Gebroiki brochure foe wroko tapoe a jeje nanga na ati
1 A waarheid foe bijbel moesoe pristeri na so wan fasi taki a e wroko tapoe a froestan nanga na ati. Di Jesus ben e froeklari a waarheid gi den arkiman foe en, a ben soekoe tori foe taki makandra di den ben abi belangstelling gi èn di ben e boeweigi den (Luk. 24:17, 27, 32, 45). Efoe a diniwroko foe wi sa waka boen, e anga foe a moro bigi pisi foe a moeiti di wi e doe foe kon si den nowtoe na jejefasi foe den arkiman foe wi.
2 Brochure kan de wan heri boen wrokosani foe kan doro a froestan nanga na ati foe den sma di wi e miti ini a diniwroko. Prakseri na fesi soema sa arki a boskopoe di de na ini ibri brochure di wi sa pristeri na ini augustus:
— Bekommert God zich werkelijk om ons? (Troetroe Gado e broko en ede nanga wi?) Sma di no abi en so boen na ekonomia sei noso di ondrofeni rampoe sa warderi a boskopoe disi di e gi trowstoe ini a tori foe wan tamara di fri foe pina.
— Wat is het doel van het leven? Hoe kunt u het vinden? (San na a marki foe a libi? Fa joe kan feni dati?) Jongoe sma di e denki serjoesoe foe a tamara foe den sa kisi foeroe winimarki foe den piki di gron na ini bijbel èn di de foe feni na ini a brochure disi.
— Njan Boen Foe Tégo Foe A Libi Na Grontapoe! Den foeroe prenki nanga den tekst di den teki skrifi na ini, sa jepi den jongoe pikin nanga den sma di no man leisi so boen foe froestan den prakseri foe Gado.
— Na Tiri Di Sa Tjari Na Paradijs Kon. Iniwan sma di na a wan noso tra fasi e wroko na lanti ben sa kan doe wan sani na tapoe a boskopoe disi foe na fasi fa a Kownoekondre foe Gado sa loesoe den moeilek problema foe libisma.
— Wanneer iemand die u dierbaar is, sterft (Te wan lobiwan foe joe dede). Foeroe driktoro foe beri orga sa warderi en efoe den kan abi wan toe foe a brochure disi foe gi famirman di sari e moro den. Preikiman di e gi kotoigi na beripe e gebroiki a brochure disi foe gi den sma di e sari trowstoe. Toe sisa ben waka go miti wan famiri foe seibi sma di ben e begi na wan grebi. Leki wan bakapisi foe a prati di den prati a trowstoe boskopoe foe a brochure nanga den, wan bijbelstudie ben opo na a mama a tra dei!
—Moet u geloof stellen in de Drieëenheid? (Joe moesoe poti bribi ini a Dri-wánfasi?) Wan troetroe kerkisma ben sa kan doe wan sani na tapoe waarheid di de foe feni na ini a brochure disi di abi troetroe finifini boeweisi foe sani di e poeroe troe tori kon na doro foe a fondamenti leri disi foe krestenhèit.
3 Kon sabi ibriwan foe den brochure èn teki a fasti bosroiti fa foe gebroiki en na a moro boen fasi na ini a kontren foe oenoe. Foe kan feni pristeri di den ben gi leki bodoi, joe kan loekoe na a baka bladzijde foe na uitgave foe Wi Kownoekondre Dienst foe juli 1998. Meki Jehovah blesi a moeiti foe joe foe doro a jeje nanga na ati foe sma. — Mark. 6:34.