A nyun kring konmakandra programa

A grontapu wani meki wi bribi taki a seti fu sani disi sa tan fu têgo. Ma Gado Wortu e fruteri wi wan tra sani (1 Yoh. 2:15-17). A e yepi wi fu frustan taki a de wan soso sani fu kibri gudu na grontapu. Fu gi a pipel fu Gado deki-ati, meki a kring konmakandra fu a dienstyari 2007 abi a nen: „Kibri . . . gudu na ini hemel”.—Mat. 6:19, 20.

Efeisesma 2:2 e taki fu wan „krakti di e tiri sma denki, namku a yeye di e wroko now na ini den sma di e trangayesi Gado”. A krakti disi abi fu du sosrefi nanga a denki di sma e denki gudu nomonomo. Neleki fa a loktu di sma e bro de na ala sei fu grontapu, na so „a yeye fu grontapu” de na ala sei fu a sistema disi (1 Kor. 2:12). Fu di a yeye disi abi furu krakti tapu sma, meki Bijbel e taki dati a abi „makti”. A nyun kring konmakandra programa sa yepi wi fu wai pasi gi a denki fu grontapu fu feti baka gudu, èn fu tan poti prakseri na den moro prenspari sani (Mat. 6:33). Boiti dati, a programa sa yepi wi fu frutrow tapu Yehovah te wi e du a diniwroko fu wi, awansi wi abi fu du nanga kwinsi èn nanga tesi.

Sorgu taki yu e go na a konmakandra ala tu dei, èn taki yu e ’poti moro prakseri leki san yu gwenti’ (Hebr. 2:1). Skrifi syatu na tapu papira san na den penti di yusrefi kan gebroiki na ini yu libi èn na ini yu diniwroko. Te yu e go na a moi yeye programa disi fu a bigin te go miti a kaba, dan yu sa kisi deki-ati nanga krakti fu tan ’kibri gudu na ini hemel’!