Gi Yeyses Krestes grani — Na fondamenti fu wi bribi
1 A de tumusi prenspari fu abi wan yoysti frustan fu na ròl di Yeyses Krestes e prey ini na kon tru fu den prakseri fu Yehovah. Yeyses ben gi en libi leki wan frulusu payman gi na libismafamiri di e gi yesi (Mat. 20:28). Sondro na lobi seti fu Yehovah nanga yepi fu Yeyses Krestes wi ben sa de te now ete na ini wan situwâsi di e tyari dede kon, sondro howpu gi a tamara.
2 Spesrutu a ten krosibey fu Memrefesa wi e go prakseri fu Yeyses libi, en leri nanga en ofrandi (Luk. 22:19). Fu di wi e warderi taki ’Gado e rikomanderi en eygi lobi gi wi na ini disi, taki Krestes dede gi wi ala di wi ben de sondari ete’, meki dati e gi wi deki-ati fu gi grani na Gado nanga Krestes fu di wi e prati fayafaya na bun nyunsu nanga trawan. Fa wi kan du disi?— Rom. 5:8, 10.
SORI TANGI
3 Wi e erken taki Yehovah organisâsi di sma ay kan si e wroko ondro na tiri fu Yeyses. Dyaso na grontapu na kotrow srafu grupu e gi unu na fanowdu yeye nnyan. Sensi en yongu yari Yeyses ben sori wan dipi warderi gi na Wortu fu en Tta, èn wi wani waka baka en eksenpre fu di wi e studeri èn e teki ini wi na yeye nnyan di den e gi, fu kan leri trawan nanga bun bakapisi (Mat. 24:45, 46; Luk. 2:46-50). Wi kan sori wi tangi gi na organisâsi èn den yeye sani di a e gi, fu di wi e du san a e sori wi èn e wroko makandra nanga den owruman.
4 Wi kan gi Krestes grani tu èn gi wi diniwroko moro prisiri fu di wi e du san wi e leri fu Gado Wortu. Yeyses ben de wan heypristri di noti ben de fu feni na en, „aparti fu den sondari” (Hebr. 7:26). A no ben meki fowtu fu taki na wan sani èn du na trawan. Leki konpesrafu wi musu libi akruderi a srefi hey markitiki disi. Sobun efu wi e fruteri trawan fu na regtfardiki nyun seti di Gado pramisi, dan wi wani taki wi libifasi tyari kon na ini akruderi nanga na nyun grontapu dati. — Mat. 7:21; 1 Yoh. 2:17.
PREYKI NA ONDRO NA TIRI FU KRESTES
5 Ini mei nanga yuni wi sa pristeri wan abonnement tapu Na Waktitoren. Wi kan gi Yeyses grani fu di wi e sori sma di sa tron leysiman ini na ten di e kon taki na marki fu Na Waktitoren, so leki fa dati skrifi na tapu bladzijde 2 fu ibri tijdschrift, de fu gi sma deki-ati fu sori „bribi ini na Kownu, Yeyses Krestes, di e tiri now, di na brudu fu en di ben trowe e opo na pasi gi têgo libi gi na libismafamiri”. Sorgu taki, awansi oten a man srefi, fu pristeri fosi na abonnement. Efu den no teki na abonnement, yu kan pristeri tu tijdschrift nanga wan brochure, so taki yu e say wantu waarheid siri.
6 Wan bigi ipi fu sma di no de Kotoygi ete, e sori lespeki gi Yeyses fu di den e fisiti na Memrefesa. Den sma disi ben sa kan kisi yepi fu go moro na fesi tapu yeye kontren nanga yepi fu wan osobeybristudi? A ben sa bun fu de seyker taki wan sma e fisiti den èn e gi den na yepi di den abi fanowdu. Nanga yepi di furu nanga lobi dan bifosi na tra fesa fu na Avondmaal fu Masra, sonwan ben sa kan de so fara taki den e teki prati na a diniwroko.
7 Fa wi de grantangi gi na lobi ofrandi fu wi frulusuman, Yeyses! A gi wi wan howpu di wi kan frutrow na tapu. En moderi fu libi èn na tori fu en diniwroko e dini leki wan volmaakti eksenpre gi wi fu waka na en baka.