Yu kan du moro na ini a preikiwroko?
1. San de tranga fanowdu na ini a preikiwroko, èn fu san ede?
1 Di Yesus ben si taki furu sma ben wani kon sabi moro fu a bun nyunsu fu a Kownukondre, dan a taigi den disipel fu en fu „begi a Masra fu a kotiwroko meki a seni wrokoman fu go du a kotiwroko fu en” (Mat. 9:37, 38). Fu di dyonsro a kotiwroko o kaba, meki a de tumusi prenspari now fu du a wroko disi. Disi wani taki dati wi musu go prakseri èn begi fu luku fa wi kan du moro na ini a preikiwroko.—Yoh. 14:13, 14.
2. San son sma du fu di moro wrokoman de fanowdu na ini a kotiwroko?
2 Du moro na ini a preikiwroko: A tiri nanga a yepi di Yehovah e gi, meki taki furu sma ben man bigin du a pionierwroko (Ps. 26:2, 3; Fil. 4:6). Sonwan ben du spesrutu muiti fu dini leki yepi-pionier wán mun, noso moro mun na ini a yari. A sani disi meki taki den ben man du moro na ini a preikiwroko. A prisiri di den sma disi kisi fu di den du a yepi-pionierwroko, meki taki furu fu den go prakseri fu du a gewoon pionierwroko.—Tori. 20:35.
3. Efu yu ben pionier fosi, dan san yu kan prakseri fu du now?
3 Yu kan pionier baka?: A no de fu taki dati efu yu ben dini fosi leki wan pionier, dan yu kan memre moi sani ete di yu ben ondrofeni. Yu go prakseri efu yu kan pionier baka, èn yu begi fu a tori dati? Kande a situwâsi di ben meki taki yu tapu nanga a pionierwroko, kon kenki. Kande a ten doro gi yu fu abi a spesrutu grani disi baka.—1 Yoh. 5:14, 15.
4. Sortu spesrutu okasi de gi wi alamala?
4 A kotiwroko doro moi fara kaba, èn heri esi a o kon na wan kaba (Yoh. 4:35, 36). Meki a de so taki wi alamala go luku a situwâsi fu wi now, fu si efu wi kan tyari wan tu kenki kon, so taki wi kan du moro na ini a preikiwroko. Noso efu wi si taki trutru wi no man du moro na ini a preikiwroko, dan wi kan luku fa wi kan du en moro bun, a no so? (Mark. 12:41-44) A de trutru wan bigi grani taki Yehovah e gebroiki ala den sma di abi na okasi fu pionier, fu du a spesrutu wroko disi!—Ps. 110:3.