Sani di yu kan fruteri fu den tijdschrift

A Waktitoren 15 mrt.

„Yu no denki taki grontapu ben o de wan moro switi presi fu libi efu wi ben abi tiriman di e tiri na wan regtfardiki fasi? [Gi a sma na okasi fu piki.] We, luku san Bijbel e pramisi wi. [Leisi Psalm 37:11.] Wan fasi de fa wi kan nyan bun fu a vrede dati. A sa kon na a ten te wan tumusi bun Tiriman o tiri grontapu. Den pisi tori disi o fruteri yu suma na a tiriman dati.”

Ontwaakt! 22 mrt.

„Na ini a ten disi furu sma e dede na ini gronseki. Boiti dati, den gronseki disi e pori bun furu sani tu. Furu sma di e libi pasa den sortu rampu disi e lasi na oso fu den èn den no abi noti moro fu man seti den libi baka. Na Ontwaakt! disi e sori fa son sma ben man libi nanga den takru bakapisi fu wan gronseki. A e sori tu taki na ini Bijbel yu abi wan prenspari profeititori di e taki fu den gronseki disi.”

A Waktitoren 1 apr.

„Mi wani sori yu wan tumusi moi sani na ini Bijbel di e naki wi ati trutru. [Leisi Mateyus 22:37.] San yu denki taki dati wani taki? [Gi a sma na okasi fu piki.] Luku na artikel disi: ’Suku Gado nanga yu ati èn nanga yu frustan’. San na trutru bribi? A de wan sani fu na ati nomo, noso a abi fu du nanga wi frustan tu? Na artikel disi sa yepi yu fu frustan a pisi tori disi moro bun.”

Ontwaakt! 8 apr.

„Neleki fa yu sabi, dan a no makriki fu sorgu gi wan osofamiri na ini a ten disi. Èn spesrutu gi wan mama a sani disi na wan hebi wroko. Na Ontwaakt! disi e taki fu wan moi tori di nen, ’Vergt het moederschap een supervrouw?’ (Fa yu e si a wroko fu wan mama? Wan sma musu abi tumusi aparti krakti fu man du dati?) Mi wani libi a tijdschrift disi gi yu.”