben kria grontapoe nanga wi na prakseri. Mi kan leisi en gi joe?” Baka dati, tjari kon na krin san na a marki foe a brochure, èn aksi fa joe ben sa kan tjari wan eksemplaar gi en.
5 Te joe e bèl baka, dan joe ben sa kan proeberi a fasi disi foe bigin wan studie:
◼ „Mi ben sa wani go doro nanga a takimakandra di wi ben abi a lasti leisi, foe di mi e sori soema na a sma di kan taigi wi san na a marki foe a libi. [Taki foe paragraaf 1 nanga 2 tapoe bladzijde 6 ini a Doel van het leven-brochure.] Openbaring 4:11 e tjari kon na krin taki Jehovah Gado na wi Kriaman. [Leisi.] Seiker a moesoe abi wan reide foe san ede a ben kria wi. Sma di wani kon sabi san na a reide dati, studeri a Wortoe foe Gado di skrifi, bijbel. Mi ben sa wani gi joe na okasi dati.” Tjari kon na krin fa wi e hori na oso-bijbelstudie foe wi foe soso, èn seti sani foe bigin nanga a studie.
6 A positief fasi disi ben sa kan trowstoe sma di lasi wan lobiwan na ini dede:
◼ „Mi e doe wan poebliki wroko gi a boen foe ala den sma di lasi wan lobiwan na ini dede. Foe di a sani disi kan de wán foe den moro moeilek sani di iniwan foe wi oiti sa kakafoetoe gi, meki den sreka a brochure disi, Wanneer iemand die u dierbaar is, sterft. A jepi miljoenmiljoen sma. Mi ben sa wani sori joe san a e taki foe wan toemoesi moi pramisi di Jesus Krestes ben gi. [Leisi a di foe feifi paragraaf tapoe bladzijde 26, so srefi Johanes 5:21, 28, 29.] Loekoe a prenki disi tapoe bladzijde 29 di e prenki na Evangelie tori foe na opo di Jesus ben opo Lasarus baka troetroe na dede. Efoe joe ben sa wani leisi a brochure disi di e gi trowstoe, mi ben sa prisiri foe libi en gi joe.”
7 Te joe e go baka, joe ben kan sori a prenki baka tapoe bladzijde 29 foe a brochure „Wanneer iemand die u dierbaar is, sterft” èn taki:
◼ „Joe e memre a takimakandra di wi ben abi foe na opo di Krestes ben opo Lasarus baka? [Leisi na ondro-edeprakseri tapoe bladzijde 28, èn loekoe a materiaal ondro na ondro-edeprakseri „Is het werkelijk gebeurd?” (A pasa troetroe?)] Efoe joe ati e angri foe bribi taki joe ben kan si wan lobiwan baka di dede, dan meki mi jepi joe foe poti bribi na ini a howpoe foe na opobaka.” Pristeri en wan oso-bijbelstudie.
8 Meki a de so, taki wi e doe moeiti na ini den moen di de na wi fesi foe waka baka Jesus foe „trowstoe ala den wan di e sari”—Jes. 61:2.