A theokrasia diniwroko-skoro foe 1998

Foe de wan sma di kisi skoro wani taki foe „kisi leri noso foe oefen na ini wan spesroetoe sabi noso bekwaamfasi”. Nanga jepi foe a theokrasia diniwroko-skoro, wi oefen doronomo na ini a sabi foe Gado. So srefi a abi di wi abi wan prati na a skoro disi e meki wi e meki a bekwaamfasi di wi abi foe taki èn foe gi leri, go na fesi. A skoro programa foe 1998 sa gi wi foeroe okasi foe go moro na fesi na jejefasi.

Te joe e ondrosoekoe a schema foe a skoro foe a jari di e kon, dan joe sa si taki wanwan leisi Toewijzing nr. 3 sa abi en gron na tapoe a tori foe wan sma na ini bijbel soleki wi e feni dati na ini den Inzicht-boekoe. Moro fara, a Kolokoe osofamiri-boekoe poti toe na ini a schema foe 1998, èn Toewijzing nr. 3 nanga nr. 4 sa taki safrisafri foe a heri boekoe. Te a Kolokoe osofamiri-boekoe de a fondamenti foe Toewijzing nr. 4, dan wan brada moesoe hori en leki wan lezing gi a gemeente. Èn wi wani memre oenoe taki no wan sma na a skoroprograma moesoe pasa a ten di a kisi.

Wan njoen sani: Foe wi kisi wini gi wisrefi meki wan „Ekstra bijbel-leisi schema” poti na ini akamarki leti na baka a nomroe foe a singi foe ibri wiki. Ala di no wan pisi foe na alawiki skoro programa sa abi en gron na tapoe a schema disi, meki a de tokoe a marki foe joe foe gebroiki a schema disi. Disi sa jepi joe foe kisi a gwenti foe leisi bijbel ibri dei efoe joe no e doe dati kaba.

Te joe wani moro bodoi foe den toewijzing, den rai, nanga den schriftelijk overzicht, grantangi leisi finifini den bodoi na ini a „Schema gi a theokrasia diniwroko-skoro foe 1998”, èn so srefi bladzijde 3 foe Wi Kownoekondre Dienst foe oktober 1996.

Efoe joe no gi joe nen ete na ini a theokrasia diniwroko-skoro, wi e gi joe a kari foe gi joe nen nownow. Na aparti skoro disi e tan plèi wan prenspari ròl foe oefen sakafasi foetoeboi foe Jehovah di e gi densrefi na ini na anbegi, foe kon moro bekwaam leki dinari foe en.​—1 Tim. 4:13-16.