Pristeri na boen njoensoe — Nanga jepi foe stratiwroko
1 Odo 1:20 e taki: „Troe koni en srefi e tan kari nanga tranga sten na strati. Na tapoe den publiki pren a e meki en sten de foe jere doronomo.” Den wortoe disi de spesroetoe troe na ini na ten disi, foedi Jehovah en dienstknekti fajafaja e preiki na boen njoensoe foe na Kownoekondre awansi pe den kan feni sma. Neleki Jesus èn den profeiti di ben kon bifo Krestes, na opregti lobi foe wi gi sma e boeweigi wi foe pristeri na waarheid gi ala sma, na alape. — Jer. 11:6; Mark. 6:56; Luk. 13:22, 26.
2 Aladi a de na gwenti taki wan sma en oso de na presi di joe e winsi moro foeroe foe taki nanga en foe na waarheid, tokoe foeroe sma no de na oso te wi e wroko oso foe oso. Te na ososma de na oso, dan foeroetron a de na srefi sma, di wi ben taki nanga en bifo, di e opo na doro, èn wi no e miti tra memre foe na famiri. Foe dati-ede stratiwroko, moesoe abi wan fasti presi na ini wi diniwroko. Joe sa si kande taki stratiwroko, soleki wan pionier ben taki foe en, na „wan span, fris kontren pe sma de na oso.”
WAN WARAN POSITIEF FASI FOE TJARI JOE SREFI
3 Foe san-ede joe no e proeberi foe doe joe stratiwroko doronomo na ini na srefi kontren? Wán sisa di e doe disi e taki taki a kon sabi morofoeroe foe den sma di abi winkri èn tra sma di e kon foeroetron na ini „en” strati. Wan boen bericht ben bow èn disi opo na pasi foe abi foeroe bijbel takimakandra di abi boen bakapisi. Wan jepipionier di e prisiri dorodoro na ini a stratiwroko ben taki taki a e proeberi foe go na sma di e loekoe na ini den fensre foe den winkri, na sma di e sidon na ini den oto, na sma di e wakti na tapoe bus èn srefi na denwan di wan leisi a fesi ben taki taki den no wani. Deki-ati nanga wan boen koni foe man foe si sani de fanowdoe foe wi kan de fri èn sondro frede èn nanga overtoigi, èn foe wi tokoe no proeberi foe go doronomo pasa marki.
4 Na sroto foe doe stratiwroko nanga boen bakapisi na foe abi wan waran, prisiri nanga opregti fasi foe bigin nanga na sma. Lafoe pikinso. Proeberi foe loekoe na sma na ini en ai, ma efoe dati no kan, bigin dan nanga wantoe switi wortoe. Loekoe foe si den omstandigheid èn meki gebroiki foe den. Wan sisa e loekoe foe si den oemasma di e waka nanga hebi tas nanga njanjan sani èn a e taki: „Mi e si taki joe ben go na winkri. Sani foe njanjan diri troetroe na in a ten disi. Fa joe ben sa denki foe wan pikinso njanjan di e gi deki-ati na a froestan nanga na ati? Mi ben feni na artikel disi moi . . . .” Na wan sma nanga pikin a e taki: „Mi e si taki joe abi toe moi pikin. Joe ben sabi taki na bijbel e taki taki pikin na wan blesi foe Gado? Kon, meki mi sori joe. . ..” Foe bigin nanga wan sma di de bezig foe denki dipi a e taki: „Mi e si taki joe e prakseri wan sani. Na grontapoe foeroe nanga trobi na ini a ten disi, joe no e agri? Joe e prakseri taki oiti wan ten sa kon te . . . ?”
5 Efoe wan sma e waka esi-esi na strati, joe kan gi en soso wan traktaat nanga den wortoe: „Djaso joe abi boen njoensoe di joe kan leisi te joe abi ten.” Efoe a e sori taki den sma abi ten, pristeri dan den tijdschrift. A de boen foe sorgoe taki den sma e kisi wi lektuur na ini den anoe, ibri ten te dati kan.
6 Foeroe preikiman di ben frede fositen foe doe stratiwroko, e si disi now leki na moro switi fasi foe den foe preiki. A e taki foe en srefi taki wi moesoe loekoe boen te wi e wroko na ini wan kontren di abi kefar ofoe na wan ten di no de sondro kefar. Srefi na ini pikin foto foeroetron kontren de di druk, bushalte ofoe publiki parkeerpresi pe wi kan go na sma nanga na boen njoensoe. Teki na okasi èn meki joe sten piki nanga koni te joe e meki na boen njoensoe bekenti na den strati èn den publiki pren foe na blesi foe den arkiman èn foe Jehovah kisi grani. — Odo 1:20.