Joe abi wan fasti nomroe foe tijdschrift di joe e teki doronomo?
1 Oiti joe go na wan velddienst konmakandra èn joe si taki joe no ben abi tijdschrift na ini joe tas? We, memre na inlegvel foe Wi Kownoekondre Dienst foe september 1995 nanga a nen: „Gebroiki den tijdschrift foe wi na a moro boen fasi.” Na artikel ben taki dati wi moesoe „teki wan fasti nomroe foe tijdschrift”, èn na inlegvel ben taki: „Teki wan fasti nomroe foe ibri tijdschrift, taigi a brada di e loekoe a tori disi foe den tijdschrift, èn sorgoe taki a nomroe foe tijdschrift di joe teki na wan nomroe di joe kan gebroiki. Na a fasi disi, joe nanga joe osofamiri sa abi nofo tijdschrift ala ten baka.” Joe doe disi kaba?
2 Foe san ede joe no e aksi foe kisi wan fasti nomroe foe tijdschrift? Joe sa firi wan moro bigi frantiwortoe foe prati den tijdschrift ibri wiki, èn te joe e doe disi, dan joe sa prisiri moro. Efoe joe abi wan fasti nomroe kaba foe tijdschrift di joe e teki, dan go loekoe baka efoe joe e kisi den tijdschrift di joe abi fanowdoe ibri moen. A no de foe taki, dati wi wani teki wi tijdschrift na wan getrow fasi ibri wiki, èn wi moesoe froeplekti wisrefi foe doe dati. Efoe joe no sa de na ini a gemeente wan langa pisi ten, dan taigi a dinari di e sorgoe foe den tijdschrift efoe a moesoe gi den tijdschrift foe joe na wan tra sma te leki joe kon baka.
3 A srefi inlegvel di kari na tapoesei ben taki toe dati wi moesoe ’poti wan spesroetoe dei na ini wi schema pe wi e doe tijdschriftwroko nomo’. Joe kan horibaka gi a spesroetoe dei ini a wiki di poti foe doe tijdschriftwroko? Soleki fa dati sori na tapoe a Kalender van Jehovah’s Getuigen 1999, dan disi e doe ibri satra foe a jari! Wi no moesoe si a wroko foe prati A Waktitoren nanga Ontwaakt! leki wan pikin sani. Te wi e meki moeiti foe abi wan prati dorodoro na a tijdschriftwroko, dan wi e „tjari boen njoensoe kon foe wan moro boen sani” na den sma na wi sei.—Jes. 52:7.