Den sma na wi sei moesoe jere a boen njoensoe
1 A de a wani foe Gado „taki ala sortoe sma moesoe kisi froeloesoe èn kon kisi wan soifri sabi foe waarheid” (1 Tim. 2:4). „Ala sortoe sma” ben sa wani taki, ala den sma na wi sei. Foe kan doro den nanga a boen njoensoe wani taki wi moesoe abi difrenti pristeri èn wi moesoe broko wi ede foe sabi san sa abi a belangstelling foe ibri sma di wi e miti (1 Kor. 9:19-23). Jehovah en organisâsi gi wrokosani di kan jepi wi foe doro den ati foe den wan di „abi a joisti jeje gi a têgo libi” (Tori. 13:48). Meki wi go loekoe fa wi kan gebroiki difrenti sortoe brochure na ini a moen juli nanga augustus foe taki foe den jeje nowtoe foe den sma na wi sei.
2 Brochure di wi o pristeri: Na ondrosei djaso joe sa feni rai di joe ben sa kan gebroiki te joe e pristeri spesroetoe brochure. Ibri rai abi na ini (1) wan aksi di e meki sma go denki èn e gi na okasi foe bigin wan takimakandra, (2) wan poeblikâsi di abi tori na ini di joe kan gebroiki gi wan takimakandra di de foe feni na ini a brochure, èn (3) wan bijbeltekst di fiti èn di ben sa kan leisi te a takimakandra e hori. Na a fasi fa a sma o piki joe, kan meki taki joe hori a pristeri nanga joe eigi wortoe go moro fara. Pikinmoro gi ala den brochure, den e kari wan uitgave foe Wi Kownoekondre Dienst di ben kon na doro kaba, pe joe kan feni pristeri di e gi moro finifini bodoi foe a brochure.
Bekommert God zich werkelijk om ons? (Troetroe Gado e broko en ede nanga wi?)
Sortoe howpoe joe denki de foe jepi sma di njan pina foe di sma no handri boen nanga den? — Bladzijde 27, 28, paragraaf 23-27; Jes. 65:17, 18; km 7/96 bladzijde 8.
Wat is het doel van het leven? Hoe kan men het vinden? (San na a marki foe a libi? Fa joe kan feni dati?)
Foe san ede a de leki foeroe sma na ini a ten disi no abi satisfaksi nanga a libi foe den? — Bladzijde 29-30, paragraaf 2, 25-26; Ps. 145:16; km 7/97 bladzijde 4.
Njan Boen Foe Têgo Foe A Libi Na Grontapoe!
Oiti joe ben aksi joesrefi san Jesus Krestes e doe now? — Prenki 41, 42; Openb. 11:15; km 8/96 bladzijde 8.
Na Tiri Di Sa Tjari Na Paradijs Kon.
Joe ben sa wani kisi sabi foe a Kownoekondre di Jesus ben leri wi foe begi gi dati? — Bladzijde 3; Mat. 6:9, 10; km 8/96 bladzijde 8.
Wanneer iemand die u dierbaar is, sterft (Te wan lobiwan foe joe dede).
Oiti joe broko joe ede fa joe kan trowstoe wan sma di lasi wan lobiwan na ini dede? — Bladzijde 26, paragraaf 2-5; Joh. 5:28, 29; km 7/97 bladzijde 4.
Moet u geloof stellen in de Drieeenheid? (Joe moesoe poti bribi ini a Dri-wánfasi?)
A de troetroe prenspari gi wi tamara taki wi froestan fa Gado de? — Bladzijde 3, paragraaf 3, 7, 8; Joh. 17:3.
3 Tra brochure: Na inlegvel foe Wi Kownoekondre Dienst foe februari 1998 e taki foe tra poe-blikâsi, brochure so srefi, di meki spesroetoe foe kan gebroiki te wi e gi kotoigi na boedasma, hindoesma, djoe, nanga moslimsma. Pe a fiti, wi kan pristeri den brochure disi na sma di wi e miti. Joe kan loekoe den rai baka na bladzijde 4-6 foe na inlegvel makandra nanga den bladzijde 21-24 na ini a Redeneren-boekoe èn meki sjatoe pristeri di ben sa kan wiki a belangstelling foe den sma disi.
4 Wan tra brochure sreka foe jepi sma di kande kisi hei leri ma den sabi pikinso nomo foe bijbel. A meki so taki a moesoe gi den deki-ati foe wani foe loekoe go na ini a Wortoe foe Gado. Pe a fiti, joe ben sa kan bosroiti foe pristeri den sani di e kon now:
Een boek voor alle mensen (Wan boekoe gi ala sma).
Joe ben sa agri taki a kisi foe wan heri boen skoroleri abi na ini toe a kisi foe pikinso sabi foe san skrifi na ini bijbel? — Bladzijde 3, paragraaf 1-3 nanga bladzijde 30, paragraaf 2; Preik. 12:9, 10.
5 Bijbelstudie brochure: A marki foe wi na ini a diniwroko moesoe de ala ten foe bigin wan bijbelstudie, efoe a kan na a fosi fisiti noso na wan foe den fisiti di wi o tjari baka. Èn dati meki, wi abi a brochure di wi kan gebroiki makriki foe bigin èn hori bijbelstudie:
San Gado e aksi foe wi?
Joe ben sa sabi taki dati na ini wan sjatoe ten foe 30 te go miti 40 miniti ini wan wiki gi so wan 16 wiki, joe kan kon froestan den gronprakseri foe bijbel? — Les 2, paragraaf 6; 2 Tim. 3:16, 17, km 3/97 bladzijde 4.
6 Ini na agersitori foe Jesus foe a Samariaman di ben tjari ensrefi leki a sma na a sei foe a trawan, a ben tjari kon na krin taki wan troetroe sma na wi sei, na wan sma di e sori lobi nanga switifasi foe jepi trawan na ini banawtoe (Luk. 10:27-37). Den sma na wi sei de na ini jeje banawtoe. Den moesoe jere a boen njoensoe. Meki wi teki a frantiwortoe foe prati en nanga den, èn na so fasi wi e boeweisi taki wi na opregti disipel foe Jesus Krestes. — Mat. 24:14; Gal. 5:14.