Kisi ala winimarki foe na Wachttoren nanga na Ontwaakt!
1 Den e tan hori den grontapoe sani di e psa leki wan kontroe foe bijbel profétitori na ai. Den no e tan loekoe den frafra, ma den e tan sori tapoe den moro dipi méne foe den sani di psa ini a ten disi. Den e sori tapoe na bijbel èn fa wi kan kakafoetoe gi den problema foe a ten disi. A moro prenspari sani de taki den e bow fertrow ini Jehovah èn en troe organisaatsi na grontapoe. Dati na san Na Wachttoren nanga Ontwaakt! e doe. Joe e kisi ala den winimarki foe den tijdschrift disi?
FA WI E KISI DEN WINIMARKI FOE DEN
2 Efoe wi abi wan persoonlek abonnement, wi de séker taki wi e kisi ibri tijdschrift bifo na dé tapoe san den e kon na doro, sodati wi kan lési den finifini bifo wi pristeri den na ini na veld. Den tijdschrift e seni kon na oso, na wan regelmatigfasi nanga, sowan ibritron wán ibri wiki. Nanga disi wi e kisi wan alaten sorgoe foe jeje njanjan èn wi e si ooktoe na okasi foe meki wi lési programma de ini balans. Ooktoe pikinnengre kan kisi winimarki foe den persoonlek abonnement. Efoe joe no teki abonnement ete, prakseri srefi a wiki disi tranga foe disi.
3 Na kisi foe ibri uitgave e wiki wan séker firi foe froewakti wan sani. Ma dan? Joe e drai den bladzijde foe a tijdschrift nomo foe loekoe den titel nanga den prenki, noso joe e sidon foe awasi na wan noso toe artikel joe e lési wantenwanten èn den trawan sodra joe feni a ten foe doe so?
4 Ini Na Wachttoren den e ferklare nofotron njoen fasi foe si sani noso den e loekoe wan tori foe wan tra oekoe. Ooktoe sontron den e ferklare njoen gemeente regeling. Den prenspari bodoi disi kan tanapoe na ini soboen den studie-artikel leki ini den sokari bij-artikel. Joe e meki van notitsi foe njoen punt èn tra prenspari bodoi foe joe kan gebroiki den bakaten? Joe e kibri wan eksemplaar foe ibri uitgave gi joe persoonlek bibliotheek? Disi e gi joe moro warderi foe den bigi goedoe disi foe bodoi di e bow joe, Na Wachttoren nanga Ontwaakt!
5 Efoe wi abi na persoonlek overtoigi foe na prenspari warti foe den tijdschrift disi èn wi ben kisi ala den winimarki foe den foe di wi srefi e lési den, wi sa pristeri den nanga wan opregti èn overtoigi faja na tra sma. A Genootschap ben poti foe dat’ede foe na pristeri foe den tijdschrift spesroetoe dé na wan sé, spesroetoe na di foe toe nanga di foe fo satra foe ibri moen, ala di ooktoe baka someni ten wan spesroetoe moen noso spesroetoe moen e poti na wan sé foe pristeri abonnement. Wi kan taki nanga ala overtoigi taki den de wan enkri tijdschrift na grontapoe di e sori na pasi foe kisi libi. Kande foeroe sma moro sa kisi ala winimarki foe Na Wachttoren nanga Ontwaakt! efoe den e gi jesi na wi kari foe abonneer densrefi.