Belangstelling gi spesrutu tijdschrift
1 Den uitgave fu april nanga mei fu Na Waktitoren nanga Ontwaakt! sa tyari tumusi bun artikel di de prenspari gi ala sma di e suku wan koloku tamara. Gi den uitgave fu 1 nanga 15 april fu Na Waktitoren fu eksenpre den tori na: „Suma sa tyari na libisma famiri go na vrede?” èn „Vrede na a heri grontapu — San a wani taki trutru?” Pikinso sma nomo sabi den yoysti piki tapu den aksi disi. Ma Yehovah . . . seykerfasi (Amos 3:7). Milyunmilyun opregti-atiwan sa wani wan waarheidkotrow piki.
2 Den Ontwaakt-uitgave gi april nanga mei sa abi den tori disi na ini: „San na den fruwakti fu wan moro langa libi?”, „Wan krin grontapu — Yu sa ondrofeni en?” èn “Wan grontapu sondro fetisani — Dati kan?” Yu e agri taki den sma na ini unu kontren musu kisi na okasi fu leysi den uitgave disi?
ABI WAN MORO BIGI PRATI
3 Now wi musu meki plan fu abi wan dorodoro prati na a prati fu ala den spesrutu uitgave disi di e kon na ini april nanga mei. Fu san-ede yu no e seti sani fu gi moro ten leki san yu gwenti na a prati fu tijdschrift? Nanga den sortu tori disi, di den e taki fu den na a reti ten, wi kan pristeri den tijdschrift nanga frutrow èn faya.
4 San sa yepi wi fu meki na prati fu den tijdschrift fu wi kon moro furu? Fu bigin dan wi musu leysi den tijdschrift finifini. O moro bun wi sabi den tijdschrift, o moro bigi na faya fu wi sa de fu pristeri den. Aladi wi e leysi wi musu pruberi fu feni penti na ini difrenti artikel fu tyari kon na fesi. San tanapu na ini ibri artikel di ben sa kan hari na prakseri fu spesrutu sortu sma? Wi kan aksi wi srefi: ’Suma ben sa warderi den artikel disi srefisrefi? San ben sa de moy gi wan birti sma, wan mati, wan bisnisman, wan studenti, èn so moro fara?’ Fu de trutru tumusi bun dan wi srefi musu man fu rikomanderi den tijdschrift fu di wi sabi den artikel di ben kon na a reti ten èn nyanbun fu den.
POTI WAN MARKI GI YU SREFI
5 Sonwan wani poti kande gi den srefi wan marki gi na prati fu tijdschrift na ini april nanga mei. Efu yu e du dati, sorgu dan taki yu aksi fu wan moro hey tijdschrift bisteri di e kruderi nanga na marki di yu poti. Disi musu du wantewante, spesrutu efu yu abi plan fu tanapu na ini na yepi-pionierwroko na ini den mun disi. Na a fasi dati na gemeente kan bisteri moro tijdschrift moy langa na fesi so taki den sa de te yu abi den fanowdu.
6 A no de fu taki taki sey na oso-fu-oso diniwroko furu fasi de fu prati tijdschrift. Wi kan pristeri tijdschrift na a stratiwroko èn na bisnis fisiti. Furu brada nanga sisa bow tijdschriftroute. Den moro nyun uitgave kan libi na baka te wi e tyari gobaka na sma di ben sori belangstelling. Preyki na okasi de so srefi wan tumusi bun fasi fu prati tijdschrift. Sontron soso na sori fu na fesisey pisi di e hari sma prakseri de nofo fu bigin wan takimakandra ofu fu prati den.
7 Hori na prakseri taki wi tijdschrift de trafasi. Den e sori na pasi go na vrede, koloku nanga têgo libi (Yoh. 17:3). Meki fu dati-ede now plan fu prisiri na ini aktiviteit di kon moro furu nanga den spesrutu artikel di sa tyari kon a doro na ini den uitgave fu april nanga mei fu Na Waktitoren nanga Ontwaakt!