Aksi boksoe

◼ A fiti te now ete foe hori wan oso-bijbelstudie, te wan memre foe a dienstkomte foe a gemeente e aksi wi foe doe dati, nanga wan brada noso sisa di de inaktief?

Den owroeman abi a frantiwortoe foe wei a gemeente, so srefi gi iniwan memre di kon de inaktief. Den e fisiti den sma disi èn e bepaal sortoe jepi den sortoe sma dati srefi abi fanowdoe. Pe dati de fanowdoe, disi ben sa kan wani taki foe pristeri a sma di de inaktief den winimarki foe wan bijbelstudie. Georganiseerd om onze bediening te volbrengen (Orga foe doe wi diniwroko) bladzijde 105 e froeklari taki a dienstkomte foe a gemeente ben o teki a bosroiti soema ben sa kisi den winimarki foe so wan sortoe seti.

A dienstopziener kan bepaal soema ben sa kan gi a jepi dati, sortoe tori moesoe studeri èn sortoe poeblikâsi ben sa man gi a moro boen jepi. Kande a sma di studeri biginbigin nanga en noso wan sma di a sabi èn di en abi lespeki gi, ben sa de a joisti sma foe kan gi jepi. Wan sisa di bekwaam èn di lepi kan kisi na aksi foe a jepi wan sisa di de inaktief. Foeroetron a no ben sa de fanowdoe taki wan tra preikiman e go nanga a sma di kisi a toewijzing foe hori a studie. Te a kisi a toewijzing, dan a preikiman di e hori a studie mag teri a ten, den gobaka nanga a studie. — Loekoe Wi Kownoekondre Dienst foe december 1987, bladzijde 2.

Foe di a studenti na wan dopoe sma, dan moro foeroe a studie no abi foe go nanga langa. A marki na foe jepi a sma di de inaktief foe bigin fisiti ala gemeente konmakandra agen èn foe tron wan gemeente preikiman di e preiki a boen njoensoe doronomo. A dienstopziener sa iti wan ai tapoe a go na fesi foe den sortoe studie dati. A bakapisi foe a lobi-ati fasi foe jepi disi moesoe de taki den brada nanga sisa ben sa man tjari den eigi lai foe frantiwortoe na fesi Jehovah èn „meki roetoe èn kan kon stanfaste” na ini waarheid. — Ef. 3:17; Gal. 6:5.