Njoen Kring-konmakandra programa

„Hori a dei foe Jehovah boen na prakseri” na a thema foe a toe-dei kring-konmakandra programa di e bigin na ini september (2 Petr. 3:12). A programa sreka foe meki wi kon froestan o prenspari a ten de. Heri esi den sma di e libi na grontapoe sa ondrofeni den kroetoe foe Jehovah. Soema sa pasa „a bigi dei foe Gado na Almaktiwan” libilibi? Soso den wan di e tan na ai na jejefasi èn di abi wan fasi foe libi foe ’tjari densrefi na wan santa fasi èn foe doe sani di e sori taki den gi densrefi na ini a dini foe Gado’.​—Openb. 16:14; 2 Petr. 3:11.

Te wan sma wani pasa a dei foe Jehovah libilibi, dan a de prenspari taki a teki dopoe (1 Petr. 3:21). Preikiman di wani teki dopoe na a konmakandra, moesoe taigi a fesiman opziener, di sa seti den sani di de fanowdoe.

Wan symposium di abi fo pisi, „Den sortoe sma di wi moesoe de”, sa sori krin sortoe sani wi moesoe doe foe hori a denoja foe a dei foe Jehovah boen na prakseri. A poeblikitaki, „Handri na wan koni fasi foe di a dei foe Jehovah e kon krosibei”, sa tjari kon na krin san a wani taki foe ’soekoe Jehovah, regtfardikifasi, nanga safrifasi’, foe kan pasa a dei foe Jehovah libilibi.​—Sef. 2:3.

A kring-konmakandra sa bosroiti nanga toe lezing di e gi deki-ati, di den kring-opziener o hori èn di nen: „A waarheid na a moro prenspari sani na ini joe libi?” nanga „Sreka sani na fesi nanga a dei foe Jehovah na prakseri”. Den lezing disi sa boeweigi wi foe ondrosoekoe a libi foe wi èn foe tjari iniwan kenki kon di de fanowdoe. Bijbel profeititori nanga den sani di e pasa na grontapoe e sori krin taki a dei foe Jehovah de krosibei. A konmakandra programa disi sa gi wi deki-ati foe ’hori wisrefi èn foe de na ai’ (1 Petr. 5:8). Sreka sani boen foe go ala toe dei.