Doe wi Kownoekondre-diniwroko nanga jepi foe na Index
1 Leki kresten di gi den srefi abra wi e doe opregti moeti foe doe wi diniwroko. Foe jepi wi nanga disi, Jehovah e gi tiri èn deki-ati pasa marki ini na fasi foe wan bigi bibliotheek di foeroe nanga warti publikâsi. Wi kan meki moro betre gebroiki foe en? Wan jepi di boen srefisrefi gi disi na a Watch Tower Publications Index di bigin foe 1961 tjari doronomo kon a doro ini difrenti tongo. Na ini Bakratongo wi abi now na Index 1981-1985, na pisi foe 1986 èn na Index foe bijbel tekst 1946-1985 (Bakratongo).
2 Fa na Index kan jepi joe foe doe joe diniwroko? Foedi a e sori joe na pasi go na den toemoesi boen rai èn froeklari di gi kaba. Na Index meki nanga ini prakseri na bradafasi na a heri grontapoe. Foe pikin te gran papa nanga gran mama, foe njoen bijbelstudie te owroeman, alamala kan feni bodoi di den abi fanowdoe gi ibri boen prakseri.
FA FOE FENI SAN JOE ABI FANOWDOE
3 Efoe joe wani sabi san wan bepaalde vers ofoe wan heri ipi vers wani taki, dan a moro boen foe loekoe fosi na Index foe bijbel tekst (Bakratongo). Wan sma gebroiki Johanes 10:30 ini wan moeiti foe boeweisi na leri foe na Driwánfasi? Na Index foe bijbel tekst (Bakratongo) sa meki joe si pe joe kan feni materiaal di e meki kon a krin foe san-ede Jesus gebroiki den wortoe dati. Na Index foe bijbel tekst (Bakratongo) sa meki wi eigi bijbel leisiprograma kon abi moro goedoe te wi e soekoe den froeklari foe den vers di wi no e froestan ofoe di gersi frafra gi wi.
4 Na index foe tori e sori sma difrenti pasi foe kan feni den srefi sortoe boen bodoi disi. Foe eksempel: Kande joe abi bodoi fanowdoe foe na fasi fa joe kan gi wan sisa deki-ati di e ondrofeni gens foe na sei foe en masra di no de na bribi. Foe feni penti di fiti, joe ben sa kan soekoe den ede „Trowmasra”, „Trowoema” ofoe „Gens”. Efoe joe no e feni na sani di joe e soekoe foe na wan tori ondro na fosi ede di joe opo, dan proeberi na wan tra ede. Aksi joe srefi: ’Soema de ini na tori? Wan spesroetoe presi de prenspari? Wan spesroetoe eigifasi ofoe konifasi? Wan firi di e basi sma? Wan marki?’ Efoe joe feni wan trefwortoe di sori taki a de na joisti wan, loekoe dan fosi go na den kruisverwijzing di tanapoe wantewante na en ondro. Disi e kibri foeroetron ten foedi joe e feni wan tra onderkop di e fiti moro.
5 Na koni fasi ini na gebroiki foe na Index kan jepi foeroe foe wi foe kan doe na santa frantiwortoe foe wi nanga boen bakapisi. Wi osofamiri, bijbelstudie èn wi gemeente sa njanboen foe en omoro wi e kon koni foe gebroiki na wrokosani disi. Den uitgave foe Wi Kownoekondredienst di e kon sa ondrosoekoe spesroetoe kontren pe na Watch Tower Publications Index kan de wan jepi pasa marki foe doe wi Kownoekondre-diniwroko.