A Theokrasia Diniwroko-skoro fu 2004
1 Yehovah e gi mofinasma den wrokosani fu du wroko di prenspari gi heri grontapu. Wán fasi fa a e du disi de nanga yepi fu a leri di wi e kisi ibri wiki na a Theokrasia Diniwroko-skoro. Yu e du ala san yu man fu teki prati na a skoro disi? Na ini yanuari 2004 wan tu sani o kenki fu meki den sma tapu a skoro kisi moro wini srefi fu a seti disi.
2 Difrenti sma kan yepi a skoro-opziener: Den brada di e hori instruktielezing nanga den edepenti fu Bijbel, e warderi a rai di den kisi fu a brada di e yepi a skoro-opziener. Efu nofo owruman nanga ondrofeni de na ini den gemeente, dan ibri yari wan tra brada kan kisi a wroko disi fu gi rai. Na a fasi disi a wroko e prati, ma san de moro prenspari na taki owruman nanga dinari ini a diniwroko di abi ondrofeni, sa kisi wini te den e kisi rai fu difrenti bun takiman nanga leriman.
3 Schema fu den takimakandra fu luku baka san wi leri: Te a gemeente fu yu abi wan Kring Konmakandra na ini a wiki te wan takimakandra fu luku san wi leri musu hori, dan a takimakandra (nanga ala den tra pisi fu a schema fu a wiki dati) musu skoifi go na a wiki baka a Kring Konmakandra. A schema fu a wiki baka a Kring Konmakandra musu hori na ini a wiki fu a Kring Konmakandra. Ma a no de fanowdu fu kenki ala den tu schema te a takimakandra fu luku baka san wi leri de na ini a wiki te a kringopziener de na ini yu gemeente. Na presi fu dati, a singi, den penti fu leri taki moro bun, nanga den Bijbel edepenti musu pristeri soleki fa a schema e sori. Na instruktielezing (di e hori baka den penti fu leri taki moro bun) musu teki puru fu a schema fu a wiki di e kon. Baka den edepenti fu Bijbel, dan wan Diniwroko Konmakandra fu wan afu yuru sa hori, di kan kenki so taki dri pisi fu 10 miniti noso tu pisi fu 15 miniti sa hori. (A pisi fu Wan tu sani no musu hori.) Baka a Diniwroko Konmakandra dan wan singi sa singi èn dan a kringopziener sa hori wan lezing fu wan afu yuru. Na a Theokrasia Diniwroko-skoro fu a wiki di e kon, dan den penti fu leri taki moro bun, nanga den edepenti fu Bijbel sa hori soleki fa a schema e sori, èn baka dati a takimakandra fu luku baka san wi leri sa hori.
4 Gebroiki ibri okasi fu gro na yeye fasi. Fu di yu e kisi wini fu den sani di yu e leri na a Theokrasia Diniwroko-skoro, meki yu e gi a gemeente deki-ati, te yu e teki prati na a kontru fu Bijbel profeititori, èn te yu e prèise a Skrifiman fu a moi boskopu di wi musu meki bekènti.—Yes. 32:3, 4; Openb. 9:19.