Aksi di opo kon

◼ Fa sma kan kisi A Waktitoren nanga Ontwaakt!?

Ala preikiman musu teki den tijdschrift nanga den cassette, na ini a gemeente fu den. Ma den tijdschrift di skrifi na ini Braille (a fasi fa sma e skrifi sani gi breni sma so taki den kan leisi nanga den finga) èn den cassette gi breni sma, wi e seni go na a oso fu den sma disi, sondro fu aksi moni fu dati. Hori na prakseri taki den gemeente kan seni aksi den tijdschrift nanga den cassette nanga yepi fu a papira di nen Aanvraag van gemeente (M-202). Na srefi fasi, den kan seni aksi den tijdschrift di skrifi nanga bigi letter èn den tijdschrift di skrifi na ini wan tra tongo .

Efu wan sma na ini a kontren fu yu wani kisi den tijdschrift doronomo, dan grantangi, meki muiti fu tyari den gi a sma wantewante so taki a sma no misi no wan fu den tijdschrift. Den sma di puru fu a gemeente kan teki den tijdschrift, noso tra publikâsi di densrefi o gebroiki, na a tijdschrift tafra èn na a tafra pe sma kan teki den tra publikâsi na ini a Kownukondre zaal. Preikiman no musu tyari tijdschrift gi den sma di puru fu a gemeente.

Den wan-enkri abonnement di a bijkantoro sa seni, na gi den sma di no man kisi den tijdschrift nanga yepi fu den preikiman na ini wan gemeente. Efu a Dienstkomte fu a gemeente teki a bosroiti fu seni aksi wan abonnement gi wan sma di no man kisi den tijdschrift na wan tra fasi, dan a sekretarsi musu seni wan syatu brifi tu pe a e sori taki a Dienstkomte fu a gemeente luku a tori, èn den ben feni en bun.

Disi wani taki dati preikiman no kan skrifi go na a bijkantoro fu aksi den eigi abonnement. Efu preikiman, noso sma di wani sabi moro, e seni brifi go na a bijkantoro pe den e aksi fu wan abonnement, dan a bijkantoro sa seni a brifi go baka na a gemeente.

◼ Fa wan strafuman kan kisi den tijdschrift?

Efu a gemeente di seti sani fu preiki na wan strafu-oso kan tyari den tijdschrift gi den strafuman drape, dan wan strafuman kan teki den Waktitoren nanga Ontwaakt! na wan preikiman di e preiki drape. Efu dati no kan, dan a strafuman kan seni wan brifi go na a bijkantoro pe a e aksi fu wan abonnement. Grantangi hori na prakseri taki sma di puru fu a gemeente èn di de na ini strafu, kan kisi den tijdschrift soleki fa skrifi na ini a paragraaf disi.