Na grani foe tjari a nen foe Jehovah
1 Fa disi de wan grani dati wi e tjari a nen Jehovah Kotoigi! Wi abi prisiri foe disi dati wi sabi Jehovah èn dati a e erken oenoe leki sma di e respeki en nen èn e gi jesi na en wet. Wi no firi wisrefi boen foe di wi de wan pisi foe den wéniki sma na grontapoe di teki na sé foe na Moro Bigi Sma foe na universum?
2 Foe wi kan tjari a nen foe Gado na wan wartifasi, dan wi moe sori taki wi e ferstan krin san a nen dati wani taki. Leki wan eksempre, wi e erken taki Gado abi wan gran prakseri. San en taki sa psa (Jes. 55:11). A bijbel sori taki alaten Jehovah ben hori en wortoe èn foe dat’ede meki wi e fertrow krinkrin a tapoe dati ala sani sa kon troe dorodoro foe en prakseri nanga a ten di e kon.
3 Tjari a nen foe Jehovah wani taki toe taki wi leri sabi en égifasi èn dati wi go lobi den. Efoe wi e jere en nen dan wi e denki foe en sari-atifasi, boen-ati, pasensi, lobi boenfasi nanga waarheid (Ex. 34:6). Na a fosi presi a de wan Gado foe lobi. Jezus ben taki dati a ben meki Jehovah nen bekenti na en bakaman. Foe san-ede? Sodati den ben kan ondrofeni Gado lobi (Joh. 17:26) Tjari en nen na wan wartifasi, abi na ini soboen taki wi e waka na baka Jezus èn wi e sori en égifasi ini wi libi. — Joh. 13:35.
BAKAPISI FOE NA TJARI FOE NA NEN NA WAN WARTIFASI
4 Efoe wi e dini Jehovah nanga wi heri ati dan trawan e si na positieve fasi fa disi e wroko. Den e si oenoe leki wan kolokoe, sondro frede pipel, di de ini wanfasi foe na troe anbegi, ini ala kondre. Wi de fri foe drugs èn hoeroelibi. Den osofamiri foe wi nanga trowlibi foe a moro bigi pisi de kolokoe leki a bakapisi foe di wi e poti bijbel gronprakseri na ini wi libi. Foeroe wrokobasi moro foeroe lobi foe gi Jehovah Kotoigi wroko foe di den de eerlek èn den no e foefoeroe. Foeroe foe den ben gafa oenoe na publiki foe di den e si taki wi de tra fasi leki trawan ini na grontapoe. (Loekoe w83 1/9, blz. 11; w84 1/1, blz. 7; g82 22/1, blz. 14, 15.) Wi kristen fasi foe tjari wisrefi e hari opregti sma kon na Jehovah.
5 A moro bigi bewijsi foe wi respeki gi Jehovah nen de na préki di wi e préki a boen njoensoe foe en Kownoekondre. Njoensoe di e gi dek’ati di e komoto foe na heri grontapoe e sori taki Gado pipel e teki wan faja prati na ini na prékiwroko disi. Moro nanga moro prékiman e meki moeiti foe doe na jepi- nanga gewone pionierwroko. Joe ben tesi na prisiri foe so wan dienst kaba? Efoe dati no de so, joe kan doe wan sani na dati?
6 No las’ati efoe joe omstandigheden e hori joe na baka foe doe net someni leki trawan di de moro tranga na skinsé èn abi moro mendri sani di e tapoe den ini mogelijkheden foe den. Jehovah nen e kisi grani efoe ibriwan sma e doe san a kan. Dati wi e tanapoe nanga wi heri ati na baka na prékiwroko, e sori taki wi e warderi Gado lobi èn dati wi wani gi en grani.
PRISTERI ABONNEMENT
7 Na tijdschrift Na Wachttoren de troetroe wan bigi jepi foe meki Jehovah nen bekenti na tra sma. Den 105 jari di psa a ben gebroiki foe barwroko gi Jehovah Kownoekondre. A de wan krakti wrokosani, di wi kan gebroiki ini maart. A moen disi wi e pristeri wan abonnement tapoe Na Wachttoren foe Sf 7,00. Wi ben sa kan pristeri wan abonnement tapoe Na Wachttoren èn Ontwaakt! foe Sf 14,00. Sori na joe pristeri tranga na tapoe na waarde foe den, bijbel bodoi foe na ten disi ini den tijdschrift disi. Na faja foe joe kande kan meki sma di abi boen jeje fasi teki wan abonnement.
8 Den sma di e teki wan abonnement noso e teki loesoe eksemplaar, abi na okasi foe leri moro foe Jehovah èn leki fa wi e howpoe kande den toe te foe kaba kan abi na grani foe tjari a nen foe Jehovah. — Rom. 10:13.