Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • km 5/92 blz. 3-6
  • „Tjariman foe leti”-distriktkongres 1992

Felem no de na a pisi disi.

Sorry, wan sani no go bun di wi pruberi fu drai a felem.

  • „Tjariman foe leti”-distriktkongres 1992
  • Wi Kownukondre diniwroko 1992
  • A srefi sortu tori
  • Seti sani now foe fisiti na „Sma di Lobi Fri”-distriktkongres 1991
    Wi Kownukondre diniwroko 1991
  • Njan boen dorodoro foe a „Leri foe Gado”-distriktkongres 1993
    Wi Kownukondre diniwroko 1993
  • Kon na a „Soyfri tongo”-distriktkongres 1990
    Wi Kownukondre diniwroko 1990
  • „Fertrow tapoe Jehovah”-districtcongres 1987
    Wi Kownukondre diniwroko 1987
Moro sani
Wi Kownukondre diniwroko 1992
km 5/92 blz. 3-6

„Tjariman foe leti”-distriktkongres 1992

1 Jesus ben taki dati den bakaman foe en ben sa de „a leti foe grontapoe” (Mat. 5:14). Kontrari foe disi dan dei foe dei a doengroe foe grontapoe na jejefasi èn moreelfasi e kon moro bigi (Jes. 60:2; Rom. 1:21). Wi frantiwortoe leki tjariman foe leti moro nanga moro e wani taki wan sani, omoro wi e doro a kaba foe a seti foe sani disi. Foe di wi sabi sortoe prenspari ròl wi e prei srefisrefi, meki wi e loekoe nanga foeroe froewakti foe de na a „Tjariman foe leti”-distriktkongres 1992. Na fosi wan foe den kongres disi e bigin freida 7 augustus 1992.

2 Wan dri-dei kongres: A jari disi wi meki plan foe hori ala nanga ala 4 kongres na Sranan. Na ini disi joe abi so srefi wan ingrisi nanga toe sranantongo wan. A program sa bigin freida 10.20 mamanten èn a sa tapoe sonde, wan sani foe 4.15 bakadina nanga singi èn begi. Ala den dienstknekti foe Jehovah sa wani de na a heri programa. Joe srefi ben teki a bosroiti foe de drape ala dri dei? No tapoe foe aksi Jehovah blesi na ini begi tapoe den tranga moeiti di joe sa doe.

3 Foe bigin nanga a bigintaki freida mamanten te go miti den kriboi sani di den e taki sonde bakadina, a heri programa moesoe abi ala wi prakseri. Span bodoi sa gi ini lezing, demonstrâsi, aksi-takimakandra èn wan drama. Meki plan foe de na joe presi langaten bifo a programa bigin. Moro foeroe a de so taki na a fosi dei wi abi moro ten fanowdoe foe parkeer wi oto, foe feni sidon presi, nanga so moro fara. So boen, gi joesrefi nofo ten. Efoe wi no misi noti foe a programa èn efoe wi tan te nanga a lasti singi nanga begi, dan wi sa njanboen dorodoro foe a programa èn na so fasi wi sa sori warderi gi a grani di wi abi foe dini leki „tjariman foe leti”.

4 Meki joe jesi e poti prakseri boen: A psalm singiman ben froeklari: „Na a tori foe den froemane foe joe mi e tan poti prakseri. Foe troe fa mi lobi joe wet! A heri dei a abi mi belangstelling srefisrefi” (Ps. 119:95b, 97). Na ibri okasi dati wi e kon makandra foe kisi leri foe Jehovah, a de fanowdoe foe no arki wawan nanga wi jesi, ma foe poti prakseri èn arki nanga wi ati toe. Ma, a fanowdoe foe doe disi de moro tranga te wi e go na bigi konmakandra so leki wan distriktkongres. So foeroe sani de foe wi ai kan si èn foe wi jesi kan jere. Fa wi ben sa pori en gi wisrefi efoe wi ben sa gebroiki wi ten èn moni foe fisiti a kongres èn dan, te wi drai go baka na oso, te joe loekoe en boen wi no man memre toemoesi foeroe finifini pisi foe den sani pe wi leki tjariman foe leti kan meki go na fesi na ini! Efoe wi wani feni wini dorodoro foe a programa, dan wi moesoe doe moeiti foe feti nanga iniwan sani di ben sa man poeroe wi prakseri. Fa wi kan sorgoe taki na a kaba foe a programa den bodoi prani dipi na ini wi ati èn ini wi jeje?

5 Arki na wan koni di sma moesoe kweki èn oefen. A wortoe „arki” wani taki „jere ala di joe e poti boen prakseri”. Go loekoe pikinso den rai di e kon now: (1) Doe ala tranga moeiti foe doro ibri mamanten na a kongres djari leki wan sma di ben abi wan boen neti rostoe. Disi e aksi foe oenoe meki plan èn foe na osofamiri wrokomakandra. Efoe joe weri toemoesi foe di joe no sribi nofo, noso angri e kiri joe foe di joe no njan mamanten, noso efoe den senwe foe joe span toemoesi foe di joe ben moesoe hasti joesrefi, dan joe sa teki pikinso nomo foe a programa. (2) Wiki froewakti ini a tori foe a fasi fa a thema sa tjari kon a doro moro fara. Foe san ede joe no e meki ibri osofamiri memre gi kommentaar, wan toe wiki bifo a kongres, leki wan pisi foe oenoe osofamiri studie, tapoe san a wani taki gi en foe de wan tjariman foe leti? Te joe de na a kongres, loekoe dan bifo a programa bigin ala den pisi di o kon a dei dati. (3) Weri krosi di fiti èn no njan èn dringi ala di a programa e hori. Sma si taki wan toe sma ben e njan èn dringi na a sidon presi foe den di a programa e hori. Disi no e kotoigi foe respeki, a e poeroe a prakseri foe trawan èn e sori wan mankeri foe dwengi joesrefi. — Loekoe Na Waktitoren (SR) foe 15 november 1991, bladzijde 17-27.

6 Wi wani poti spesroetoe prakseri tapoe skrifi foe wantoe bodoi. Efoe disi e doe na wan joisti fasi, dan disi sa jepi joe foe arki den takiman moro fini èn foe hori na ede san joe e jere. Foe di wi e denki fo tron so moro esi leki te wi e taki, dan a moro boen fasi foe wi prakseri no drifi gowe, na foe skrifi wan toe bodoi. Wan skrifiman ben taki: „Arki wan takimakandra de foeroe leisi moro moeilek leki foe hori wan. Kande joe e memre taki sma ben sabi fa den fosi kresten ben e tjari brokobroko pisi foe patoe go na den konmakandra èn ben e skrifi tekst na den tapoe nanga enki. Kolokoe wi kan meki gebroiki na wan makriki fasi foe pikin notisi boekoe di sma kan hanteri boen nanga wan pen noso potlood. A konifasi foe skrifi wantoe bodoi wani taki dati wi e skrifi soifri san de nofo foe kan hori den edepenti, ma no so meni taki a heri ten wi e skrifi nomo. Noso wi ben sa lasi a marki èn so srefi misi prenspari penti di a takiman e behandel. Skrifi sroto wortoe èn gebroiki fasi foe skrifi sani sjatoe. Joe sa abi foeroe wini foe den bodoi foe joe di joe skrifi efoe joe e loekoe den ete wantron a neti dati èn morofara baka bifo den go taki foe den heimarki foe a programa tapoe a diniwroko konmakandra ini a gemeente.

7 Singi èn begi di e komopo foe na ati: A singi foe prèise singi gi Jehovah èn go na en ini begi na wan respeki fasi, na spesroetoe pisi foe wi anbegi (2 Kron. 30:21, 27). Den sani disi na prenspari pisi foe a kongres pe wi alamala kan abi wan prati na ini. Na den dri dei foe wi „Tjariman foe leti”-distriktkongres wi sa singi tina-aiti prèisesingi gi Jehovah èn wi sa de wán makandra ini aiti begi di wi sa seni go na wi hemel Tata. Disi na foe troe grani di sma no kan prakseri omeni den warti. Jehovah e gi wi jeje leri èn e skoro wi pasa twarfoe joeroe langa. Ini den toe miniti di poti na wan sei gi singi nanga begi, wi e taki Jehovah tangi foe den boen-ati presenti foe en èn e prèise en. Wi ben sa wani taki Jehovah si wi, di e kon makandra leki wan ipi di tjari kon na wan ini begi na en fesi, leki gridi sma èn leki sma di no abi tangi foe di wi e meki fowtoe plan so taki wi ben misi a singi èn a begi. A jari disi toe nofo lektuur sa de foe kisi na ibri kongres, èn na so den sma di, so leki fa a fiti, tan sidon na den sidonpresi te leki a programa kaba no abi foe kon te wowojo jagi. So toe no wan sma moesoe opo bifo a konmakandra tapoe foe go bigin tanapoe ini rèi foe njanjan, foe kan de na fesi trawan. — Mat. 7:12; Rom. 12:10; Fil. 2:1-4.

8 Doe ala sani foe Gado kisi glori: Ibri jari den e memre wi na wan switi fasi na a prenspari fasi foe boen maniri èn wan joisti fasi foe tjari joesrefi na a kongres. Moro foeroe sma de foe prèise foe di den e teki den deki-ati disi, di sma e gi den, na ati nanga wan boen konsensi. Omoro a kaba foe a seti disi e kon krosibei, dan sani e dwengi wi moro nanga moro foe abi demakandra na wrokope èn na skoro nanga sma di a fasi fa den e tjari densrefi de leki fa taki na fesi ini 2 Timoteus 3:1-5. Efoe wi no de na ai, dan a demakandra disi kan abi takroe krakti na wi tapoe. Noiti wi wani meki sma taki ogri foe wi neleki den e taki foe ogridoeman’ (1 Petr. 2:21). Disi e aksi taki wi poti moro leki gewoon prakseri na wi kresten persoonlijkheid. Ala sma moesoe de na ai ini a tori foe a fasi fa den e tjari densrefi na a kongres èn na tra poebliki presi. Owroeman abi belangstelling gi ala den brada foe den (Fil. 2:4). Den moesoe wani foe gi jepi nanga prisiri èn moesoe prèise trawan gi a toemoesi moi fasi fa den e tjari densrefi. Owroeman moesoe firi densrefi fri toe, efoe dati de fanowdoe, foe gi rai na wan lobifasi, srefi ala di densrefi no sabi a brada noso sisa. Efoe serjoesoe problema ben sa kon, dan a tori disi moesoe tjari go na a tirikamra na a kongres.

9 A njoen persoonlijkheid di kari na ini Efeisesma 4:24, den e teki gersi nanga wan krosi di wan sma e weri baka te a poeroe na owroe persoonlijkheid. A kenki disi ini persoonlijkheid moesoe de foe si toe na ini den troetroe krosi di wi e weri. Sma si taki son brada nanga sisa, spesroetoe den jongoewan, no e weri krosi di fiti na okasi èn sontron srefi den e weri krosi di foe troe no e sori wan sakafasi. Trawan e poeroe den soesoe èn den e anga nanga den foetoe foe den na a baka foe a stoeroe di de na den fesi noso den e waka lontoe sondro soesoe na den foetoe. Ini doroseikondre den si taki son sma di e go teki dopoe ben weri tapoesei bosroko pe grontapoe-odo ben skrifi na tapoe èn prenki, noso taki den ben druk reklame na tapoe gi difrenti sani; wi ben sa wani kibri wisrefi foe den sortoe sani disi ben sa pasa na ini wi kondre toe. Owroeman di e loekoe den aksi nanga den sma di e sreka densrefi tapoe a dopoe, moesoe sorgoe taki den sma di e teki dopoe e froestan san den brada wani taki nanga krosi di fiti na a okasi dati. — Loekoe Na Waktitoren foe 1 juni 1985, bladzijde 30 èn 1 augustus 1973 bladzijde 480 [Bakaratongo].

10 Opname wrokosani: Ala di videocamera mag gebroiki, wi e aksi den sma, di e meki gebroiki foe den, tangitangi foe hori rekening nanga trawan, foe den piki boen na mindri tra sani san den wani teki èn abi respeki gi sma di kande no wani sma meki film foe den te den e njan, te den e arki na programa noso na a ten foe wan begi. Ibri wan sma di e meki video-opname noso di e gebroiki casetterecorder, moesoe sorgoe foe no poeroe a prakseri foe den arkiman noso hendri den. A no abi trobi efoe komoto foe na presi pe joe e sidon, joe wani teki wan sani foe a programa. Ma a no ben sa fiti efoe na a ten foe a pragrama wan sma ben sa wakawaka lontoe na a pasi pe sma e waka pasa èn na fesi foe den arkiman, foe den teki a programa. Den brada di e gi sma jepi moesoe taki, efoe a de fanowdoe, nanga a sma di no e sori brada-lobi na a fasi disi. Grantangi hori na prakseri taki camera noso opname wrokosani no mag poti noso anga na a elektrisch noso geluid-sistema foe a kongres èn sma no moesoe poti wrokosani toe na a pasi pe sma e waka noso na presi pe foeroe sma e waka.

11 Gi papa nanga mama: Nanga prisiri wi wani poti krakti ete wan tron a tapoe, o prenspari a de taki ala ten papa nanga mama moesoe hori ai tapoe den pikin foe den (Odo 29:15b; Luk. 2:48). Sorgoe taki den pikin foe joe e poti jesi èn e skrifi wan toe bodoi te a programa e hori. A pauze e gi okasi foe go soekoe den mati foe tra gemeente.

12 Foe gi wan eksempel o prenspari a de foe sabi ala ten pe joe pikin de: ini wan bepaalde kongres foto wan taksiman ben froeteri wan brada taki a ben teki toe oemapikin na a centrum pe a kongres e hori gowe nanga en. Leki fa a ben sori dan den ben wani gowe a heri bakadina èn den ben froeteri a taksiman taki den mama no ben sa misi den bifo 5.00 joeroe bakadina. A taksiman disi ben e broko-ede efoe sani ben sa waka boen nanga den, ma fa a ben de nanga den mama? Fa a ben sa de wan sari sani efoe wan serjoesoe sani ben miti den, foe no taki foe a pori nen di disi ben sa tjari tapoe Gado nen nanga en pipel!

13 Wi e warderi a wroko di oenoe e wroko dorodoro makandra nanga wi: O prenspari a de foe wi alamala wroko makandra foe hori wisrefi na den markitiki foe a Genootschap di abi foe doe nanga a fisiti foe a kongres pe den seni wi gemeente foe go? A sreka foe ibri kongres e aksi foe a Genootschap nanga den frantiwortoe brada ini ibri kongresfoto seti sani finifini. A abi na ini toe, a sorgoe foe nofo sidon presi, njanjan, lektuur, nanga so moro fara. Efoe foeroe brada de di e fisiti den kongres pe den no ben seni wi foe go, dan problema kan kon. Leki fa a sori dan pikinso sma de nomo di a situwâsi foe den e meki en fanowdoe foe den go na wan tra kongres. Foe difrenti reide ede tra kongres djari kan loekoe moro moi foe go, ma efoe wan bigi ipi brada nanga sisa ben sa go na a presi pe densrefi wani, dan a ben sa kon de wan broeja sani.

14 Wi e aksi foe joe wrokomakandra nanga wi ini a tori foe a hori foe sidonpresi. GRANTANGI HORI NA PRAKSERI TAKI SIDONPRESI MAG HORI SOSO GI MEMRE FOE JOE EIGI OSOFAMIRI NANGA SMA DI E RÈIS NANGA JOE INI A SREFI OTO. Na ala kongres, faki sa de di de spesroetoe gi den owroewan nanga den malengriwan. Wi e aksi ala sma na wan switi fasi foe hori densrefi soifri na san den brada di e gi sma jepi e sori èn e gi joe leki bodoi. Son owroe brada nanga sisa ben abi foe soekoe sidonpresi na presi di ben de moro moeilek foe den doro drape, foe di jongoewan ben go sidon na den presi na ini a faki foe den granisma. Grantangi hori den granisma na prakseri. Wi e sari taki wi no man foe gi aparti presi noso kamra di sma begi wi, gi den sma nanga problema so leki alergie (sma di den skin no man foe froedrage bepaalde sani moro).

15 Wi e gi joe a rai foe meki den nomroe foe sani foe joesrefi di joe o tjari go na a kongres, no de toemoesi foeroe. Efoe wan sani no e fiti na ondro a stoeroe foe joe, dan kande a moro betre foe joe libi en na oso. Bigi ijs-boksoe no mag poti na a pasi pe sma e waka so taki den tron wan bigi kefar gi sma, èn efoe joe sa poti den na tapoe a stoeroe na joe sei, dan kande wan tra sma no sa abi sidonpresi.

16 Njanjandienst: Neleki tapoe den kongres ini den ten di pasa, na so a jari disi wi sa meki gebroiki soso foe kongresbon. A prijs foe den difrenti sani sa poti akroederi den bon di de foe di a no skrifi tapoe den bon omeni moni den de. Na ibri oekoe den fanowdoe sani sa de foe feni baka. Fa a meki di den sani ben meki kon moro eenvoudig tapoe a kontren foe njanjansani, ben sori taki den de toemoesi boen seti gi ibriwan sma, foe lekti a wroko èn foe kan doe en moro esi!

17 Jehovah pipel seiker e warderi en troetroe foe kan kon makandra ala jari na ini toemoesi moi zaal foe njanboen foe a kefarlek moi jeje programa di sreka na fesi. Wi e warderi so srefi den foeroe wroko di e doe foe jepi oenoe èn den foeroe sani, di e meki sani makriki gi wi, di wi e kisi na den sortoe konmakandra disi. Nanga foeroe sorgoe makandra nanga boen bigi onkostoe, a Genootschap seti sani gi nofo sidon presi, a poti foe diri-diri wrokosani gi a geluid èn a sorgoe gi wan toemoesi boen njanjan seti èn dan ete wan toe tra sani e seti èn wroko e doe di e meki a fisiti foe a kongres de switi èn e gi jeje kowroe-ati.

18 A meki gebroiki foe den njanjan seti tapoe den kongres de wan fasi foe jepi foe tapoe wan pisi foe den onkostoe. Moro fara den onkostoe e tapoe nanga jepi foe den friwani-gi foe oenoe di e horibaka gi a wroko foe a Genootschap di e doe na a heri grontapoe. Foe a makrikifasi meki ala pe na ini a zaal bijdrage-dosoe poti di joe kan kon sabi makriki. Ala bijdrage wi e warderi srefisrefi èn a Genootschap wani foe bigin taki oenoe tangi na fesi foe a boen-ati fasi nanga wánfasi ini a hori di oenoe e horibaka gi den Kownoekondre afersi. — Lukas 6:38.

19 Kon na a „Tjariman foe leti”-distriktkongres: Te wi e fisiti a „Tjariman foe leti”-distriktkongres, wi sa de nanga faja foe jere foe san ede a de wan bigi grani foe de tjariman foe leti. Den sa memre wi taki a de so srefi wan serjoesoe frantiwortoe. Efoe wi e poti moro leki gewoon prakseri na den sani di wi sa jere na a kongres, dan wi sa meki wi bekwaamfasi kon moro boen èn so srefi wi sa meki wi warderi gi a ròl foe wi leki tjariman foe leti kon moro bigi. Meki plan now foe de na a heri programa, foe bigin nanga a fosi singi tapoe freida te nanga a lasti begi tapoe sonde bakadina.

[Faki na tapoe bladzijde 6]

Jepisani foe memre sani baka foe a kongres

Dopoe: Sma di o teki dopoe moesoe proeberi foe sidon tapoe den presi na in a faki di poti spesroetoe gi den, bifo a konmakandra e bigin tapoe satra mamanten. Ibriwan sma di poti na en ede foe teki dopoe, moesoe tjari bescheiden swen krosi nanga wan wasidoekoe kon. Baka a dopoe lezing nanga a begi foe a takiman, dan a fesiman foe a konmakandra sa gi sjatoe rai na den sma di o teki dopoe èn baka dati a sa kari wan singi. Te a lasti pisi foe a singi e bigin, dan den brada di e sori sma pe den moesoe sidon sa tjari den sma di o teki dopoe go na a dopoe presi ofoe na den wagi di sa tjari den go drape, ala di den tra sma di de drape e singi a singi te na a kaba. Foe di a dopoe leki wan simbôl foe a gi di wan sma e gi ensrefi abra na Jehovah de wan krosibei èn persoonlijk afersi a mindri a sma srefi nanga Jehovah, meki seti no de gi wan sokari patna-dopoe pe toe ofoe moro sma di o teki dopoe e brasa makandra ofoe e hori den anoe foe makandra, te den e kisi dopoe.

A karta foe kon sabi den pionier: Ala gewoon nanga spesroetoe pionier, so srefi den opziener di e rèis èn den memre foe a Bethelfamiri, moesoe tjari a Waktitoren ID-karta nanga toewijzing karta foe den (S-202-O) kon na a kongres. Den wan di na a ten foe na kongres de siksi moen ofoe moro langa ini a pionierwroko, kan kisi kongresbon soso te den sori den Waktitoren ID-karta. Behandel foe dati-ede a karta net so boen leki moni; joe no kan kisi trawan na a kongres. Pionier sa kisi wan toe boekoe foe soso di kon kande a doro, ofoe tra lektuur nanga boekoe di kon a doro, foe a bijdrage foe den pionier na a lektuur afdeling te den sori a Waktitoren ID-karta foe den.

Friwanidienst: A jepi foe friwani wrokoman de fanowdoe foe meki wan distrikt-kongres waka switi. Awasi joe no man wroko a heri kongres, tokoe wi sa warderi den wroko foe joe. Efoe joe kan jepi, go dan te joe doro na a kongres na a afdeling Friwani wrokoman. Den pikin di moro jongoe leki 16 jari kan doe wan sani toe foe meki a kongres waka boen, ma den moesoe wroko makandra nanga a papa ofoe mama ofoe wan tra frantiwortoe bigisma.

Lapelkarta: Weri grantangi te joe de na a kongres a lapelkarta di meki spesroetoe èn weri en so srefi te joe e rèis go èn rèis komoto foe a kongres. Foeroe tron disi e meki wi man gi boen kotoigi te wi e rèis. Joe moesoe teki den lapelkarta ini joe gemeente, foe di den no de foe kisi na a kongres.

Wan wortoe foe warskow: Awasi pe joe e poti joe oto, sroto en ala ten èn noiti libi wan sani didon na ini di sma ai kan si. Kibri den goedoe foe joe efoe a kan ini a baki na bakasei foe a wagi èn sroto en. De so srefi na ai gi foefoeroe-man èn sma di e foefoeroe moni poeroe a sma saka, di ala ten e kon pe bigi konmakandra e hori. Disi wani taki toe taki joe no moesoe libi no wan warti sani a baka tapoe joe sidonpresi na a kongres sondro foe hori ai na en tapoe. Den ben taki srefi foe wan toe kefal foe sma sondro frantiwortoe di no abi konsensi èn di e proeberi foe kori jongoe pikin poeroe foe a presi pe a kongres e hori. Grantangi, de forsektiki.

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma